«Каржы, талдоо жана эсеп» кафедрасы 1994-жылдын 30-декабрында Кыргыз архитектура-курулуш институтунун «Курулуштагы менеджмент жана экономика» факультетинин түптөлүшүнө байланыштуу кафедра түзүлгөн. Башында кафедра «Бухгалтердик эсеп жана аудит» деп аталган.
«Бухгалтердик эсеп, талдоо жана аудит» профили боюнча адистерди даярдоо 1992-жылы КМКТАУ Окумуштуулар кеңешинин чечими менен, 1996-жылы «Экономика» багыты боюнча «Бухгалтердик эсеп, талдоо жана аудит» адистиги боюнча алгачкы бүтүрүүчүлөр чыгарылган. Ал бүтүрүүчүлөрдүн саны 28ди түзгөн. Алардын ичинен 5 бүтүрүүчү кызыл диплом менен аяктап, магистратурага кабыл алынышкан, кийин кафедрада окутуучулук ишин улантышкан.
Кафедранын илимий потенциалын чыңдоо максатында, ар кандай мезгилдерде кафедрада кошумча кызматта э.и.д., проф. Арзыбаев А.А., э.и.д., проф. Осмоналиев А.А., э.и.д., проф. Ботобеков А.Б. сыяктуу көрүнүктүү окумуштуулар иш алып барышкан. Практика багытында окутууда тажрыйбалуу бухгалтерлер, аудиттик фирмалардын өкүлдөрү, ошондой эле каржы, салык, камсыздандыруу жана банк тутумунун адистери менен тыгыз кызматташтык маанилүү роль ойногон.
Кафедра таланттуу жаштарды даярдоо үчүн олуттуу илимий-методикалык жана педагогикалык потенциалга ээ. Кафедрада студенттер окуу багытындагы актуалдуу маселелер боюнча изилдөөлөрдү жүргүзүүчү студенттик илимий коомдорго өзгөчө көңүл бурулат.
2001-жылы КГТУнун Окумуштуулар кеңешинин чечими менен кафедрада «Финансы жана кредит (курулушта)» билим берүү программасы ачылган. 2004-жылы «Каржы жана насыя» адистиги боюнча магистратура ачылган, ал эми 2018-жылы «Инвестициялык-курулуш чөйрөсүндө каржы аналитиги» жана «Курулуш бизнесин башкарууда эсеп, талдоо жана аудит» программалары кошулган. Бул программалар келечектеги экономист кадрларды даярдоого шарт түзөт.
2022-жылы июль айында И. Раззаков атындагы КМТУнун Окумуштуулар кеңешинин чечими менен кафедра «Каржы, талдоо жана эсеп» деп өзгөртүлгөн.
