И. Раззаков атындагы Кыргыз мамлекеттик техникалык университетинин (КМТУ) Кызыл – Кыя шаарындагы филиалы, Кыргыз Республикасынын Илим, Билим жана Маданият министиринин 29.05.1996 жылы № 170/1 буйругу менен, Республиканын түштүк региондорун, жогорку квалификациялуу тоо – кен өндүрүш багытында адистер менен камсыз кылуу максатында, Кыргыз тоо металлургиялык институнун Кызыл – Кыядагы филиалы болуп ачылган.
Кыргыз мамлекеттик тоо - кен университетинин түзүлгөндүгүнө байланыштуу, КМТКУнун Окумуштуулар Кеңешинин 23.12.2004 жылындагы чичими жана КМТКУнун Ректорунун № 01/16. 24.01.2005 жылдагы буйругунун негизинде филиал Түштүктөгү тоо – кен иштери, транспорт, экономика жана байланыш институту (ТТКИТЭБ) болуп кайрадан түзүлгөн.
Кийинчерээк “Кыргыз мамлекеттик техникалык университетин түзүү боюнча” Кыргыз Республикасынын президентинин 03.05.2005 жылындагы жарлыгы, И. Раззаков атындагы Кыргыз мамлекеттик техникалык университетинин Окумуштуулар кеңешинин (08.12.2006 жылдагы № 3 протоколу) чечими, ректордун 12.12.2006 жылдагы № 1 / 208 буйругунун негизинде И. Раззаков атындагы КМТУнун “Кызыл – Кыядагы жаратылышты пайдалануу жана геотехнологиялар институту” болуп ишмердүүлүгүн жүргүзгөн.
“2013 – 2017 жылдарда Кыргыз Республикасын туруктуу өнүгүү улуттук стратегиясына ылайык, билим берүү системасын оптималдаштыруу боюнча” № 11, 21.01.2013 жылдагы Кыргыз Республикасынын президентинин жарлыгы, Раззаков атындагы Кыргыз мамлекеттик техникалык университетинин Окумуштуулар кеңешинин 30.07.2015 жылдагы чечими, ректордун 01.09.2015 жылдагы “Филиалдарды ачуу боюнча” буйругунун негизинде 01.09.2015 жылдан бери И. Раззаков атындагы КМТУнун Баткен облусунун Кызыл – Кыя шаарындагы филиалы катары ишмердүүлүк жүргүзүп келе жатат.