[Translate to Кыргызча:] Информационная безопасность (ускоренная форма обучения)

Окууга кабыл алуу орто билим жөнүндө аттестаттын негизинде жүргүзүлөт.

Окуу профили: Маалыматтык коопсуздук аналитикасы

Окуу формасы: күндүзгү

Төлөм формасы: контракттык негизде

Контракттын баасы:

• Кыргыз Республикасынын жарандары үчүн –

• Чет элдик жарандар үчүн – КМТУнун Баа прейскурантын караңыз

Квалификация: бакалавр (3 жыл)

Жооптуу кафедра: Компьютердик системалардын программалык камсыздоосу

Бакалавриат багыты бир нече адистиктерди жана тармактарды камтыйт. Студенттер информатика жана маалыматтык коопсуздук боюнча базалык даярдыктан өтүп, келечекте магистратура жана аспирантура деңгээлинде адистештирилген билимдер менен толуктай алышат. Окуу программасынын милдеттүү сабактарына маалыматтык коопсуздуктун негиздери, эсептөө техникасынын аппараттык каражаттары, маалыматты коргоонун программалык-аппараттык каражаттары, маалыматты коргоонун криптографиялык ыкмалары, маалыматтык коопсуздуктун уюштуруучулук жана укуктук негиздери ж.б. кирет.

Маалыматтык коопсуздук боюнча адистер азыр дээрлик бардык тармактардагы компанияларда иштешет. Алар маалыматтык анализ жүргүзүп, маалыматтын жоголуу коркунучун аныкташат. Компьютердик вирустар аркылуу тышкы коркунучтардан коргоо моделин түзүшөт. Маалыматты коргоонун атайын системаларын сатып алуу, орнотуу жана тейлөө иштерин аткарышат. Коопсуздук системасын колдоп, жаңыртышат.

ПЕРСПЕКТИВАЛАР:

Маалыматтык коопсуздук боюнча адис акыркы жылдары эң талап кылынган IT-кесиптердин катарына кирип калды. Бул тенденция жакынкы жылдары да өзгөрбөйт, тескерисинче, маалыматтык технологиялардын өнүгүшү, дистанттык иштөө шарттары жана маалыматты санариптештирүү менен мындай адистерге муктаждык ого бетер өсөт. Негизгиси – майда-чүйдөсүнө чейин көңүл буруп, жагдайды тез анализдеп, программалык камсыздоо менен иштөөнү жакшы өздөштүрүү керек. Бул кесиптин келечеги абдан кең.

СУРОО - ТАЛАП:

Жыл сайын маалыматтык коопсуздук боюнча адистерге болгон муктаждык өсүүдө. Пандемиядан кийин дүйнөлүк компаниялар мындай адистердин санын көбөйтүү ниеттерин билдиришти. Бул түшүнүктүү: мамлекеттик органдар электрондук өз ара аракеттенүүнү өнүктүрүп жатышат – мындай адистерсиз иш алып баруу мүмкүн эмес. Банктар интернет-банкингди активдүү ишке ашырууда – аларга да коопсуздук адистери керек. Камсыздандыруу компаниялары кардарлардын тарыхын маалымат базалары аркылуу текшерет – аларга да ушундай адистер зарыл. Кайсы тармак болбосун, мындай адис керек, анткени ал ишкананын маалыматтык-коммуникациялык инфраструктурасын коргойт.

Бирок, чакан компания менен мамлекеттик корпорациядагы адистин милдеттери жана жоопкерчилиги айырмаланат. Бул фактор окуу жана жумушка орношуу процессинде эске алынышы керек.