Финансылык материалдык жана интеллектуалдык ресурстарды консолидациялоо, билим берүү кызмат кѳрсѳтүүлѳрүнүн дүйнѳлүк рыногунда Кыргыз Республикасынын жогорку кесиптик билим берүү мамлекеттик билим берүү уюмдарынын потенциалын жана атаандаштыкка жѳндѳмдүүлүгүн жогорулатуу максатында Н.Исанов атындагы Мамлекеттик курулуш, транспорт жана архитектура университети (КМКТАУ) жана академик Υ.Асаналиев атындагы Кыргыз Мамлекеттик геология, тоо-кен иштери жана жаратылыш ресурстарын иштетүү университети И.Раззаков атындагы Кыргыз Мамлекеттик техникалык университетине (КМТУ) кошулуу жолу менен кайра түзүлгѳн.
Кайра уюштуруунун негизинде Н.Исанов атындагы КМКТАУнун Маалыматтык системалар жана технологиялар (МСжТ) кафедрасы И.Раззаков атындагы КМТУнун «Экономикадагы маалыматтык системалар» (ЭМС) кафедрасына бириктирилип, ЭМС кафедрасынын башчысынын милдетин аткаруучу болуп ф-м.и.к.,доцент Жапаров М.Т. дайындалган.
ЭМС кафедрасы И.Раззаков атындагы Кыргыз Мамлекеттик техникалык университетинин «Экономика жана бизнес жогорку мектебинин» түзүмдүк бѳлүмү болуп саналат, анын негизги максаты Кыргыз Республикасынын калкынын, бизнестин жана илимдин университеттик билим берүүнү жогорку илимий деӊгээлде илгерилетүүгѳ болгон муктаждыктарын канааттандыруу жана прогрессивдүү информациялык технологияларды колдонуу менен экономикалык жана техникалык системаларды башкаруу тармагындагы техникалык деӊгээл болуп саналат.
Кафедранын негизги багыты болуп, маалыматтык жана маалыматтык – коммуникациялык технологияларды программалоонун жана маалыматтарды иштеп чыгуунун заманбап ыкмаларына ээ болгон IT-адистер-программисттерди жана эксперт- аналитиктерди даярдоо болуп саналат.
Окутууга багытталган билим берүү программалары:
«Маалыматтык системалар жана технологиялар (МСТ)» адистиги боюнча академиялык бакалавр даражасы, профилдери – МСТ экономикада, МСТ банк иштеринде; бизнес; бажы ишинде жана курулушта;
Магистратура программалары боюнча магистр: Экономикадагы маалыматтык системалар, IT долбоорлорду жана иштеп чыгууларды башкаруу- багыттары «Маалыматтык системалар жана технологиялар», Маалыматтар базасы – багыты «Информатика жана эсептѳѳ техникасы».
PhD- докторлор («Кыргызстандын докторантурасын жана илимий потенциалын ѳнүктүрүү/DEREKA» долбоорунун алкагында) «Маалыматтык системалар жана процесстер» багыты боюнча Европалык стандарттарга (ЕС) туура келген.
Кафедранын студенттерди ѳз алдынча жана чыгармачылык менен иштѳѳгѳ, уйрѳнүүгѳ умтулуусу, бул алган билимди практикада, анын ичинде фундаменталдык жана прикладдык изилдѳѳ жана долбоорлоо иштеринде колдоно билүүсү бул максатка жетүүдѳгү негизги милдеттердин бири болуп саналат.
Белгиленген миссия: билим берүү процессинин мазмунун жана уюштурууну узак мѳѳнѳттүү ѳркүндѳтүүнүн каражаты катары кафедранын ѳнүгүү стратегиясын маалыматтык технологиялар чѳйрѳсүндѳгү дайыма жана ыкчам жаӊыланып турган билимге басым жасоо менен аныктайт; окуу процессинде заманбап компьютердик технологияларды колдонуу боюнча, илимий жана илимий-прикладдык изилдѳѳлѳр студенттерге билимди тынымсыз жаӊыртуу үчүн кѳнүмдѳр жана керектѳѳлѳр менен камсыз кылуу.
Ошону менен бирге кафедранын стратегиясы тѳмѳнкү милдеттерди чечүүгѳ багытталган:
Маалыматтык системалар жана технологиялар жаатындагы билимдерди тынымсыз жаӊылоо, бул маалымат илимдеринин ѳнүгүүсүнүн жарылуучу мүнѳзү менен шартталган жаӊылоо. Билимди жаӊылоо жана жогорулатуу үчүн профессордук-окутуучулук курам жана аспиранттар квалификациясын жогорулатуучу акы тѳлѳнүүчү курстар аркылуу ѳтүшѳт;
Лабораториялык жана практикалык сабактарды колдонуунун тармактык автоматташтырылган системалары, лекцияларда аудиовизуалдык каражаттарды колдонуу, студенттердин билимин ѳздѳштүрүүсүн системалуу түрдѳ автоматташтырылган башкаруу сыяктуу заманбап компьютердик инструменттерди, технологияларды жана мүмкүнчүлүктѳрдү тартуу менен окутуунун технологиясын тынымсыз ѳркүндѳтүү жана колдонуу ;
Студенттердин контингентин заманбап адабияттар, окуу куралдары, окуу программалары менен камсыз кылуу, алардын компьютердик кѳрсѳтүү мүмкүнчүлүктѳрүн (электрондук китепканалар), Интернеттин жана кафедралык порталдардын мүмкүнчүлүктѳрүн пайдалануу;
Социалдык жана экономикалык системалардагы автоматташтырылган башкаруу жаатындагы илимий-изилдѳѳ иштери (бул бүгүнкү күндѳ кафедранын илимий багытын аныктап, аны республикада алдыӊкы орунга алып чыгуу), бул ишке студенттерди кеӊири тартуу.
Кафедралык деӊгээлде окуу процессин башкарууну автоматташтыруу, атайын компьютердик системаларды жана технологияларды колдонуу, мобилдик компьютердик билимди башкаруу, ошондой эле деканат менен кафедранын ортосунда автоматташтырылган маалымат алмашуу ж.б.
Россия Федерациясынын билим берүү стандарттарына жана программаларына Кыргыз Республикасынын билим берүү стандарттарын аларга ылайыктап келтирүү менен шартталган, бул мамлекеттик талаптарды колдонуу менен билим берүү жѳнүндѳ документтерди ѳз ара таануу жана эквиваленттүүлүгү жѳнүндѳ мамлекеттер аралык келишимге 710200 «Маалыматтык системалар жана технологиялар» багыты боюнча бакалаврларды жана магистерлерди даярдоонун мазмуну жана деӊгээли ылайык келет.
Азыркы учурда кафедранын окутуучулары ѳз иштеринде маалыматтык технологияларды, активдүү формаларды жана окутуу ыкмаларын активдүү колдонууда. Кафедрада маалыматтардын электрондук маалыматтык базасы, сабактар боюнча окуу-методикалык комплекстер, студенттердин ѳз алдынча иштѳѳсү, алардын билимин текшерүү үчүн методикалык материалдар түзүлүп, дайыма үзгүлтүксүз жаӊыланып турат.
Кафедранын окутуучулары ѳздѳрүнүн квалификациясын жогорулатуунун үстүндѳ үзгүлтүксүз иштеп, усулдук семинарларга, квалификацияны жогорулатуу курстарына катышып, республиканын алдыӊкы жогорку окуу жайларында жана кафедраларында стажировкадан ѳтүшѳт.
Кафедранын негизги илимий багыты - окуу процесси менен тыгыз байланышта экономикалык илимдер жаатында фундаменталдык жана прикладдык илимий изилдѳѳлѳрдү жүргүзүү, инновациялык ишмердүүлүккѳ катышуу, илимий билимдерди, ачылыштарды жайылтуу.
Кафедрада студенттердин билим алуу муктаждыктарын жана кызыкчылыктарын камсыз кылуу үчүн, алардын кесиптик компетенцияларын калыптандыруу үчүн бардык шарттар түзүлгѳн.
Кафедра иш берүүчүлѳр менен активдүү кызматташып, аларды семинарларга, бизнес жолугушууларга чакырып, студенттер менен жолугушуулар ѳткѳрүүдѳ. Практикалык тажрыйба, аналитикалык жана финансылык – экономикалык иштеги жаӊы мамилелер, заманбап банктык технологиялар жана финансылык инструменттер иш берүүчүлѳр менен системалуу түрдѳ талкууланып, жаңы сабактар окуу планына киргизилет.
Кафедра маалыматтык системалар жана технологиялар чѳйрѳсүндѳ жогорку кесиптик билим берүүнү модернизациялоо боюнча бардык милдеттерди ишке ашырууга багытталган.