28.02.2025 тегерек стол

28-февраль 2025-жылы И. Арабаев атындагы Кыргыз мамлекеттик университетинин базасында "520800 "Экология жана жаратылышты пайдалануу"багыты боюнча билим берүү программасын талкуулоо жана өркүндөтүү"темасында тегерек стол болуп өттү.

Иш-чарага алдыңкы ЖОЖдордун жана мамлекеттик түзүмдөрдүн өкүлдөрү, ошондой эле жаратылышты коргоо уюмдарынын адистери катышты. Катышуучулар экология чөйрөсүндө кадрларды даярдоонун актуалдуу маселелерин, билим берүү программаларын түзүүнүн заманбап ыкмаларын жана илимдин, билим берүүнүн жана практиканын өз ара аракеттенүү жолдорун талкуулашты.

И.Раззаков атындагы Кыргыз мамлекеттик техникалык университетинен т. и. к., доцент, "Техносфералык коопсуздук"кафедрасынын башчысы Өмүров Жыргалбек Макешович баяндама жасады. Ал өз сөзүндө коопсуздук жана туруктуу жаратылышты пайдалануу жаатында адистерди даярдоо боюнча кафедранын тажрыйбасы менен бөлүшүп, ошондой эле экологиялык билим берүүнү өнүктүрүү үчүн жождор аралык кызматташуунун маанилүүлүгүн баса белгиледи.

Тегерек столдун соңунда катышуучулар жыйынтык чыгарып, билим берүү жана илимий мекемелер ортосундагы мындан аркы кызматташтыктын багыттарын белгилешти