Кафедранын тарыхы

Кафедранын тарыхы
«Автомобиль транспорту жана сервис» кафедрасы

академик Х.А. Рахматулин атындагы
И. Раззаков атындагы КМТУнун Токмок шаарындагы филиалы

    «Автомобиль транспорту жана сервис» кафедрасы академик Х.А. Рахматулин атындагы И. Раззаков атындагы Кыргыз мамлекеттик техникалык университетинин Токмок шаарындагы филиалынын окуу-илимий түзүмдүк бөлүмү болуп саналат жана аталган кафедранын бардык профессордук-окутуучулук курамын бириктирет.

   Кафедранын өнүгүү тарыхы институттун тарыхы менен тыгыз байланышта.

   1994-жылдын 17-ноябрында КМТУнун ректорунун № 3/779 буйругунун негизинде «Табигый жана жалпы техникалык дисциплиналар» (ТЖТД) кафедрасы уюштурулган. Ал мезгилде кафедрада 6 доцент, 2 улук окутуучу жана 10 окутуучу иш алып барган.

    1999–2000 окуу жылынын башында бул кафедра экиге бөлүнүп, «Фундаменталдык дисциплиналар» кафедрасы жана «Жалпы техникалык дисциплиналар» кафедрасы түзүлгөн.

    2002-жылдын 23-январындагы № 6 «Жалпы техникалык дисциплиналар кафедрасын бөлүү жөнүндө» буйруктун негизинде «Электроэнергетика» жана «Жалпы техникалык дисциплиналар» кафедралары түзүлгөн.

    2003–2004 окуу жылынын башында «Жалпы техникалык дисциплиналар» кафедрасы «Транспорт жана техникалык дисциплиналар» кафедрасы болуп кайра аталыш алган.

    2007-жылы «Транспорт жана техникалык дисциплиналар» кафедрасы кайра уюштурулуп, «Автомобиль транспорту жана сервис» кафедрасы болуп түзүлгөн жана ал бүтүрүүчү кафедра болуп саналган.

    2016-жылы студенттердин санынын кыскарышына байланыштуу кафедра жабылган.

    2018-жылы 670300 «Транспорттук процесстердин технологиясы» багыты боюнча студенттерди сапаттуу окутуу максатында жана күндүзгү жана сырттан окуу формаларындагы студенттердин санынын өсүшүнө байланыштуу академик Х.А. Рахматулин атындагы КГТУнун Токмок шаарындагы филиалында профилдик «Автомобиль транспорту жана сервис» кафедрасы кайрадан уюштурулган.

   Кафедранын башчысы — Кыргыз Республикасынын автомобиль транспортуна эмгек сиңирген кызматкер, И. Раззаков атындагы КМТУнун ардактуу профессору Есенбаев Үсөнбек Есенбаевич.

    Бул багыт боюнча адистерди сапаттуу даярдоо максатында 2005-жылы Токмок авторемонт заводу (АРЗ-2) жана ТТИ базасында окуу-илимий-өндүрүштүк комплекс уюштурулган. Комплекстин негизги максаты — адистерди даярдоо боюнча биргелешкен ишмердүүлүктү координациялоо, окуу жана илимий-изилдөө иштеринин натыйжалуулугун жогорулатуу, ошондой эле практикалык жана лабораториялык сабактарды, окуу, өндүрүштүк жана диплом алдындагы практикаларды өткөрүү үчүн илимий-өндүрүштүк базаны пайдалануу болуп саналат.