Окуу иштери

710200 – Маалыматтык системалар жана технологиялар даярдоо багыты боюнча бакалавр төмөнкү кесиптик ишмердүүлүк түрлөрүнө даярдалат:

• долбоорлоо-конструктордук;
• өндүрүштүк-технологиялык;
• уюштуруучулук-башкаруучулук;
• сервистик-эксплуатациялык.

Бул багыт инженердик-технологиялык инфраструктураны жеке колдонуучулар жана корпоративдик сектор үчүн колдонмо санариптик сервистер менен интеграциялоону камсыз кылат.

Билим берүү программасынын күтүлгөн натыйжалары

Багыты: Маалыматтык системалар жана технологиялар
Профили: Медиаиндустриядагы маалыматтык системалар жана технологиялар

Билим берүү программасын аяктагандан кийин бүтүрүүчү төмөнкүлөргө жөндөмдүү болот:

1. Техникалык түзүлүштөр үчүн С++ программалоо тилин кесиптик деңгээлде колдонуу. Тиркемелерди түзүү, тестирлөө, эксплуатация процессинде коштоо, даяр шаблондор менен иштөө жана маалыматтарды экспорттоо.
2. PHP, JavaScript, Java тилдерин колдонуу менен web-тиркемелерди иштеп чыгуу, React жана Node.js платформаларында frontend жана backend бөлүктөрүн түзүү, Android операциялык системасы үчүн Kotlin тилинде мобилдик тиркемелерди иштеп чыгуу.
3. Командада иштөө, чакан долбоорлорду башкаруу жана иштелип чыккан программалык камсыздоону коммерциялык долбоор катары сунуштоо.
4. Математикалык анализди колдонуу менен статистикалык маалыматтарды талдоо, чоң маалыматтарды иштетүү жана аларды көрсөтүү үчүн интерфейстерди иштеп чыгуу.
5. Полиграфиялык өндүрүштү уюштуруу, медиаиндустрия тармагындагы технологиялык процесстерди башкарууну автоматташтыруу системаларын түшүнүү.

Берилүүчү квалификация

Медиаиндустриядагы маалыматтык системалар жана технологиялар профили боюнча Маалыматтык системалар жана технологиялар багытындагы билим берүү программасын аяктагандан кийин тиешелүү квалификация ыйгарылат.

Бүтүрүүчүлөрдү жумушка орноштуруу мүмкүнчүлүктөрү

Окуу процессинде студенттер төмөнкү тармактар боюнча туруктуу практикалык көндүмдөргө ээ болушат:

• маалыматтык системаларды долбоорлоо, иштеп чыгуу жана коштоо;
• программалык жана аппараттык камсыздоону администрлөө;
• санариптик медиа ресурстарды иштеп чыгуу жана киргизүү;
• маалыматтарды талдоо, иштетүү жана визуалдаштыруу;
• медиасферада заманбап маалыматтык технологияларды колдонуу;
• маалыматтык коопсуздукту камсыз кылуу;
• маалымат базалары жана тармактык технологиялар менен иштөө.

Бүтүрүүчүлөр төмөнкү мекемелерде иштей алышат:

• медиа компаниялар жана басма үйлөр;
• IT-компаниялар жана digital-агенттиктер;
• телерадиокомпаниялар;
• типографиялар жана полиграфиялык ишканалар;
• маалыматтык системаларды колдонгон мамлекеттик жана коммерциялык уюмдар;
• илимий-изилдөө жана билим берүү мекемелери.

Өндүрүштүк практика

Өндүрүштүк практика учурунда студенттер кесиптик көндүмдөрдү, жамаатта иштөөгө ыңгайлашууну, стандарттуу эмес кырдаалдарда туура чечим кабыл алууну, жаңы технологияларды колдонуу жана уюштуруучулук тажрыйбаны өздөштүрүшөт.

Институтта жыл сайын практика өткөрүү мөөнөттөрүн, жетекчилерин жана коргоо тартибин аныктаган буйрук чыгарылат. Практика жетекчилеринин кесиптик деңгээли жетиштүү.

Отчеттук форма — өндүрүштүк практика боюнча отчет.

ЖОЖ төмөнкү мекемелер менен келишим түзгөн:

• «Аркус» басмасы;
• «Print Express» типографиясы;
• «Kirland» ЖЧК;
• «Adver print» ЖЧК;
• «Учкун» ААК;
• «Кыргыз Энциклопедиясы» башкы редакциясы;
• «Токмок типографиясы» ААК;
• «Калем» басма үйү;
• «Полиграфбумресурсы» ЖЧК;
• «ST art LTD» полиграфиялык комплекси;
• «VRS» типографиясы;
• «Улуу Тоолор» типографиясы;
• «Один один студия» ЖЧК;
• «Скайнет» ЖЧК.

Практика базаларынын саны жана сапаты билим берүү программасынын талаптарына жооп берет.

Ар бир практика түрү боюнча методикалык көрсөтмөлөрдү, отчет даярдоо жана коргоо талаптарын, ошондой эле тапшырмаларды камтыган программалар иштелип чыккан.

Практиканын алдында уюштуруучулук жыйындарда студенттер өз кызыкчылыктарына жараша практика өтүү ордун тандап, багыттама, тапшырмалар жана күндөлүк алышат.

Предквалификациялык практика

Предквалификациялык практика окуунун жыйынтыктоочу этабы болуп саналат жана теориялык жана практикалык сабактар аяктагандан кийин өткөрүлөт. Академиялык карызы бар студенттер практикага киргизилбейт.

Максаттары:

• адистик боюнча теориялык жана практикалык билимдерди жалпылоо жана системалаштыруу;
• өз алдынча чыгармачылык иш жана эмгекти илимий уюштуруу көндүмдөрүн өнүктүрүү;
• бүтүрүү квалификациялык ишинин темасын тандоо же тактоо;
• бүтүрүү иши үчүн материалдарды чогултуу.