Жаңылыктар
Электрониканын негиздери боюнча илимий-билим берүү курстары
«Санариптик электроника» кафедрасы Электроника жана телекоммуникациялар институтунун (ЭТИ) Илимий-изилдөө инновациялык электроника жана телекоммуникациялар борбору менен биргеликте ЭТИнин студенттери үчүн электрониканын негиздери боюнча билим берүү курстарын уюштурууда.
Азыркы учурда курстар акысыз негизде өткөрүлүүдө жана студенттердин электроника тармагындагы базалык билимдерин жана практикалык көндүмдөрүн калыптандырууга багытталган.
Окутуу программасы электрондук түзүлүштөрдүн, компоненттердин жана схемалардын иштөөсүнүн негизги принциптерин изилдөөнү, ошондой эле заманбап санариптик электроника технологиялары менен таанышууну камтыйт.
Курстарды техникалык илимдердин кандидаты А. Токонов өткөрөт. Ал окутууну илимий-методикалык жактан коштоону камсыздап, студенттердин кесиптик компетенцияларынын өнүгүшүнө шарт түзөт.
Бул демилге болочоктогу адистерди даярдоонун сапатын жогорулатууга, практикалык көндүмдөрдү өнүктүрүүгө жана ЭТИнин бөлүмдөрүнүн ортосундагы илимий-билим берүү кызматташтыгын чыңдоого багытталган.
