Кыргыз Республикасынын Улуттук илимдер академиясынын Машина куруу жана автоматика институтунундагы кафедранын филиалы
Кыргыз Республикасынын Президентинин 2023-жылдын 16-февралындагы УП№26 “Өлкөнүн туруктуу өнүгүүсүнө илимдин салымын жогорулатуу боюнча чаралар жөнүндө” Жарлыгын ишке ашыруу максатында 2023-жылдын 17-мартында И.Раззаков атындагы Кыргыз мамлекеттик техникалык университетинин ректору М.К.Чыныбаев менен Кыргыз Республикасынын Улуттук илимдер академиясынын Машина куруу жана автоматика институтунун директору Б.С.Султаналиевдин жолугушуусу болуп өттү.
Жолугушунун жүрүшүндө Кыргыз Республикасынын Улуттук илимдер академиясынын Машина куруу жана автоматика институтунун илимий-изилдөө потенциалын И.Раззаков атындагы Кыргыз мамлекеттик техникалык университети менен интеграциялоо маселелери каралды. PhD докторантура аркылуу бакалаврларды, адистерди, магистрлерди жана жогорку квалификациялуу илимий-педагогикалык кадрларды биргелешип даярдоого; Машина куруу жана автоматика институтунун жетектөөчү адистерин окуу сабактарын өткөрүүгө тартуу, курстук жана бүтүрүү квалификациялык иштерине, кандидаттык, кандидаттык жана доктордук диссертацияларга жетекчилик кылууга тартуу; Машина куруу жана автоматика институтунун базасында окуу сабактарын, биргелешкен илимий изилдөөлөрдү, студенттердин практикасынын ар кандай түрлөрүн өткөрүү; бүтүрүүчү кафедралардын филиалдарын түзүү маселелерине өзгөчө көңүл бурулду.
Жолугушуунун катышуучулары эки мекеменин илимий потенциалын интеграциялоо өлкөнүн туруктуу өнүгүүсүнө, жогорку окуу жайларында илимди чыңдоого жана өнүктүрүүгө, илимий-изилдөө иштеринин сапатын жана илимий натыйжалардын экономикалык эффективдүүлүгүн жогорулатууга чоң салым кошот деген ишенимин билдиришти.
