«Экономика» багыты боюнча «Эл аралык соода жана электрондук коммерция» профилинин негизги билим берүү программасы (НБП) эмгек рыногунун талаптарын эске алуу менен мамлекеттик жогорку кесиптик билим берүү стандартынын (МБС) негизинде иштелип чыгып, университет тарабынан бекитилген документтердин тутумун камтыйт. НБП билим берүү процессинин максаттарын, күтүлгөн натыйжаларын, мазмунун, шарттарын жана технологияларын, бүтүрүүчүнүн даярдык сапатын баалоону жөнгө салат. Программа окуу планын, календардык окуу графигин, дисциплиналардын (модулдардын) окуу-методикалык комплекстерин, практика программаларын жана студенттердин даярдык сапатын камсыздоочу башка материалдарды, ошондой эле баалоо жана методикалык каражаттарды камтыйт.
«Эл аралык соода жана электрондук коммерция» профили боюнча бакалаврларды даярдоо программасынын негизги максаты – экономика, эл аралык соода, электрондук коммерция, соода аналитикасы, санарип маркетинг, логистика жана импорт-экспортту жөнгө салуу тармактарында жогорку квалификациялуу адистерди даярдоо үчүн МБС талаптарын ишке ашыруу. Программа бүтүрүүчүлөргө заманбап экономика жана технология шарттарына ийгиликтүү ыңгайлашуу, кесиптик чөйрөнүн жанаша тармактарын өздөштүрүү, квалификациясын жогорулатуу жана кесиптик көндүмдөрүн өркүндөтүү, ошондой эле жалпы маданий, жалпы кесиптик жана кесиптик компетенцияларды калыптандыруу үчүн мүмкүнчүлүк берет.
Түндүк-Батыш университети (Кытай) менен биргелешкен программа
- КГТУ жана NWU бүтүрүүдө кош диплом
- 1-курстан тарта кытай тилин окуу
- 3-курстан тарта Кытайда окуу
«Эл аралык соода жана электрондук коммерция» профилинин бүтүрүүчүлөрү төмөнкү кесиптерде иштей алышат:
эл аралык соода боюнча адис;
электрондук коммерция менеджери;
соода аналитиги;
санарип маркетинг адиси;
импорт жана экспорт боюнча координатор;
бажы маселелери боюнча консультант;
жеткирүү тармагынын менеджери;
логист;
эл аралык бизнес өнүктүрүү менеджери;
ар кандай экономика секторлорундагы соода бөлүмдөрүндө адис;
мамлекеттик органдарда, соода уюмдарында жана жөнгө салуучу мекемелерде эксперт.