Колледждеги тарбиялык иш социалдык активдүү, адептүү, билимдүү инсандын өнүгүшүнө, жогорку квалификациялуу жана атаандаштыкка жөндөмдүү адис болууда кесиптик билимдерди, жөндөмдүүлүктөрдү, көндүмдөрдү калыптандырууга, жалпы адамзаттык руханий жана маданий баалуулуктарга кошулууга, эстетикалык даамын, чыгармачыл потенциалды жана студенттин инсандыгын тарбиялоого өбөлгө түзүүгө багытталган.
Кесиптик орто билим берүү (Колледж) уюмундагы тарбиялык иш төмөнкү багыттар боюнча жүргүзүлөт: рухий-адеп-ахлактык, ата мекендик, эстетикалык, укуктук, ден-соолукту сактоо, эмгек жана кесиптик тарбия.
Кесиптик орто билим берүү (Колледж) уюмунун жамааты тарабынан уюштурулган тарбиялык процесс төмөнкүлөргө багытталган:
- студенттердин ар тараптуу жана көп кырдуу ишмердүүлүгүн уюштуруу;
- ден соолугу жана адеп-ахлагы туруктуу жекече адамдын калыптанышы үчүн курдаштары жана чоңдор менен болгон маанилүү социалдык мамилелерди изилдөө;
- коомго керектүү жана жекече маанилүү сапаттарды калыптандыруу;
- коомдук баалуулуктарга негизделген, чөйрөгө, табиятка, адамдарга, илимге жана маданиятка туура мамилени калыптандыруу.
