Сизди ойлондурган суроо бул, мен келечекте ким болгум келет? Азыркы учурда, ар бир адам келечектин кесибин тандагысы келет эмеспи. Келечектин кесиби бул: -Адамдын теориялык позицияларын изилдеген, аны чечүү үчүн идеялар жана жаңы технологиялар колдонулган, ошондой эле заманбап көндүмдөрдү алган кесип. Эми кесибибиз жөнүндө кыскача баяндама берсек:
Биздин өлкө суу ресурстары боюнча Борбор Азиядагы алдыңкы мамлекеттердин бири. Өнөр жайды өнүктүрүүнүн маанилүү тармактарынын бири болуп суу чарба комплекси, анын ичинде гидроэнергетика жана ирригация болуп саналат.
Белгилүү болгондой, бүгүнкү күндө жер планетасында таза суунун арстандык үлүшү гана бар,себеби адамдардын (тамак-аш процессинде, күнүмдүк турмушта) эле эмес, айыл чарбасы (сугат) жана өнөр жай тарабынан “кайтарылгыс” керектелет, ошондой эле, суу ресурсу социалдык-экономикалык жана туруктуу өнүгүүгө, энергетикага жана тамак-аш өндүрүшүнө да таасирин тийгизет. Азыркы учурда Гидро Энергия Станцияларында өндүрүлгөн электр энергиясы актуалдуу болууда, анткени ал иш жүзүндө эң арзан жана аны өндүрүү экологиялык жактан да таза келет.
Суу ресурстары коом менен айлана-чөйрөнүн ортосундагы эң маанилүү звено болуп саналат, жана климаттын өзгөрүүсүнө ыңгайлашуу процессинин негизин түзгөндүктөн, сарамжалдуу пайдалануу, суу ресурстарына туура мамиле кылуу да талап кылынат. Ошондуктан, суу ресурстарын сактоо жана инженердик маселелерди чечүү үчүн адистер абдан керек, ал эми суу чарбасы боюнча инженер-гидротехниктерге жана гидротехникалык курулушка болгон муктаждык жыл өткөн сайын көбөйүүдө.
Исхак Раззаков атындагы Кыргыз мамлекеттик техникалык университетине караштуу, биздин «Курулуш механика жана гидротехникалык курулуш» кафедрасы «гидротехника» жана «суу ресурстары жана суу пайдалануу» профилдери боюнча адистерди даярдайт.
Окуучулардын квалификацияга чейинки жана өндүрүштүк практикасы жөнүндө
