Абитуриенттерди кабыл алуу келишимдик жана бюджеттик негизде конкурстун жыйынтыгы боюнча, Жалпы республикалык тестирлөөнүн (ЖРТ) жыйынтыгы боюнча алган баллынын санына жараша жүргүзүлөт.
Мамлекеттик грантка (бюджет) негизги тесттен 110 баллдан жана кошумча (физика же математика) 60 баллдан кем эмес балл алган абитуриенттер тапшыра алышат.
Күндүзгү окуу бөлүмүнө контракттык негизде негизги тестирлөөдөн 110 баллдан кем эмес балл алган абитуриенттер кабыл алынат.
Дистанттык окууга негизги тесттен 110 баллдан кем эмес алган абитуриенттер кабыл алынат (контракт менен гана).
Контракттык негизде окууга тапшырууда абитуриент ЖОЖ менен келишим түзүп, жылдык төлөмдүн 50% төлөйт.
Ишканалар жана уюмдар келишим боюнча окууга акы төлөө менен өз кызматкерлерин же башка адамдарды окууга жибере алышат.
Кабыл алуу үчүн негизги документтер:
ЖРТ сертификаты;
Билими тууралуу документтер (аттестат же диплом);
3x4 өлчөмүндөгү 6 даана сүрөт;
Паспорт (түп нускасы жана көчүрмөсү);
Аскердик билет же учёттук күбөлүк (жеке көрсөтүлөт).
Биздин студенттер төмөнкүлөрменен камсыз кылынат:
Заманбап компьютердик класстарда маалыматтык технологиялар боюнча окутууну күчөтүү;
Бюджеттик орундар;
Окуу акысынан 25тен 100%ке чейинки жеңилдиктер;
Жатаканага жайгаштыруу.
Багыты: 760100 «Жаратылышты жайгаштыруу жана суу пайдалануу»
Профили: "Суу ресурстары жана сууну пайдалануу"
Багыты: 750500 "Курулуш"
Профили: "Гидротехникалык курулуш"
Кафедра жөнүндө маалымат
«Курулуш механикасы жана ГТК» кафедрасы инженер – гидротехник куруучуларды даярдайт. Кафедранын окутуучулары жогорку окуу жайларда, курулуш ишканаларында чоң иш тажрыйбасы бар илимий даражалуу, жогорку квалификациялуу педагогдор. Студенттер күндүзгү жана сырттан окуу формасында окуганга мүмкүнчүлүктөрү бар. Бакалаврдын бүтүрүүчүлөрү «Курулуш» жана «Жаратылышты жайгаштыруу жана суу пайдалануу» багыттары боюнча окуусун улантып, ушул эле багыттар боюнча магистратурага андан кийин аспирантурага тапшырышып, академиялык жана илимий даражаларды алуу мүмкүнчүлүгүнө ээ.