«Экономика» багыты боюнча «Бухгалтердик эсеп, талдоо жана аудит (курулушта)» профилинин негизги билим берүү программасы (НБП) эмгек рыногунун талаптарын, ошондой эле мамлекеттик билим берүү стандартынын (МБС) негизинде иштелип чыгып, университет тарабынан бекитилген. 580100 «Экономика» багыты боюнча бакалаврларды даярдоо үчүн НБП билим берүү процессинин максаттарын, күтүлгөн натыйжаларын, мазмунун, шарттарын жана технологияларын, бүтүрүүчүнүн даярдык сапатын баалоону жөнгө салат.
Бул профилдин бүтүрүүчүлөрү төмөнкү тармактарда: эсеп-талдоо, көзөмөл-ревизиялык, аудиттик, консалтингдик, уюштуруу-башкаруу иштеринде. Бүтүрүүчүлөр активдердин, милдеттенмелердин жана капиталдын бардыгы жана кыймылы боюнча эсеп иштерин жогорку деңгээлде жүргүзүү боюнча көндүмдөргө ээ. Алар чарбалык-финансылык ишмердүүлүктүн натыйжаларын аныктоону, эффективдүү эсеп саясатын тандап алуу менен эсеп жана отчет системасын түзүүнү билишет.
Бул профилдин бүтүрүүчүлөрү алган билимдери жана көндүмдөрү менен олуттуу уюмдарда престиждүү жумушка орношууга талапкер боло алышат. «Бухгалтердик эсеп, талдоо жана аудит» профилинин бүтүрүүчүлөрүнө эмгек рыногунда суроо-талап бар жана алардын кесиптик жана карьералык өсүү келечеги жакшы.