«Экономика» багыты боюнча «Салыктар жана салык салуу» профилинин негизги билим берүү программасы (НБП) эмгек рыногунун талаптарын эске алуу менен мамлекеттик жогорку кесиптик билим берүү стандартынын (МБС) негизинде иштелип чыгып, университет тарабынан бекитилген документтердин тутумун камтыйт. НБП билим берүү процессинин максаттарын, күтүлгөн натыйжаларын, мазмунун, шарттарын жана технологияларын, бүтүрүүчүлөрдүн даярдык сапатын баалоону жөнгө салат. Программа окуу планын, календардык окуу графигин, дисциплиналардын (модулдардын) окуу-методикалык комплекстерин, практика программаларын жана студенттердин даярдык сапатын камсыздоочу башка материалдарды, ошондой эле баалоо жана методикалык каражаттарды камтыйт.
«Салыктар жана салык салуу» профили боюнча бакалаврларды даярдоо программасынын негизги максаты – экономика, каржы, бухгалтердик эсеп, салык көзөмөлү жана ревизия, мамлекеттик каржылоо жана салык кызматтары, бизнес жана жеке сектор чөйрөсүндө жогорку квалификациялуу адистерди даярдоо үчүн МБС талаптарын ишке ашыруу. Программа бүтүрүүчүлөргө заманбап экономика жана технология шарттарына ийгиликтүү ыңгайлашуу, кесиптик чөйрөнүн жанаша тармактарын өздөштүрүү, квалификациясын жогорулатуу жана кесиптик көндүмдөрүн өркүндөтүү, ошондой эле жалпы маданий, жалпы кесиптик жана кесиптик компетенцияларды калыптандыруу үчүн мүмкүнчүлүк берет.
«Салыктар жана салык салуу» профилинин бүтүрүүчүлөрү иштей ала турган кесиптер:
салык инспектору же адис;
салык консультанты;
салык аналитиги;
салык менеджери;
бухгалтер;
салык кызматтарында кызматкер;
КР Финансы жана Экономика министрликтеринде жана башка мекемелерде адис.