Түрк модасы жана искусствосунун эл аралык фестивалына катышуу
2023-жылдын 28-ноябрынан 30-ноябрына чейин Түркия Республикасынын Анталия аймагындагы Аланья шаарында Түрк модасынын жана искусствосунун эл аралык фестивалы болуп өттү.
И.Раззаков атындагы Кыргыз мамлекеттик техникалык университетинин Кесиптик орто билим берүү (Колледж) "Костюмдун дизайны" билим берүү программасынын окутуучусу Тенти кызы Элиза бул эл аралык фестивалга Кыргызстандын атынан өзүнүн "Эрте келген турналар" коллекциясын тартуулады. Коллекция Чыңгыз Айтматовдун 95 жылдыгына арналган "Эрте келген турналар" повестинин негизинде аткарылган.
Повесть согуш мезгилиндеги адамдардын жашоосу жөнүндө баяндайт. Бул укмуштуудай чыгарма согуштун коркунучтуу азаптарын, жаштыктан чоңойгонго чейинки мезгилди чагылдырат. Бирок бардык кыйынчылыктарга карабастан, Султанмурат менен Мырзагүлдүн таза жана күнөөсүз биринчи сүйүүсү сүрөттөлөт. Коллекциянын негизги идеясы, жашоонун бардык кыйынчылыктарына карабастан, сүйүү ар дайым болот жана адамдардын жүрөгүндө жашайт.
Фестиваль өзүнүн чыгармачылыгын жана этникалык маданиятын өнүктүрүү үчүн өзүнүн горизонтторун жана мүмкүнчүлүктөрүн кеңейтүү үчүн уникалдуу мүмкүнчүлүк берет. Аланиядагы биринчи түрк мода жана искусство фестивалы, бардык кол өнөрчүлүктү, маданиятты, искусствону Түрк маданиятынын бирдиктүү мейкиндигине бириктирди.
Ар бир элге мурунку муундардан өз колу менен жасалган мурас берилет. Этникалык элемент бүгүнкү күндө архитектурадан костюмга чейин заманбап искусстводо байкалат. Эл аралык Түрк мода жана искусство фестивалы маданиятка жана салтка болгон кызыгууну калыптандырат, ошондой эле түрк элдерине гана таандык этникалык элементтердин колдонулушун кеңейтет. Бул кылымдар бою тарыхты жана салттарды иштеп чыгууга жана сактоого мүмкүнчүлүк берет. Фестивалда дизайнерлер, кол өнөрчүлөр, сүрөтчүлөр жана зергерлер этникалык өзгөчөлүктү киргизүүнүн уникалдуулугун жана анын ар түрдүүлүгүн заманбап дүйнөнүн жана жашоо образынын тенденциялары менен айкалыштырып көрсөтүштү.
Фестивалдын идеясы искусстводогу жаңы технологияларды көрсөтүү, багытта жана стилде моделдердин, бренддердин коллекциясын түзүү болду. Ар кандай багытта иштеген сүрөтчүлөр, дизайнерлер арасында ар түрдүү маданияттардын диалогу, тажрыйба жана идеялар менен алмашуу, моданын жаңы тенденцияларын өнүктүрүү, жаңы стиль, искусствонун жаңы көрүнүшү өз тамырын сактап калуу.