Билим берүү иш-чаралары
«Санариптик электроника» кафедрасынын жогорку кесиптик билим берүүнүн негизги билим берүү программалары (ЖКБ НББП) радиотехника, электроника жана заманбап маалыматтык-коммуникациялык технологиялар тармагында жогорку квалификациялуу адистерди даярдоого багытталган.
Билим берүү программалары Кыргыз Республикасынын мамлекеттик билим берүү стандарттарынын талаптарына ылайык иштелип чыккан. Ошондой эле кесиптик компетенциялар, эмгек рыногунун муктаждыктары жана кызыкдар тараптардын, анын ичинде иш берүүчүлөрдүн, билим алуучулардын жана коомчулуктун талаптары эске алынган.
1. Бакалавриат
690200 «Радиотехника» даярдоо багыты боюнча жогорку кесиптик билим берүүнүн негизги билим берүү программасы (квалификациясы — бакалавр) Кыргыз Республикасынын жогорку кесиптик билим берүүнүн мамлекеттик билим берүү стандартынын талаптарын ишке ашырууну камсыз кылат.
Программа билим алуучуларда радиотехникалык жана электрондук системаларды, түзүлүштөрдү жана жабдууларды долбоорлоо, иштеп чыгуу, эксплуатациялоо жана техникалык тейлөө үчүн зарыл болгон кесиптик жана жалпы кесиптик компетенцияларды калыптандырууга багытталган.

