Кафедранын багыты: «Жылуулу, газ менен камсыздоо жана желдетүү» кафедрасы (ЖГмКжЖ) имараттардын энергия натыйжалуулугу багытында адистерди даярдайт. Кыргыз инженердик-курулуш институтунун (КИКИ), Экономика жана бизнес жогорку мектебинин (ЭБЖМ) жана Архитектура жана дизайн институтунун (АДИ) институттардын студенттерине сабак өткөзүлөт.
Кафедранын максаттары:
Эл аралык стандарттарга жооп берген сапаттуу билим берүү.
Энергия натыйжалуулук технологиялары жана туруктуу курулуш тармагында илимий изилдөөлөрдү өнүктүрүү.
Илимий иштеп чыгууларды иш жүзүндө колдонуу үчүн өнөр жай ишканалары жана мамлекеттик органдар менен кызматташуу.
Окуу процессине заманбап санариптик чечимдерди киргизүү.
Кесипкөйлүккө жана эл аралык кызматташтыкка даяр адистерди даярдоо.
Окуу программалары:
Бакалавриат:
750500 «Курулуш» багыты боюнча билим берүү программасы, профили: «Жылуулу, газ менен камсыздоо, желдетүү жана жашыл технологиялар».
Магистратура:
«Жаңылануучу энергия жана имараттардын энергия натыйжалуулугу» («Курулуш» багыты). Бул программа Европа Биримдигинин TEMPUS-530793 долбоорунун алкагында Лунд университети (Швеция), Инсбрук университети (Австрия) жана Таллинн технологиялык университети (Эстония) менен биргеликте иштелип чыккан.
«Калктуу конуштарды жана ишканаларды жылуулук, газ менен камсыздоо» («Курулуш» багыты). Программа иш берүүчүлөрдүн сунуштарына ылайык жана «Газпром Кыргызстан» ЖЧКсы менен түзүлгөн меморандумдун негизинде иштелип чыккан.
05.23.03 – Жылуулук менен камсыздоо, желдетүү, абаны кондициялоо, газ менен камсыздоо жана жарыктандыруу.
Кошумча маалымат:
Азыркы энергетикалык кризис шартында энергияны үнөмдөө жана имараттардын энергия натыйжалуулугун жогорулатуу маселелери Кыргызстан үчүн өзгөчө маанилүү болуп калды. Бул чакырыктарга жооп катары кафедрабыз жылуулук менен камсыздоо, ысык суу менен камсыздоо жана имараттардын энергия натыйжалуулугу тармагында илимий изилдөөлөрдү жүргүзүүгө багытталган.
Кафедранын окутуучулары имараттарды энергетикалык сертификаттоо, ошондой эле казандарды, жылытуу жана ысык суу менен камсыздоо тутумдарынын натыйжалуулугун мезгил-мезгили менен көзөмөлдөө боюнча жогорку квалификациялуу адистер болуп эсептелет. Алардын кесипкөйлүгү Кыргыз Республикасынын Министрлер Кабинетинин Архитектура, курулуш жана турак жай-коммуналдык чарба мамлекеттик агенттиги (ГОССТРОЙ) тарабынан аккредитацияланган жана Мамлекеттик реестрге киргизилген.
Имараттарды энергетикалык сертификаттоо алардын энергия натыйжалуулугун A дан G ге чейинки шкала боюнча аныктоо процессин билдирет. Кыргыз Республикасынын «Имараттардын энергетикалык натыйжалуулугу жөнүндө» мыйзамына ылайык, бул иш-аракеттер энергия ресурстарын рационалдуу пайдаланууга, энергия натыйжалуулугун жогорулатууга багытталган чараларды колдоого жана көмүр кычкыл газынын бөлүнүп чыгышын азайтууга багытталган.
Мындан тышкары, кафедранын окутуучулары «Кыргыз Республикасында 2023-2027-жылдары энергияны үнөмдөө жана энергия натыйжалуулук саясатын ишке ашыруу» мамлекеттик программасын ишке ашырууга активдүү катышып келишет. Алар инженердик-техникалык кызматкерлерди жана бюджеттик уюмдардын бухгалтерлерин «Бюджеттик тармакта энергия менеджерлерди даярдоо жана кайра даярдоо» курсу боюнча окутуу, ошондой эле заманбап энергия керектөөнү башкаруу методдорун киргизүү боюнча эксперттер жана тренерлер катары иш алып барышат.
