2024-жылдагы Илим күндөрүндөгү иш-чаралар жөнүндө ОТЧЕТ
2024-жылдагы Илим күндөрүндөгү иш-чаралар жөнүндө ОТЧЕТ
2024-жылдын 4-11-ноябры
И.Раззаков атындагы КМТУда «Илимдин заманбап трансформациясы: Инновация илимий-техникалык прогрессстин негизги фактору катары» темасында өткөрүлгөн Илим күнү-2024 иш-чараларынын алкагында төмөнкү иш-чаралар уюштурулду:
«Менеджмент» кафедрасында 4.11.24-ж. саат 11.30да «Чет элдик ЖОЖдордун менеджер адистерди даярдоодогу тажрыйбасы» темасында коноктук лекция өткөрүлдү. Лектор: Oleksii Stepaniuk (Лондон, Улуу Британия), CASS Business School, London бүтүрүүчүсү. Ошондой эле кафедра башчысы Иманкулова Э.Т., Мен-1-23, Мен (англ)-1-23 группасынын студенттери жана э.и.к., доц. м.а. Ниязалиев У.С. катышты.
4-ноябрь 2024-жыл саат 15-00дө «Метрология жана стандартташтыруу» кафедрасында «Метрология жана стандартташтыруу жаатындагы илимий жетишкендиктер» темасында ачык сабактын презентациясы болуп өттү. Ачык сабакты ага окутуучу Шалабай Татьяна Леонидовна метрология, стандартташтыруу жана сертификациялоо предметтерин окуп жаткан 1-2-курстардын студенттери, анын ичинде ССМб-1-24, СМб-1-23 (ЭЖБМ) группалары жана ТТП-1-23, ТПП-2-23 (Транспорт жана робототехника институту), ТМО-1-23 (КМТИ) группаларынын студенттери үчүн өткөрдү. Ачык сабакка МиС кафедрасынын ППК жана коноктор – «ПМИ» кафедрасынын ага окутуучусу Душенова М.А. катышты. Шалабай Т.Л. метрология жана стандартташтыруу жаатындагы акыркы жетишкендиктер жөнүндө айтып, 2024-жылдын 30-сентябрынан киргизилген өлчөө бирдиктери жөнүндөгү стандарттын жаңы версиясынын өзгөчөлүктөрүн жана Кыргыз Республикасынын стандартташтыруу жөнүндөгү мыйзам долбоорун белгиледи. Студенттерде СИ бирдиктер системасынын физикалык константалар аркылуу жаңы аныктамасы жана 10-30 чейинки көбөйтүүчүлөрү бар эселик жана үлүштүк бирдиктердин (квекто префикси) кошулушу чоң кызыгуу жана суроолорду жаратты, бул нанотехнологиялардын кеңири өнүгүшүн ырастайт. Эталондорду түзүү жаатындагы акыркы жетишкендиктер боюнча билимдерин ССМб-1-24 гр. студенттери көрсөтүштү: Шекербекова А. «Жарык күчүнүн эталону», Ойозбекова А. «Убакыт эталону», Сахтаганова Н. «Узундук эталону» темаларында презентациялар менен чыгышты. 2-курстун СМб-1-23 гр. студенттери Сманова А., Арабаева Э., Токтогулова А. Кытайдагы стандартташтыруу, МЭК жана ЭББ эл аралык уюмдары жөнүндө презентациялар менен чыгышты. Телекоммуникациялар жана Эл аралык электралбайланыш бирлигинин (ЭЭБ) ишиндеги жетишкендиктер өзгөчө кызыгууну жана суроолорду жаратты. Доцент Жумаев Т.Ж. жана ПМИ кафедрасынын ага окутуучусу Душенова М.А. талкууларга катышып, өткөрүлгөн сабактын жогорку деңгээлин жана студенттердин сунушталган маалыматка болгон кызыгуусун белгилешти.
Студенттердин көңүлүн билим берүүнүн жана илимдин өнүгүү көйгөйлөрүнө жана келечегине буруу, ошондой эле окуучуларга өз көз караштарын эркин жана чыгармачылык менен билдирүүгө мүмкүнчүлүк берүү максатында «Финансы, анализ жана эсеп» кафедрасы илим күндөрүндө (4.11.24-11.11.24) кафедранын 3-4-курстарынын студенттери жана 1-2-курстарынын магистранттары арасында «Илим менен билим берүүнүн өз ара байланышынын инновациялык экономикалык өнүгүүгө тийгизген таасири» темасында эссе конкурсун өткөрдү. Конкурс алкагында эксперттик комиссия сунушталган иштердин оригиналдуулугун жана сабаттуулугун гана эмес, теманын жана эссе багытынын ачылышынын толуктугун, баяндоо логикасын, чыгармачыл мамилени, стилистикалык тууралыгын, ошондой эле өз позициясынын бардыгын жана далилдүүлүгүн баалады. Жалпысынан угууга 19 эссе сунушталды. Эксперттик баалоонун жыйынтыгы боюнча төмөнкү студенттер жана магистранттар байгелүү орундарга ээ болушту:
1-орун – Бактарбекова Аяна (БУА-1-21 гр.)
2-орун – Жолдошбек уулу Алмаз (ФК-1-21 гр.)
3-орун – Туташева Акбермет (ФКм-1-23 гр.)
Ошондой эле Сансыз кызы Айпери (УАУм-1-24 гр.), Болотбек кызы Салтанат (УАУм-1-24 гр.), Абдыразакова Дамира (ФК-1-21 гр.), Тузабаева Айдана (ФК-1-21 гр.), Маматсалиев Арген (БУА-1-22 гр.) өңдүү кызыгууну жараткан иштер белгиленди. Байгелүү орундарды ээлеген студенттер I, II, III даражадагы дипломдор жана эстелик белектер менен сыйланышты. Конкурстун калган катышуучуларына катышуу сертификаттары тапшырылды. Бул иш-чара «ФАУ» кафедрасы тарабынан биринчи жолу өткөрүлүп, биринчи кезекте студенттердин чыгармачыл ой жүгүртүүсүн өнүктүрүүгө, берилген көйгөйгө карата өз көз карашын, белгиленген позициясын билдирүүгө багытталган. Келечекте мындай иш-чараны уюштурууну жана өткөрүүнү кайталоо, бирок ЭЖБМнын башка адистиктеринин студенттерин дагы тартуу менен кеңири форматта өткөрүү пландаштырылууда.
06.11.2024-ж. «Экономика жана ишкананы башкаруу» кафедрасы тарабынан ЭЖБМнын ППК үчүн илимий чарбакер долбоорлорду, мамлекеттик бюджеттик ИИИлерди жана КР БжММдин мамлекеттик буйрутмалары боюнча аткарылуучу ИИИлерди, ошондой эле ички гранттык илимий долбоорлорду пландаштыруу, иштеп чыгуу жана илгерилетүү боюнча онлайн илимий семинар өткөрүлдү. Илимий семинарга ЭЖБМнын Директораты, ЭИБ, ФАЭ жана ЭБМ кафедраларынын окутуучулары катышты. ЭИБ кафедрасынын башчысы э.и.д., проф. Сулайманова Б.Ж. тарабынан илимий изилдөөлөргө коюлуучу негизги талаптар жана чарбакер долбоорлор менен ички гранттык илимий долбоорлордун ортосундагы айырмачылыктар боюнча презентация сунушталды. Кызыктырган суроолор берилип, ППКнын илимий чарбакер долбоорлорго, мамлекеттик бюджеттик ИИИлерге жана КР БжММдин мамлекеттик буйрутмалары боюнча аткарылуучу ИИИлерге, ошондой эле ички гранттык илимий долбоорлорго катышуусун активдештирүү маселелери талкууланды.
11.11.2024-ж. саат 15.00дө 8/103 аудиторияда «Экономикадагы маалыматтык системалар» кафедрасы 2-3-курстардын студенттери үчүн «Маалыматтар аналитикасы жаатында карьера куруу» темасында мастер-класс уюштуруп, өткөрдү. Иш-чараны кафедранын окутуучулары Абдрасакова А.Б., Абдиева С.К., Искендерова М.Ж. ж.б. жетекчилигинде кафедра башчысы ф.-м.и.к. Жапаров М.Т. уюштурду. Мастер-класста Корея изилдөө борборунун профессору, Кореядан келген ыктыярчы Даечук Пак «Маалыматтар аналитикасы» темасында доклад менен чыкты. Ошондой эле студенттер активдүү катышып, төмөнкү темаларда презентациялар менен чыгышты: ИСТ-2-22 гр. Асангазиева Хатижа, Аманкулова Аяна, Алмазбеков Кутман «Huawie үрөндөрү келечекке», ИСТ-22(23) гр. Алмазбекова Алтынай «IT адистигин өнүктүрүүнүн келечеги» ж.б. Жолугушуу студенттердин активдүү катышуусу менен ийгиликтүү өттү.
12-ноябрда саат 11.30до 9/110 аудиторияда «Экономикалык коопсуздук жана маркетинг» кафедрасы «КРдагы салык салуунун актуалдуу маселелери» темасында мастер-классты уюштурду, аны "Буккипер Консалтинг" Жоопкерчилиги чектелген коомунун директору Исаев Нуршат Кубатбекович өткөрдү.
