«2023-жылдын эң мыкты окурманы» Республикалык сынагы
2023-жылдын 23-декабрында А.Осмонов атындагы Улуттук китепканада Кыргызстанда биринчи жолу «START BOOK» долбоорунун алкагында студенттер үчүн «2023-жылдын эң мыкты окурманы» аталышындагы Республикалык сынак өткөрүлдү.
Сынакты уюштурган «ИЛГИР» чыгармачыл жаштар уюму жана И.Раззаков атындагы Кыргыз мамлекеттик техникалык университети.
Өнөктөштөр: Кыргыз Республикасынын Маданият, маалымат, спорт жана жаштар саясаты министрлиги, И.Раззаков атындагы Кыргыз мамлекеттик техникалык университетинин жаштар борбору, Салымбеков Университет, Келечек платформасы.
Бул сынак 2023-жылдын 1-мартынан баштап 2023-жылдын 30-ноябрына чейин уланды. Республикалык сынакта кыргыз, орус, түрк жана англис тилдеринде китептерди окуп, жыл ичинде 500дөн ашык студенттер катышы, алардын ичинен эң азы 10 китеп окуса ал эми эң көбү 130дан ашуун ар кандай жанрдагы китептерди окуган.
Сынактын максаты - жаштар арасында китеп окууну жайылтуу, китеп окуу маданиятын адатка айландыруу, студенттер арасында актуалдуу болгон китептин багытын анализдөө ошондой эле китепкөй Кыргызстанды куруу.
Сынактын жеңүүчүлөрдү I, II, III даражадагы «2023-ЖЫЛДЫН ЭҢ МЫКТЫ ОКУРМАНЫ» аталышындагы статуэтка, диплом жана кызыктыруучу белектер менен сыйланып ошондой эле, 30дан 35ке чейин китеп окуган окурмандарга кызыктыруучу белектер ыйгарылды.
Иш-чарага КРнын Маданият, маалымат, спорт жана жаштар саясаты министринин орун басары - Тагаев М.Т., КРнын Жогорку кеңешинин депутаты Кадырбеков Н.К., “Grаnd study” өнүктүрүү борборунун директору - Исмаилов Ч.Э., “БАБК” долбоорунун негиздөөчүсү - Акылбеков Б., ТОМЕР түрк тилин үйрөтүү борборунун директорунун орун басары – Бекир Пасун, КРнын Жогорку кеңешинин депутаты - Исатбек к А. катышып өз сөздөрүн арнашты.
ЖОЖдор аралык викторинада биринчилик
2023-жылынын 22-декабрнда Кыргыз Республикасынын Финансы министрлигине караштуу Мамлекеттик бажы кызматында 4 жана 5-курстардын студенттеринин арасында "Бажы иши" адистиги боюнча ЖОЖдор аралык викторина болуп өттү. Кыргызстандын алдыңкы ЖОЖдорунун студенттери катышты: КМУУ, КМУ (юридикалык академия), Ош мамлекеттик университети, И.Раззаков атындагы КМТУ.
КМТУнун Транспорт жана робототехника институтунун ТДТ-1-20 тайпасынын (транспорттогу бажы иши) студентери , оптика кафедрасынын доценти Асаналиев Талайбек Маликович жана Токталиев Асел Карыбекованын жетекчилигинин астында 1-орунду ээлешти!
Командага төмөнкү студенттер кирди:
1) Айбекова Айтунук Айбековна
2) Ли Диана Афанасьевна
3) Темирбекова Малика Токтосуновна
4) Тилек уулу Ырыскелди
5) Тилепбергенов Айбол Муканбетович
Жаңы жыл алдындагы кайрымдуулук акциясы
"Жаңы жылдык кереметти тартуула" кайрымдуулук акциясынын алкагында КМТУнун студенттери "Үмүт-Надежда" балдар реабилитациялык борборуна барышты жана бул сонун жана шыктандыруучу саякат болду. "Ушундай туруктуулук жана кубаныч менен күрөшүп жаткан балдар менен жолукканда, биз алардын көздөрүнөн эбегейсиз эркти жана боорукердикти көрдүк. Алар менен биз ырдадык, бийледик - ар бир баланын өзгөчө таланты бар экен. Биз борбордун кызматкерлеринин ишине, алардын ар бир балага болгон сүйүүсүнө жана камкордугуна суктанабыз. Биз ыраазычылык сезими жана муктаж болгондорго жардам берүү үчүн жаңы дем менен кетип жатабыз. Бардык балдарга күч - кубат, ал эми борбордун кызматкерлерине бул балдарга жаркын келечекке үмүт жана мүмкүнчүлүк бергени үчүн ыраазычылык билдирип, ийгилик жана сабырдуулук каалайбыз. Ошондой эле тарбия иштери боюнча директордун орун басарларына жана студенттерге гум.жардамды чогултууга көмөктөшкөндүгү үчүн чоң ыраазычылык билдиребиз. Сиздердин салымыңыздар баа жеткис",-деп бөлүштү волонтер студенттер.
"Акыл таймаш" жаштар кубогу И.Раззаков атындагы КМТУда
7-декабрда Исхак Раззаков атындагы Кыргыз мамлекеттик техникалык университетинде 4-декабрь "Манас" эпосунун күнүнө карата Бишкек шаарындагы ЖОЖдордун арасында "Акыл-Таймаш" жаштар кубогу интеллектуалдык оюну болуп өттү.
Оюнга 13 окуу жай катышып, оюн кызуу жүрдү
1-орунду Кыргыз-Түрк Манас университетинен келген "Чырак" тобу
2-орунду Кувейт эл аралык университетинен келген "Kuwait international" тобу
Ал эми 3-орунду И. Арабаев атындагы Кыргыз мамлекеттик университетинен келген "Биримдик" курамалары ээледи.
Эскерте кетсек бул оюн Исхак Раззаков атындагы Кыргыз мамлекеттик техникалык университети, Кыргыз улуттук "Манас" театры, Кыргызстан жаштар конгресси, "Next generation" компаниясы жана Агартуу лигасынын колдоосу менен өткөрүлдү.
КМТУнун студенттерине арноо-2023
И.Раззаков атындагы КМТУнун студенттерине арноо – бул салтка айланган иш-чара, жыл сайын өткөрүлүп, майрам уюштурулуп, университетке жаңы келгендерди тосуп алышат.
"Студенттерге арноо" майрамы университетте студенттердин руханий-мекенчилдик духун, структуралык бөлүмдүн намысын коргоо сыймыгын жана жөндөмүн тарбиялоо, өнүктүрүү жана бекемдөө, ошондой эле студенттик чөйрөдөгү таланттарды аныктоо максатында өткөрүлөт.
Иш-чаранын жүрүшүндө төмөнкү милдеттер аткарылды:
И.Раззаков атындагы КМТУнун студенттери жана окутуучулары үчүн жаркын, тапкыч жана кызыктуу майрам түзүү;
жогорку билимди пропагандалоо;
студенттердин чыгармачылыгын стимулдаштыруу жана өнүктүрүү;
студенттерди активдүү чыгармачылык процесске тартуу;
университетте өткөрүлүүчү маданий массалык иш-чараларга катышуу үчүн эң көрүнүктүү чыгармачыл топторду аныктоо
Быйыл "КМТУнун студенттерине арноо-2023" сынагына 11 институт катышып, 5 командага бөлүндү.
Студенттерге толгон залда И.Раззаков атындагы КМТУнун ректору М.К. Чыныбаев тосуп алып, өз сөзүндө жаңы келген студенттерге окууларына, илим, көркөм чыгармачылык, спорттук мелдештерге, ар кандай коомдук жана кайрымдуулук акцияларына чоң ийгиликтерди каалады.
Быйылкы сынактын темасы "Политехтин саякаты" болду. Мындан тышкары командалар И. Раззаков атындагы КМТУнун келе жаткан 70 жылдыгына карата куттуктоо видеолорун даярдашты.
Калыстар тобунун курамында: "SelfVisa" визалык борборунун директору Жолчуев Жалын, "Бишкек Электроник Компанинин" директорунун орун басары Джамгурчиев Руслан Аликович, кыргыз эстрада ырчысы Марат Талантбеков, кыргыз театр жана кино актрисасы Эдигеева Айсанат, бийчи-балетмейстер касымканов Нурлан, КР алдыңкы стилисти Бекболотов Тилек.
"Студенттерге арноо" таптакыр жаңы багытта жана катышуучулардын чоң жетишкендиги менен өттү. Иш-чарага КМТУнун колледждеринин студенттери, КМТУнун Токмок шаарындагы Х.А. Рахматулин атындагы филиалынын Студенттик кеңеши, КРПМБА, КМУ жана КИЦА катышты.
Шоу-программаны Политехтин жаңы Гимни менен КМТУнун Студенттик кеңеши ачты. Андан кийин ректор Студенттик кеңештин мүчөлөрүнө КМТУнун энчилүү төш белгилери, ошондой эле атайын сыйлык тапшырды.
Студенттер менен бирге тарбия иштери боюнча директорлордун орун басарлары жана координаторлор бир нече ай бою талыкпай даярданып, залда отургандардын жүрөгүн багындырган укмуштуудай спектаклдерди көрсөтүштү.
Сынактын жыйынтыгын чыгаруу менен төмөнкү байге ээлери аныкталды:
Гран - приге Монголия "Чина" командасы ээ болду, анын курамына Экономика жана бизнес жогорку мектебинин жана Маалыматтык технологиялар институтунун студенттери кирди.
1 - орунду "Легенда" командасы-Африка ээледи жана ага Архитектура жана дизайн институтунун жана Электроника жана телекоммуникация институтунун студенттери кирди.
2-орунду "Все будет хорошо" командасы - Япония ээледи, анын курамына Транспорт жана робототехника институту, Кыргыз инженердик-курулуш институту, ошондой эле Биргелешкен билим берүү программалары институту кирди.
3-орунду "Аль-халал" командасы алды - БАЭ, анын курамына Энергетика институтунун жана Кыргыз тоо-кен металлургия институтунун студенттери кирди.
Курамына Кыргыз-Герман техникалык институту жана Технологиялык институту кирген "Тиги бу" командасына ыраазычылык каттары, ошондой эле студенттерге арноонун расмий эмес бөлүгүнө 10 билет тапшырылды.
Бардык командалар акчалай сыйлыктарды, ошондой эле иш-чаранын демөөрчүлөрүнөн көптөгөн баалуу белектерди алышты. КМТУнун 70 жылдык мааракесине арналган мыкты видео-куттуктоолор үчүн сыйлык катары ректор Чыныбаев М.К. заматта басып чыгаруучу картридждери менен Fuji Instax mini 12 фотоаппараттарды тапшырды.
"АКЫЛ ТАЙМАШ" жаштар кубогу
Бүткүл дүйнөлүк жаштар күнүнө карата Салымбеков Университетинде "АКЫЛ ТАЙМАШ" жаштар кубогу интеллектуалдык оюну болуп өттү.
Кыргыз Республикасынын Маданият, маалымат спорт жана жаштар саясаты министринин орун басары Марат Тагаев жана Салымбеков Университеттин Эл аралык ІТ жана бизнес колледжинин директору Нурзат Жунушалиева жаштардын күнү менен куттуктап, оюнчуларга каалоо-тилегин айтып, таймашты ачып беришти.
Оюнга жогоркуу окуу жайлардын студенттеринен турган 15 команда катышты. Таймаштын жүрүшүндө катышуучулар Кыргызстандын тарыхынын негизинде даярдалган суроолорго жооп берип, алган билимдерин дагы бир ирет тастыкташты.
Жыйынтыгында алдыга озуп чыгып, Исхак Раззаков атындагы Кыргыз Мамлекеттик техникалык университетинин "Шерине" командасы 1-орунду ээледи."Шерине" командасынын курамында: 1)Эрнисов Ниязбек Энергетикалык факультети 2) Абдипатта уулу Эрмамат Маалыматтык технологиялар институту 3) Акинов Данияр Маалыматтык технологиялар институту 4) Ахматжан уулу Даут Архитектура жана дизайн институту
Сыйлыктарды Кыргызстан жаштарынын конгрессинин төрагасы Жакшылык Бекназаров тапшырды.
"Акыл таймаш" интеллектуалдык оюну Кыргызстан жаштар конгресси ошондой эле Маданият, маалымат, спорт жана жаштар саясаты министрлигинин демилгеси менен "Агартуу лигасы" уюштурду.
Исхак Раззаковдун туулган күнү
КМТУда совет доорундагы мамлекеттик ишмер Исхак Раззаковдун туулган күнүнө карата университет 1995-жылдан бери ысымын алып жүргөн иш-чара болуп өттү.
30-октябрь 2023-жылы башкы кире бериштеги эстеликтин жанында митинг-реквием болуп, студенттер жана ректорат Кыргызстандын тарыхына кирип, Кыргызстандын өнүгүшүнө салым кошкон И. Раззаковду эскеришти.
Чогулгандардын алдында ректор М.К. Чыныбаев жана илимий иштер боюнча проректор Б.Т. Төрөбеков сөз сүйлөштү.
Иш-чара бир мүнөттүк жымжырттык жана эстеликке гүл коюу менен аяктады
STEM4ALL кесиптердин келечеги үчүн
"STEM4ALL кесиптердин келечеги үчүн" иш-чарасы Кыргыз Республикасынын Билим берүү жана илим министрлиги, Кыргызстандын БУУӨП жана коомчулуктун өнөктөштөрү менен биргеликте уюштурулган.
Иш-чаранын программасы STEM тармакты илгерилетүү үчүн биргелешкен STEM конференцияны камтыды. Бул диалогго саясатчылар, тармактын лидерлери, адистер, өнөктөштөр жана жаштар кошулду.
Кийинчерээк студенттер, мугалимдер, ата-энелер жана жалпы коомчулук үчүн STEM жарманкеси өткөрүлүп, алар STEM облусунда окуу жана иштөө мүмкүнчүлүктөрү менен тааныша алышты.
Иш-чарага 50дөн ашык өнөктөш уюмдар панелдик сессияларга, мастер-класстарга, келечек жөнүндө диалогдорго жана STEM-жарманкеге 3 500 - 4 000 катышуучулар катышышты.
Жаштар тамекиге каршы
Бүткүл дүйнөлүк жүрөк күнүнө карата жарандардын жигердүү узак жашоосун жайылтуу жана жашоо сапатын жакшыртуу максатында уюштурулган иш-чара кызыктуу жана ар түрдүү болду. Жарманкеде жаштар тамеки менен күрөшүүгө арналган флэшмоб менен активдүү чыгып, маалыматтык китепчелерди таратышты.
Иш-чаранын алкагында лотерея, дарыгерге чейинки биринчи жардам көрсөтүү, йога жана скандинавиялык сейилдөө боюнча мастер-класстар, Кыргызстандын жаштарынын тамекиге каршы флешмобу, ден соолукту чыңдоо гимнастикасы, жугуштуу эмес оорулар боюнча маалыматтык-билим берүүчү материалдардын көргөзмөсү, шахмат турнири, Саламаттык сактоо боюнча РЦУЗиМКнын адистеринин консультациялары, ошондой эле КР Юстиция министрлигине караштуу юридикалык жардам кызматынын адистеринен юридикалык консультацияларды берүү өткөрүлдү.
Футбол боюнча "Жаштар тамекиге каршы" турнири
И.Раззаков атындагы КМТУда жаштар арасында туура жашоо образын жайылтуу боюнча иштерди активдештирүү максатында. футбол боюнча "Жаштар тамекиге каршы" турнири өткөрүлдү
Иш - чаранын максаты-тамеки эпидемиясына жана анын зыяндуу кесепеттерине көңүл буруу, тамекини колдонууга жана тамеки түтүнүнүн таасирине байланыштуу социалдык, экологиялык жана экономикалык аракеттерден коргоого көмөктөшүү; тамеки чегүүгө каршы күрөшкө жаштарды тартуу, калкты сергек жашоого үгүттөө жана шыктандыруу, зыяндуу адаттын алдын алуу маселелери боюнча жекече сунуштарды берүү.
Турнирге университеттердин жана институттардын студенттери катышып, алар тамекисиз жерлерин жарыялашты.
Иш-чараны тарбия иштери боюнча департаменттин директору М.А. Мырзалиева жана институттардын тарбия иштери боюнча директорунун орун басарлары ачты.
М. А. Мырзалиева өз сөзүндө Кыргызстандын жаштарын тамекиден баш тартууга, спорт менен машыгууга жана албетте мыкты окууга чакырды!
Белгилей кетсек, тамеки тартуу азыркы учурда дүйнөдөгү бойго жеткен калктын 10% өлүмүнүн себеби болуп саналат. ДССУнун маалыматы боюнча, тамеки чегүү өлүмдүн алдын алуучу негизги себеби болуп саналат. Жыл сайын алты миллиондон ашык адам тамекиге байланыштуу миокард инфарктынан, инсульттан, рактан, өпкө оорусунан жана башка оорулардан өлөт.
Өз убагында дүйнөлүк коомчулуктун алдында – эски кылымда тамеки тартуу көйгөйү биротоло жок болуп кетишине жетишүү милдети коюлган.
Бирок, чындык эч нерсе өзгөрбөй турганын көрсөтүп турат жана тамеки тартуунун зыяндуу экенин баары билсе да, адамдардын көп саны тамеки чегүүнү улантууда (бул планетанын эркек калкынын жарымынан көбү жана аялдардын төрттөн бир бөлүгү!).
Уюштуруучулар Кыргыз Республикасынын Президенти С. Н. Жапаровдун "Инсандын руханий-адеп-ахлактык өнүгүүсү жана дене тарбиясы жөнүндө" жарлыгын ишке ашыруунун жыйынтыктарынын бири болуп кала турган зыяндуу адаттары жок жаш кыргызстандыктардын жаңы стандартын түзүү шарттарын көрсөтүүгө чечкиндүү
Билим күнү 2023
1-сентябрь 2023-жылы И.Раззаков атындагы КМТУда Билим күнүнө карата салттуу иш-чара өткөрүлдү. Саат 9-00дө университеттин башкы кире беришинде биринчи курстун студенттери жана административдик-башкаруу кызматкерлери чогулушту.
Ректор Чыныбаев М.К. жаңы топтомго куттуктоо сөзү менен кайрылып, абитуриенттерге билимге умтулууну жана студенттик жашоосунда ийгиликтерди каалады.
Андан соң Мирлан Койчубекович жогорку окуу жайга тапшыруу учурунда ЖРТ боюнча эң жогорку балл алган биринчи курстун студенттерине символикалык Билим ачкычын, зачеттук жана Студенттик китепти салтанаттуу түрдө тапшырды.
Иш-чаранын баары кызыктуу концерттик номерлер, бийлер менен коштолду.
Салтанаттуу бөлүктүн соңунда биринчи курстун студенттери институттардын жетекчилери менен жолугушту.
Бишкекте “Экинчи Корея-Кыргыз IT-конференциясы 2022” иш-чарасы болуп өттү.
2022-жылдын 25-ноябрында Сеул эл аралык достук уюму (SIFO), И.Раззаков атындагы КМТУ алдындагы “Fablab Bishkek” лабораториясы жана Корея Эл аралык Кызматташтык Агенттиги (KOICA) менен биргеликте “Экинчи Корея-Кыргыз IT-конференциясы 2022” эл аралык илимий-практикалык конференциясы болуп өттү. Конференциянын негизги максаты - Кыргыз Республикасында санариптик өндүрүштү андан ары өнүктүрүү жана өркүндөтүү боюнча сунуштарды иштеп чыгуу.
Конференцияга Кыргыз Республикасынын Билим берүү жана илим министрлиги, Кыргыз Республикасынын Санариптик өнүктүрүү министрлиги жана бир катар мамлекеттик министрликтер катышышты. Андан тышкары коомдук уюмдар Кызыл Ай , ЮНИСЕФ , Эл аралык өкмөттүк эмес компаниялардын өкүлдөрү катышты.
Сеул достук борборунун президенти
Ли Сун Жу конференциянын жүрүшүндө жалпы катышуучуларга өз сөзү менен кайрылды:
“Сиздер биздин дал ушул уюштуруп жаткан конференцияга келгениңиздер үчүн чоң рахмат. Бул уюштурган конференцияга И.Раззаков атындагы КМТУнун жана Түштүк Кореядан келген студенттер катышууда. Былтыркы жылы өткөрүлгөн конференциядан быйылкы жылдан айырмасы атайын иштелип чыккан “Make-A-Thon” конкурсуна катышуу үчүн студенттер команда түзүп, идеядан баштап иштин аткарылуусуна чейин өздөрү иштешти. Бул сынактын негизги максаты, алар кантип иш-чаранын темасына ылайык прототип түзө аларын жана кантип жасай аларын көрүү болду.»
И.Раззаков атындагы КМТУ ректору Мирлан Чыныбаев “Fablab”илимий лабораториясында көптөгөн дилгир жаштар азыркы коомго керектүү инновациялык идеяларын ишке ашырылып жатканы чон жетишкендик экенин белгиледи. Кыргыз-Корея достугу мындан ары бекемделип, келечекке жаштар колдоого даяр экендигин баса белгиледи
Белгилей кетсек, 2021-жылдын 22-24-декабрында «Корея-Кыргызстан 2021 IT конференциясы» болуп өткөн. Үч күндүн ичинде: “Idaethon”, кореялык профессорлордун ар түрдүү темадагы лекциялары, илимий көргөзмө жана пикирлештердин Dong-Ari клубунун ишинин бет ачары, ошондой эле «Медицина тармагында IT технологияларды колдонуу» темасында иш-чара болгон.
Жаркынай Сүйөркулова
Кыргызстан айым-режиссерлорунун 4 кинофоруму
В Бишкеке с 26 по 28 мая проходил кинофорум женщин-режиссеров. Были показаны 14 фильмов из трех стран — Узбекистана, Казахстана и Кыргызстана.
Также ведущий и гостья программы обсудили стереотипы об исключительно женском социальном кино и разницу в подходах режиссеров-женщин из стран — участниц форума.
Студенты КГТУ им.И.Раззакова, заместители деканов по воспитательной работе, кураторы на lV кинофоруме женщин режиссеров Кыргызстана, России, Турции.
Президенттик стипендиянын ээлерине жана алардын ата -энелерине ыраазычылык кат тапшыруу
2020 жылдын, 29декабрда И.Раззаков атындагы КМТУнун ЧЖЗда 2020-жылдагы Президенттин стипендия ээлери И.Раззаков атындагы КМТУнун ректорунун Ардак грамотасы менен сыйланышты. 2020-жылы төмөнкү студенттер Президенттик стипендияга ээ болушту:
Жолугушууга Президенттик стипендианттардын ата-энелери дагы чакырылган. И.Раззаков атындагы КМТУнун ректору Чыныбаев М.К. стипендиаттарды стипендия алышы менен куттуктап, коштошуу сөздөрүн жана мындан аркы өсүшүн каалады. Стипендиаттардын ата-энелерине дагы ыраазычылык каттар тапшырылды. Стипендиаттардын ата-энелери өз кезегинде балдарынын потенциалын колдоп, өнүктүргөндүгү үчүн университеттин жетекчилигине жана окутуучулар жамаатына жылуу ыраазычылык сөздөрүн айтышты.
Жыйынтыгында ректор окумуштууларга мындан аркы окууларына ийгилик каалап, келе жаткан 2021-жылы менен куттуктады.
19.11.20дан 10.12.20га чейин кайрымдуулук акциясы
“Социалдык, билим берүү жана класстан тышкаркы иштер бөлүмү” рак илдетине чалдыккан балдарды, майып балдарды колдоо максатында кайрымдуулук акциясын жарыялайт. Байланыш бөлмөсү 1/352
17-ноябрь Эл аралык студенттер күнү
17-ноябрда И.Раззаков атындагы КМТУнун ЧЖЗда Эл аралык студенттер күнүнө арналган онлайн жана оффлайн иш-чара болуп өттү. Иш-чаранын программасында сыйлыктарды, сертификаттарды, ыраазычылык каттарды тапшыруу, ошондой эле студенттердин жана чакырылган коноктордун концерттик номерлери орун алды.
Салтанаттуу иш-чараны И.Раззаков атындагы КМТУнун ректору Джаманбаев М.Ж. ачты. Сыйланган: "Политех даңкы" медалы “социалдык, билим берүү жана класстан тышкаркы иштер бөлүмүнүн” директору Абдусаматова Ж.К. жана Студенттик чыгармачылыктын эл аралык фестивалынын катышуучуларынын сертификаттары Политехникалык колледждин директору Турусбекова Н.К.га ыйгарылды.
Өнүктүрүү стратегиясы жана мамлекеттик тил боюнча проректор Төрөбеков Б.Т. куттуктоо сөзүн сүйлөдү. Куттуктоо сөзүнөн кийин активист студенттерге ыраазычылык каттар тапшырылды.
Концерттик программа студенттердин күчү жана чакырылган коноктор менен даярдалды. Онлайн окуп жаткан КМТУнун студенттери үчүн бул жогорку кесиптик деңгээлде жана шайыр динамикада өткөн биринчи маанилүү иш-чара болду.
17-ноябрь Эл аралык студенттер күнү
17-ноябрда КМТУнун ЧЖЗда студенттердин эл аралык күнүнө арналган иш-чаранын онлайн жана оффлайн трансляциясы болгон. Студент-активисттер окуу жылынын жыйынтыгы боюнча ыраазычылык каттарын алууга чакырылган.
23- 25 октябрь - Исхак Раззаковдун 110 жылдыгы
23-октябрда Исхак Раззаковдун 110 жылдыгына карата КМТУнун аянтында реквием митинг болуп өттү, анда университеттин жетекчилиги жана студенттер - бардык факультеттердин активисттери, кыргыз элинин чыгаан уулунун элесин, 2014-жылдын 18-сентябрында КМТУнун аймагында орнотулган Исхак Раззаковдун эстелигине бир мүнөт унчукпай туруу жана гүл коюу менен эскеришти.
25-октябрда И.Раззаковдун туулган күнүндө университет жетекчилиги Ала Арча көрүстөнүндөгү жолугушууга -реквиемге катышты, анда Ж.К.нын вице-спикери Касымалиева А., Маданият, маалымат жана туризм министри Н.Кадырбеков, И.Раззаков атындагы КМТУнун ректору М.Жузумалиевич жана башкалар катышты. Ыраазычылык билдирүүдөн кийин И.Раззаковдун мемориалына гүл коюу аземи болуп өттү.
9 октябрь – Университет күнү
Университеттин күнүнө жана Билим берүү кызматкерлеринин күнүнө арналган иш-чара КМТУнун ЧЖЗда өттү. Иш-чаранын программасында ведомство аралык сыйлыктарды тапшыруу, "Политехтин даңк" медалдарын, КМТУнун кызматкерлерине Ардак грамоталар жана Ыраазычылык каттар тапшыруу, ошондой эле КМТУнун ректору атындагы жеке стипендиясын И. Раззаков атындагы КМТУнун мыкты студенттерине тапшыруу аземи өттү. Иш-чара КМТУнун “коомдук, тарбиялык жана класстан тышкары иштер депортаментинин” кызматкерлери тарабынан даярдалган концерттик программа менен коштолду.
1 сентября – Билим күкү
1 сентября – Билим күкү
Жыл сайын 1-сентябрда Билим күнүнө карата, биздин Политехникалык Университетинин айантчасында ар дайым салтанаттуу линейка өткөрүлүп, студенттер университеттин жетекчилиги жана бири-бири менен таанышып турушту. Быйыл пандемияга байланыштуу иш-чаранын форматы өзгөрдү, бирок биз каада-салтыбызды өзгөрткөн жокпуз. КМТУнун студентинин сынак китепчеси жана Билимдин ачкычы ЖРТнын жыйынтыгы боюнча алтын сертификаттын ээлерине ыйгарылды.
Жаңы окуу жылынар менен, урматтуу студенттерибиз!
Ч.Т.Айтматовдун 90 жылдыгына карата жогорку окуу жайлардын студенттеринин арасында өткөрүлгөн жазуучунун чыгармачылыгынын эң мыкты студденттик изилдөө боюнча улуттук сынактын жыйынтыктоочу салатанаттуу кечеси
7 декабрда 2018 жылы, балдар жана өспүрүмдөрдүн улуттук “Сейтек” борборунда Ч.Т.Айтматовдун 90 жылдыгына карата жогорку окуу жайлардын студенттеринин арасында өткөрүлгөн жазуучунун чыгармачылыгынын эң мыкты студденттик изилдөө боюнча улуттук сынактын жыйынтыктоочу салатанаттуу кечеси болуп өттүү. КМТУнун студенттери тарабынан залкар жазуучубуз Ч.Т.Айтматовдун 90 жылдык юбилеине карата даярдалган ырлар, “Кылым карытар бир күн” жана “Саманчынын жолу” чыгармалары боюнча театралдык көрсөтмөлөр жана ошондой эле “Ак кеме” повестин чагылдырылган бий прозасы болуп өттү. Бул кечеде КМТУнун тарабынан даярдалган номерлер эң мыкты деп аталып, студенттер жана бул кечени даярдаган СТОТИД башчысы Абдусаматова Ж.К., СТОТИД тарбиячысы Тенизбеков М.Т., жана унаа жана машина куруу факультетинин тарбиялык иштери боюнча декандын орун басары Мырзалиева А.О. илим жана билим министри тарабынан диплом менен сыйланышты.
«Ч.Айтматовдун чыгармачылык мурастары – адамзаттын интеллектуалдык өнүгүүсүндө дүйнөлүк адабияттын үлгүсү»
30 ноябрда И.Раззаков атындагы КМТУда «Ч.Айтматовдун чыгармачылык мурастары – адамзаттын интеллектуалдык өнүгүүсүндө дүйнөлүк адабияттын үлгүсү» аттуу Ч.Айтматовдун 90 жылдык мааракесине арналган салтанаттуу иш-чара болуп өттүү. Бул иш – чаранын программасында: Ч.Айтматовдун чыгарамалары боюнча көргөзмө И.Раззаков атындагы КМТУнун китепканасында жана фойесинде өткөрүлдү жана концерттик программа менен коштолду. Аталган кечеге көрүнүктүү инсандар катышты, атап айтсак: Биринчи май администрациялык району боюнча Бишкек шаарынын мэриясынын муниципиалдык администрациясынын башчысы Султанов Токтосун Султанович, биринчи май администрациялык району боюнча Бишкек шаарынын мэриясынын муниципиалдык администрациясынын биринчи орун басары Малдыбаев Адилет Абдымуталипович, биринчи май администрациялык району боюнча Бишкек шаарынын мэриясынын муниципиалдык администрациясынын социалдык суроолор боюнча орун басары — Джумабекова Гульмира Кубанычбековна, биринчи май администрациялык району боюнча Бишкек шаарынын мэриясынын муниципиалдык администрациясынын орун басары — Аскарбеков Мавлян Амангельдиевич,кыргыз Республикасынын илимдеринин академиясынын вице-президенти, филология илимдеринин доктору — Акматалиев Абдылдажан Амантурович, филология илимдеринин доктору, профессор — Ибраимов Осмонакун Ибраимович
