Инженер-программист
Кызматтык милдеттери:
2.1. И.Раззаков атындагы КМТУнун окуу процессине электрондук билим берүү технологияларын жана электрондук ресурстарды иштеп чыгуу жана ишке киргизүү; электрондук окуу материалдарын, графикалык (флеш-анимация), аудио жана видео объекттерди түзүү (Autocad, Adobe Premiere, CorelDraw, Photoshop жана башка программалар менен иштөө).
2.2. И.Раззаков атындагы КМТУда дистанттык билим берүү колдонулушун кеңири жайылтууга багытталган иш-чаралар менен долбоорлорду уюштуруу жана техникалык жактан камсыздоо.
2.3. Электрондук окуу материалдарын, web-ресурстарды жана IT департаментинин маалымат базасын түзүү жана иштеп чыгуу (CorelDraw, Photoshop, Windows, MS Office, LMS системалары, MSDreamweaver, HTML жана башка программалар менен иштөө).
2.4. И.Раззаков атындагы КМТУнун билим берүү порталынын, расмий сайтынын жана корпоративдик электрондук почтасынын администрлөөсү жана техникалык коштоо.
2.5. Зарыл болгон программаларды иштеп чыгуу, аларды орнотуу, жөндөө жана колдонууга берүү.
2.6. Программалар менен иштөө боюнча нускама жана колдонмо материалдарын иштеп чыгуу, керектүү техникалык документтерди даярдоо.
2.7. Колдонмо программалык камсыздоолорду колдонуу мүмкүнчүлүктөрүн аныктоо.
2.8. Билим берүү мекемелериндеги иш тартибин жана шарттарын, ички эмгек тартибинин эрежелерин, иш кагаздарын жүргүзүүнүн негиздерин билүү; IT департаментинин директору жана web-борбордун башчысынын тапшырмаларын аткаруу.
