т.и.к., КМТУнун ардактуу профессору
1973-жылы Фрунзе политехникалык институтун «Өнөр жай ишканаларын жана шаарларды электр менен камсыз кылуу» адистиги боюнча аяктаган. 1989-жылы Санкт-Петербург шаарындагы Туруктуу ток илимий-изилдөө институтунун аспирантурасын бүтүргөн.
Илимий даражасы: техникалык илимдердин кандидаты, КМТУнун Ардактуу профессору.
Эмгек жолу. 1975-жылдан бери Энергетика илимий-изилдөө институтунун системасында (азыркы учурда КР Энергетика министрлигине караштуу Энергетика илимий-изилдөө институту) эмгектенип, кенже илимий кызматкерден директорлукка (1999–2014-жж.) жана башкы илимий кызматкерликке (2019-жылдан тартып) чейин жеткен.
Буга чейин Фрунзе кенаф фабрикасында мастер жана электр цехинин башчысы (1973–1975), ошондой эле Физикалык приборлор заводунда слесарь болуп иштеген (1967–1969).
Төө-Ашуу ашуусундагы (3050 м) Бийик тоолуу илимий-изилдөө станциясын түзүүгө жана өнүктүрүүгө активдүү катышкан. 500 кВ өзгөрмө ток жана 400 кВ туруктуу ток электр берүү линияларынын тажрыйбалык аралык өткөргүчтөрүн түзүүгө жетекчилик кылган жана эксперименталдык изилдөөлөрдү башкарган. Жыйынтыктар 500 кВ электр берүү линияларын курууда жана пайдаланууда, ошондой эле ченемдик документтерди иштеп чыгууда колдонулган.
Илимий жетишкендиктери
70тен ашык илимий эмгектин жана 4 ойлоп табуунун автору.
Короналык жоготууларды эсептөөнүн жаңы ыкмасын, ошондой эле 500 кВ электр берүү линиялары үчүн жаңы фаза конструкцияларын жана изоляциялык асма түзүлүштөрдү иштеп чыккан, бул алардын ишенимдүүлүгүн жана экономикалык натыйжалуулугун жогорулаткан.
Изилдөөлөрдүн жыйынтыктары Кыргызстанда жана чет өлкөлөрдө (Тажикстан, Афганистан, Түштүк Африка Республикасы, Эфиопия ж.б.) колдонулган.
Анын жетекчилиги алдында 2005-жылга чейинки Улуттук энергетикалык программа, 2008–2010-жылдарга Улуттук энергетикалык программа жана 2025-жылга чейинки отун-энергетика комплексин өнүктүрүү стратегиясы иштелип чыккан. TACIS, USAID, ПРООН, БУУнун Европа экономикалык комиссиясы жана башка эл аралык уюмдар менен кызматташкан.
Педагогикалык ишмердүүлүк
КМТУ, КРСУ жана башка ЖОЖдордун аспиранттарынын, магистранттарынын жана бүтүрүүчүлөрүнүн илимий жетекчиси. Мамлекеттик аттестациялык комиссиялардын төрагасы, илимий эмгектердин рецензенти.
Сыйлыктары
Кыргыз Республикасынын өнөр жайынын эмгек сиңирген кызматкери (2004-ж.), Энергетиканын отличниги. Кыргыз Республикасынын Өкмөтүнүн жана тармактык министрликтердин Ардак грамоталары менен сыйланган.
