"АжТЖ,КжТ" кафедрасында жемиштүү илимий-изилдөө иштери үчүн жагымдуу шарттар түзүлгөн. Кафедрада кадрларды даярдоо жана илимдин кандидаттары менен докторлорунун даражаларын алуу аспирантура, докторантура жана изденүүчүлүк аркылуу ишке ашырылат.
Жыл сайын окуу жылынын башында кафедранын ИИИ жана ИИРС планы түзүлөт. Кафедранын негизги тематикасы: тоо жолдорунун транспорттук-эксплуатациялык сапатын жогорулатуу; НУР көпүрөлөрүн сейсмикалык жактан коргоо; КР территориясын жол-климаттык райондоштуруу; КР жергиликтүү шарттарын эске алуу менен катуу эмес жол катмары бар аэродромдор; көпүрөлөрдүн жер титирөөгө туруктуу конструкцияларынын моделдерин иштеп чыгуу; республиканын тоолуу райондорунда көпүрөлөрдү долбоорлоо ж.б. студенттер менен илимий-изилдөө иштери кафедрада МЖӨ жеке планында белгиленген сааттарга ылайык жүргүзүлөт. Кафедранын окумуштууларынын илимий-изилдөө иштери окуу процесси, студент ээ болгон компетенциялар теориясы жана практикасы менен тыгыз байланышта, бул бүтүрүүчүлөрдү даярдоонун сапатын жогорулатууга өбөлгө түзөт. ИИИ аткарууга эң даяр студенттер тартылат.
Илимий-изилдөө иштеринин жана инновациялык иштелмелердин натыйжалары кафедранын окуу процессине окуу сабактарын өткөрүүдө, дипломдук долбоорлоодо жана жумушчу программаларды түзүүдө киргизилет. Кафедрада жогорку илимий-практикалык маселелерди чече ала турган окумуштуулардын, окутуучулардын, аспиранттардын, изденүүчүлөрдүн жамааты түзүлүп, чыгармачылык менен эмгектенишет. Азыркы учурда кафедра заманбап материалдык-техникалык базага ээ: компьютердик класс, заманбап программалык камсыздоо, техникалык жактан жасалгаланган аудиториялар ж. б.
Кафедранын илимий ишмердүүлүгү бийик тоолуу аймактын татаал шарттарында автомобиль жолдорунун транспорттук-эксплуатациялык сапаттарын оптималдаштыруунун жана өркүндөтүүнүн теориялык негиздерин иштеп чыгуу боюнча изилдөөлөргө багытталган.
Илимий-изилдөө иштери республиканын автомобиль жолдорун долбоорлоо, куруу жана пайдалануу боюнча натыйжалуу чечимдерди кабыл алууда жол уюмдарына маанилүү инженердик-техникалык жардам көрсөтөт.
