Кафедранын окутуучулары тарабынан дисциплиналар боюнча окуу китептери, методикалык колдонмолор жана көрсөтмөлөр кыргыз жана орус тилдеринде иштелип чыккан. Бардык сабактар үчүн окуу-методикалык комплекстер,силлабустар, жумушчу программалар, лабораториялык иштерди жана практикалык сабактарды өткөрүү үчүн методикалык колдонмолор жана көрсөтмөлөр, студенттердин билимин контролдоону уюштуруу жана өткөрүү боюнча материалдар иштелип чыккан. Окуу-методикалык комплекстер жыл сайын жаңыланып турат.
Окуу процессинде: "Жалпы жана органикалык эмес химия" (авторлор: М. Б. Баткибекова, Т.Ш.Джунушалиева ж.б.);ББжИ Министрлик тарабынан бекитилген "Физикалык жана коллоиддик химия" (авторлор: ДжунушалиеваТ.Ш., Борбиева Д.Б.),"Аналитикалык химия"(авторлор: Сырымбекова Э.И.,Сыдыкова Ш.С.) "Органикалык химия" (авторлор: Баткибекова М.Б., Абдыкеримова А.С.), "Полимерлердин физикасы жана химиясы" (авторлор: Р.Ш. Элеманова, Джунушалиева Т.Ш.) жана башкалар кеңири колдонулат.
Жумуш программаларынын мазмуну билим берүү стандарттарына жооп берет. Студенттер окуу-методикалык адабияттарды көчүрмө түрүндө да, электрондук вариантта да пайдалана алышат.
Кафедрада лекцияларды окуп жатканда презентациялар жана видео - лекциялар колдонулат, студенттерге лекциялардын, лабораториялык иштердин электрондук варианттары сунушталат, билимди контролдоо салттуу түрдө да, компьютердик тестирлөө форматында да жүргүзүлөт.
Бекитилген жумушчу программалардын, лекциялардын конспекттеринин болушун, алардын жумушчу окуу пландарына, силлабустарга туура келишин текшерүү менен лекциялык, практикалык сабактарды өткөрүүнүн сапатына кафедра башчысы жана өз ара контроль жүргүзүлөт. Өз ара жайгаштыруунун жыйынтыктары кафедранын жыйындарында каралат.
2022-жылы "Химиялык технология", "Химик-изилдөөчү" профили боюнча бакалаврларды даярдоонун кесиптик билим берүү программасын ишке ашырууга тиешелүү материалдар (жумушчу окуу планы, базалык окуу планы, китеп менен камсыздоо жана тиешелүү дисциплиналар боюнча профессордук окутуучу курамды бекитүү) иштелип чыкты жана лицензия алынды (д2019-0038 лицензиясы).
Окуу-методикалык адабияттарды басып чыгаруу пландары жыл сайын толугу менен аткарылат.
Билим берүүнүн сапатын жогорулатуу:
Бул планда төмөнкү иш-чаралар ишке ашырылат:
1.Профессордук-окутуучу курамдын сапаттык курамын түзүү (кызматка кабыл алууда ишке ашырылат, базалык билиминин ылайыктуулугу, окумуштуу даражасы,жашы ж.б. эске алынат);
2.Профессордук-окутуучу курамынын квалификациясын жогорулатуу И.Раззаков атындагы КМТУда, ошондой эле чет өлкөлөрдөгү билим берүү, Өндүрүш жана илимий борборлордо ишке ашырылат;
3.Кафедра билим берүүнүн сапатын жогорулатууга, ишканалар менен байланышты күчөтүүгө өзгөчө көңүл бурат;
4.Сабактарды өз ара жайгаштыруу системасы боюнча окутуунун сапатын контролдоо жүзөгө ашырылат;
5.Окуу процессинде компьютердик программалар жана техника колдонулат;
6.Видео-лекциялар, презентациялар лабораториялык иштердин видео-блоктору окутуу процессинде кеңири колдонулат;
7.Кафедранын электрондук китепканасынын базасы өнүгүүдө.
Кафедра заманбап компьютердик техника, көбөйтүүчү аппаратура, видеопроекторлор ж.б. толук бойдон камтылган;
Кафедранын окуу-лабораториялык базасын модернизациялоого багытталган чаралар ишке ашырылууда,1/417, 1/403 термохимиялык лабораторияларынын базасында "Химик – изилдөөчү" окуу-практикалык борборун түзүү боюнча долбоор иштелип чыкты. Борбор тамак-аш азыктарын, рудаларды, минералдарды, курулуш материалдарын ж.б. аналитикалык изилдөөлөрдүн кеңири спектрин жүргүзүүгө мүмкүндүк берүүчү заманбап приборлор жана жабдуулар менен жабдылат.
