Продукция жана өндүрүштүн сапатын башкаруудагы стандартташтыруу, метрология, өлчөө приборлору жана маалыматтык технологиялар

«Продукция жана өндүрүштүн сапатын башкаруудагы стандартташтыруу, метрология, өлчөө приборлору жана маалыматтык технологиялар» профили продукциянын жашоо циклинин бардык этаптарында сапатты башкаруу үчүн заманбап метрологиялык камсыздоо ыкмаларын, санариптик өлчөө технологияларын жана маалыматтык системаларды практикалык ишмердүүлүгүндө колдоно ала турган жогорку квалификациялуу адистерди даярдоого багытталган.

Билим берүү программасынын максаты Стандартташтыруу, метрология, шайкештикті ырастоо жана сапатты башкаруу тармагында фундаменталдуу билимге ээ болгон, ошондой эле сапатты көзөмөлдөө процесстерин автоматташтыруу, маалыматтарды талдоо жана өндүрүштө өлчөөлөрдүн бирдиктүүлүгүн камсыз кылуу үчүн маалыматтык технологияларды колдонуунун практикалык көндүмдөрүнө ээ квалификациялуу адистерди даярдоо.

Окуунун мөөнөтү жана формасы: күндүзгү – 4 жыл

Окуу учурунда студенттер кандай билим алышат?

Бүтүрүүчүлөр төмөнкү багыттар боюнча терең теориялык жана практикалык билимге ээ болушат:

• метрология, өлчөөлөрдүн бирдиктүүлүгү жана заманбап өлчөө приборлору;

• продукциянын, процесстердин жана кызматтардын стандартташтырылышы;

• шайкештикті ырастоо ыкмалары (сертификаттоо, декларациялоо);

• продукциянын жашоо циклинин бардык этаптарында сапатты башкаруу;

• нормативдик-техникалык документацияны иштеп чыгуу;

• метрологиялык камсыздоону автоматташтыруу, сапатты статистикалык талдоо, маалымат базалары менен иштөө жана сапат системаларындагы процесстерди моделдөө үчүн маалыматтык технологияларды колдонуу.

Жумуш мүмкүнчүлүктөрү

Багыттын бүтүрүүчүлөрү өнөр жайдын жана кызмат көрсөтүү чөйрөсүнүн каалаган тармагындагы ишканаларда суроо-талапка ээ. Алар төмөнкү жерлерде иштей алышат:

• өнөр жай ишканаларында (машина куруу, тамак-аш, курулуш, жеңил өнөр жай ж.б.);

• сыноо жана метрологиялык лабораторияларда;

• стандартташтыруу жана метрология борборлорунда;

• сертификаттоо жана аккредитация органдарында;

• техникалык көзөмөл жана сапатты башкаруу кызматтарында;

• өнөр жай үчүн программалык камсыздоону иштеп чыгуучу жана киргизүүчү IT-компанияларда (сапатты башкаруу системалары, метрология программалары, өндүрүштүк маалыматтарды талдоо программалары).

Бүтүрүүчүлөр төмөнкү кызматтарды ээлей алышат:

• метрология боюнча инженер;

• стандартташтыруу жана сертификаттоо боюнча инженер;

• сапат / техникалык көзөмөл боюнча инженер;

• продукциянын (кызматтардын) шайкештигин ырастоо боюнча адис;

• сапатты башкаруудагы маалыматтык системалар боюнча инженер;

• сапатты көзөмөлдөө жана метрология үчүн программаларды киргизүү жана колдоо боюнча адис;

• өндүрүштө маалыматтар аналитиги.

Инженердик даярдык менен олуттуу IT-көндүмдөрдүн айкалышынын аркасында бүтүрүүчүлөр салттуу өнөр жайда да, өндүрүштү автоматташтыруу жана сапатты башкаруу менен байланышкан IT чөйрөсүндө да оңой жумуш табышат.