Кафедрада илимий-изилдөө иштери 2 багыт боюнча жүргүзүлөт: "эл чарбасынын тармактарында маалыматтык технологияларды жана математикалык моделдөөнүн методдорун колдонуу" жана "Кыргыз Республикасынын шарттарындагы маалыматтык коопсуздуктун көйгөйлөрү жана келечеги". Кафедранын жамааты тарабынан 2003-жылдан бери кафедралык илимий тематика боюнча 4 илимий долбоор аткарылып, мамлекеттик бюджеттен 3 млн 400 миң сом суммасында каржыланган жана мамлекеттик ишканалар менен чарбалык келишим боюнча 6 программалык комплекс иштелип чыгып, ишке киргизилген жана ЭЭМ үчүн программаларды мамлекеттик каттоо жөнүндө автордук күбөлүктөр алынган: - Административдик укук бузуулар үчүн автоматташтырылган тутумдардын программалык камсыздоосун иштеп чыгуу жана ишке киргизүү (2009-ж.); -КР ИИМ ЖККББнын Автомототранспорт каражаттарын техникалык кароо жана "Кыргыз почтасы" МИнин филиалдары аркылуу айыл-короо режиминде Кыймылдуу мүлккө салыктарды кабыл алуу үчүн автоматташтырылган системалардын программалык комплекстерин иштеп чыгуу жана киргизүү (2010-ж.); - "Кыргыз почтасы" МИнин филиалдары аркылуу пенсияларды, пособиелерди жана компенсацияларды төлөө боюнча автоматташтырылган системаны иштеп чыгуу жана киргизүү (2012-ж.). Илимий изилдөөлөрдүн жыйынтыгы боюнча 4 кандидаттык диссертация корголгон (Курманалиева р. Н., Куканова р.а., Манапбаев и. к., Тынышова т. д.) жана 120дан ашык илимий макала жарык көргөн, 4 монография чыгарылган (Муралиев А. М., Манапбаев и. к., Курманалиева р. Н., Куканова р. а.).