«ӨНӨР ЖАЙ КООПСУЗДУГУ ЖАНА ГЕОЭКОЛОГИЯ» КАФЕДРАСЫНЫН ТАРЫХЫ
“Өнөр-жай коопсуздугу” кафедрасы 2002-жылдын 1-мартында Кыргыз тоо-кен -металлургиялык институтунда түзүлгөн. 2021-жылы «Өнөр жай коопсуздугу» кафедрасы жана «Айлана-чөйрөнү коргоо жана жер казынасын пайдалануунун экономикасы» кафедрасын бириктирүүнүн негизинде кафедра «Геоэкология жана өнөр-жай коопсуздугу» деп аталып калган. 2022-жылдын 1-сентябрында И.Раззаков атындагы Кыргыз мамлекеттик техникалык университетинин ректорунун “И. Раззаков атындагы КМТУнун уюштуруу-административдик түзүмүн бекитүү боюнча” буйругунун негизинде “Өнөр-жай коопсуздугу жана геоэкология” кафедрасы болуп өзгөртүлгөн. Кафедраны т.и.д., профессор Самбаева Д.А. жетектейт.
Кафедра 630003 «Кен иши» адистиги боюнча «Технологиялык коопсуздук жана тоо-кен тармагында куткаруу иштери», «Тоо-кен ѳндүрүшүнүн экологиясы» адистиктери боюнча, 630004 «Кен же мунай газ өндүрүшүндѳгү физикалык процесстер» адистигинин «Мунай газ өндүрүшүнүн физикалык процесстери» адистиги боюнча «Тоо-кен инженери» квалификациясы берилген адистерди; 760300 «Техносфералык коопсуздук» багыты боюнча профили: «Айлана-чөйрөнү коргоо жана жаратылыш ресурстарын сарамжалдуу пайдалануу” квалификациясы боюнча бакалаврларды жана 760300 «Техносфералык коопсуздук» багыты боюнча «Айлана-чөйрөнү коргоо жана жаратылыш ресурстарын сарамжалдуу пайдалануу» программасы боюнча «магистр» академиялык даражасын берүү менен магистрлерди даярдайт. Кафедра өндүрүштүн бардык тармактарында туруктуу өнүгүүгө жана “жашыл” технологияларга өтүүгө басым жасоо менен коопсуздук, экология жана заманбап физикалык процесстер боюнча жогорку квалификациялуу адистерди даярдайт.