Кафедра кураторлук кылган топтордогу тарбиялык иштерди, кафедра башчысы тарабынан бекитилген куратордук иштердин планына ылайык жүргүзөт.
Кафедра студенттердин электрондук базасын түзөт жана анда төмөнкү өздүк маалыматтар чагылдырылат:студенттин аты-жөнү, туулган жылы, катталган дареги, жашаган жери, телефон номери, WhatsApp номери, facebook/Instagram баракчаларынын маалыматы, ата-энеси тууралу маалымат. Өздүк маалыматтар жогорку купуялуулукка ээ жана ачык булактарга жарыяланышы мүмкүн эмес.
Кафедра ар бир студентке пландалган жана пландан тышкары медициналык кароолордон өтүп туруу милдеттемеси менен медициналык китепчелерди ачат.
Тарбиялык иштерди алып барууда кафедра студенттерге карата төмөнкү саясатты колдонот: сабактарга милдеттүү түрдө катышуу; окуу процессине активдүү катышуу; студенттер тарабынан тапшырмаларды өз убагында аткаруу; сабактарга өз убагында катышуу; сабактарды социалдык жана этикалык жүрүш-турушу; модульду тапшырууда жана анын жыйынтыктарын билүүдө лекторго жана окутуучуларга сый-мамиле жасоо; сырткы көрүнүшкө ишкер же нейтралдуу дресс-код, сабактарды далилсиз себептер менен калтырууну жоюу; тамеки тартууну, университеттик жана башка коомдук жайларда өзүн тыкан жана татыктуу алып жүрүү; гаджеттерди, үн аркылуу же видео байланышка, андан тышкары сабак учурунда тексттик маалыматтарды колдонууга жол берилбейт; лектор тарабынан аныкталып, берилген темалар боюнча калтырылган сабактарды өз убагында толуктап, кайра тапшыруу, этикалык, диний, саясий жана социалдык толеранттуулук, каршы пикирлерди жана протесттерди политкоррективдүү формада түзүү; кесиптик ишмердүүлүктө конструктивдүү маектешүүнү колдоо, сабак учурунда дискуссияга тартылуусу, тактык жана милдеттүүлүк, этикалык жана укуктук сабаттуулук;
Кафедранын кызматкерлери кесиптик ишмердүүлүгүндө Кыргыз Республикасынын Конституциянын жана анын аймагында колдонуудагы КРнын мыйзамдарына, укук-ченемдик актылардын жетекчилиги астында иш алып барат.
Кафедранын башкы жетекчиси, профессорлору академиялык мобилдүүлүк талаптарын аткарышат – Кыргызстандын ичинде жана чет жактарда лекцияларды окушат, андан тышкары кафедра Кыргызстандагы ЖОЖдан жана чет жактардан лекторлорду чакырат.
Кафедранын кызматкерлери, өзгөчө жаш окутуучулар, англис тилин өздөштүрүп жатышат, лекцияларды эки же андан көп тилде окушат, анын ичинде Малекеттик тилге артыкчылык көргөзүшөт.
Кафедранын кызматкерлери орто мектептердин окуучуларынын жана абитуриенттердин арасында активдүү, кесипке үгүттөө иштерин жүргүзүшөт; КМКТАУну жана курулуштагы (civil.engineering) инженердик билим берүүнү жайылтуунун үстүндө дайыма жана жемиштүү иштеп жатышат.
Кафедра бизнес жана экономиканын реалдуу сектору менен, университет жана бизнестин ортосундагы конструктивдүү байланышты колдоо максатында, тактап айтканда, курулуш компаниялар менен, үй куруучулар менен, R&D агенттиктер /студиялар/ лабораториялар менен жеке жана кесиптик байланыштарды жөнгө салып жатат.
