Кафедранын илимий-изилдөө иштери «Филологиялык эмес жогорку окуу жайларда чет тилдерин окутуунун методикасын өркүндөтүү» темасында жүргүзүлөт.
Илимий изилдөөнүн төмөнкү негизги багыттары боюнча изилдөө иштери чет тили окутуучулары үчүн өтө маанилүү:
кесиптик жактан өнүгүү жана квалификациясын жогорулатуу;
чет тилдерин окутуунун теориялык негиздерин жана практикалык аспектилерин изилдөө;
чет тилдерин окутуунун методикасын жакшыртуу.
Илимий изилдөө иштерин бул багыттарда иш алып баруу окуутучулардын кесиптик жактан өсүшүнө, квалификациясын жана академиялык деңгээлдерин жогорулатууга өбөлгө түзөт. Кафедранын окутуучулары заманбап изилдөөлөр менен жаңы жетишкендиктерге умтулуп, активдүү алектенишуудө.
2023-2024-окуу жылына карата илимий басылмалар:
Жыл ичинде илимий журналдарда 15 макала, анын ичинде белгилүү Эл аралык илимий басылмалардагы макалаларлар жарык көргөн. Бул эмгектер тилдин ар кандай аспектилериндеги өзгөчөлүктөрү, чет тилдерди окутуунун усулдары, ошондой эле тесттик тапшырмалар, техникалык тексттердин жыйнагын камтып, кафедранын башчысы, доцент Чокморова А.М., п. и. к. доцент Маматова К.Б., доцент Мажиева жана кафедранын окутуучулары тарабынан иштелип чыккан. Ушул окуу жылында мугалимдерибиз квалификациясын жогорулатуу боюнча 25 сертификатка ээ болушкан. Бул сертификаттардын ар бири биздин окутуучулардын тырышчаактыгын жана берилгендигин гана эмес, инновацияларга жана тиешелүү билим берүү тажрыйбаларына ээ болууга болгон умтулуубузду чагылдырат.
Студенттердин илимий изилдөө иштери
Студенттер кафедранын окутуучуларынын жетекчилиги менен чет тилинде илимий-изилдөө иштерин жүргүзүшүп жана ал иштерин чет тилинде жактоого студенттердин «Илим жана инновация: перспективалар жана чакырыктар» аттуу жаш окумуштуулардын, аспиранттардын, жана магистранттардын Эл аралык тармактык илимий-техникалык конференциясына жолдомо алып турушат.
«Илим жана инновация: перспективалар жана чакырыктар» конференциясына катышуучулар баяндама менен, макала менен катыша алышат. Конференциянын жыйынтыгы боюнча катышуучулардын “Elementary” , “Pre-Intermediate” жана “Intermediate” деңгээлиндеги эң мыкты илимий иштерине сыйлыктар ыйгарылып жана студенттердин мыкты макалалары илимий басмаларга сунушталат.
