Жаңылыктар

И.Раззаков атн. КМТУ Университетке чейинки даярдоо И.Раззаков атындагы КМТУнун Политехникалык колледжи Жаңылыктар

   15-мартта Улуттук тазалык күнүнө карата И.Раззаков атындагы КМТУнун Политехникалык колледжинде дагы ишембилик өткөрүлдү. Бул иш-чара университеттин жана колледждин ичинде, ошондой эле анын айланасындагы аймактарда тазалыкты сактоо жана жакшыртуу максатында уюштурулду.
  Ишембиликке колледждин кызматкерлери , студенттери жана №1 жатакананын жашоочулары  активдүү катышып, айлана-чөйрөнү иретке келтирүү иштерине өз салымдарын кошушту. Анын жүрүшүндө окуу корпустарынын, аудиториялардын жана лабораториялардын ичи тазаланып, иретке келтирилди. 
   Ишембиликтин уюштурулушу колледждин жалпы чөйрөсүн жаңылап, студенттер менен окутуучуларга ишке болгон жоопкерчиликтүүлүктү жана эмгекке болгон сүйүүнү көрсөттү. Мындай иш-чаралар катышуучулардын ынтымагын жана биримдигин бекемдеп, эмгекке болгон мамилесин жакшыртат. Ошондой эле, жаштарды коомдук иштерге жигердүү катышууга үндөп, алардын экологиялык маданиятын жана коомго пайдалуу иштерге болгон жоопкерчилигин арттырат.
   Колледжде мындай саамалыктар “Таза колледж” акциясынын алкагында мындан ары да улантылып, коомчулукта тазалыкты сактоого багытталган иш-чаралар туруктуу түрдө өткөрүлүп турат.

     2025-жылдын 24-февралынан 28-февралына чейин И. Раззаков атындагы КМТУнун Политехникалык колледжинде “Сергек жашоону танда!” темасында жумалык өткөрүлдү. Жумалыктын алкагында колледждин 1-курсунун студенттерине КМТУнун ден соолук пунктунун кызматкерлери тарабынан сергек жана саламаттуу жашоо, зыяндуу адаттар, кургак учук жана электрондук сигареттердин зыяны тууралуу темаларында лекция уюштурулуп, ар бир тайпа сергек жашоо тууларуу дубал гезиттерди чыгарышты. Лекцияны 1-курстун бөлүм башчысы Ж.Н.Нуржанова менен биргеликте ден соолук пунктунун бөлүм башчысы Учкепирова Жылдыз Аскаралыевна жана гинекологу Калдыева Ширин Николаевна өткөрүштү.

     Аталган иш-чарада студенттер электрондук тамеки, алкоголдук ичимдиктер жана башка зыяндуу адаттар менен байланышкан коркунучтар тууралуу билип гана тим болбостон, кургак учукту алдын алуу, анын белгилерине көңүл бөлүү, инфекциянын жайылыш жолдору жөнүндө маалымат алышты. Саламаттуу жашоо турмушка үндөө жана зыяндуу адаттардан арылтуу жөнүндө маалымат берүү жаштардын аң-сезимин жогорулатууга жана ден соолукту чыңдоого өбөлгө түзөт. Мындай иш-чаралар студенттердин өз ден соолугуна карата ой жүгүртүүсүн жана зыяндуу адаттарга байланышкан оорулардын алдын алууга жардам берет. Студенттер өздөрүн жана чөйрөсүндөгүлөрдү коргоо үчүн жөнөкөй сактануу чараларын билүүгө, жооптуу болууга үйрөнүшөт.

    Сергек жашоо – бул тандоо гана эмес, келечекке болгон инвестиция. Спорт, туура тамактануу, жаман адаттардан баш тартуу - мунун баары өзүңүздү жакшы сезип, ден-соолукту узакка сактоого жардам берет. Демек, дени сак жашоо ар бирибизден көз каранды!

  "АЛТЫН ТҮЙҮН" УИТБАнын тарбиялануучулары биздин колледжде болушту. Экскурсия студенттерге биздин колледждеги билим берүү процессинин өзгөчөлүктөрү жөнүндө билүүгө гана мүмкүнчүлүк бербестен, мекемелердин ортосундагы байланышты бекемдеген маанилүү окуя болду.

   Биз ар дайым конокторду кабыл алып, билим жана тажрыйба менен бөлүшүүгө кубанычтабыз, анткени мындай иш-чаралар биздин колледждин аброюн бекемдөөгө жана жаштар үчүн билим берүү мүмкүнчүлүктөрүн кеңейтүүгө өбөлгө түзөт.

❤️14-февраль “Сүйүшкөндөр күнүнө” карата И.Раззаков атындагы КМТУнун фойесинде КМТУнун Политехникалык колледжи “Калдыктан кирешеге” долбоорунун алкагында “BUSINESS DAY” жарманкесин 3-ирет өткөрүштү. Бул иш-чара колледждин студенттеринин бизнес дүйнөсүнө болгон кызыгуусун арттырып, жаңы идеялардын жана инновациялык долбоорлордун ишке ашырылышына жардам берүү максатын көздөйт.
❤️Жарманкеде студенттер өз кол эмгектери менен жаралган буюмдарын сунуштап, биргелешкен ишмердүүлүктөрүн көргөзүштү. Студенттер экологиялык таза материалдардан жасалган буюмдарды, калдык материалдарды кайра иштетип чыгарылган товарларды жана кол өнөрчүлүк продукцияларын сунушташты.
❤️Бул иш-чара катышуучуларга өзгөчө тажрыйба берип, бизнес дүйнөсүнө болгон жолдо жаңы мүмкүнчүлүктөрдү ачууну жана калдыктардан киреше табууга жардам берди.
❤️Мындан тышкары, ал экологиялык жактан жоопкерчиликтүү иш-чаралардын маанилүүлүгүн көрсөтүп, жаштардын инновативдүү идеяларын ишке ашырууга өбөлгө түздү. Студенттер өз идеяларын ишке ашырууда жана тажрыйба алууга мүмкүнчүлүк алышты.
❤️Аталган жарманке менен бирге сүйүшкөндөр күнүнө арналган фотозона да уюштурулуп, университеттин кызматкерлеринин жана студенттеринин маанайын көтөргөн аянтчага айланды. Фотозонага студенттер сүйүү жана достукту билдирген жылуу сөздөрүн, каалоолурун жазып калтырышты. ❤️Бул эле эмес, иш-чаранын жалпы атмосферасы университтеттин бардык кызматкерлерине жана студенттерине позитивдүү энергия берип, аларды жаңы дем менен өнүгүүгө шыктандырды.
❤️❤️❤️Сүйүү жана жылуулук дайыма жүрөгүбүздө болсун! 

     2024-жылдын 27-декабрында И.Раззаков атындагы КМТУнун Политехникалык колледжинде жылдын мыктыларын сыйлоо иш-чарасы болуп өттү.  

    Жылдын эң мыктыларын КМТУнун  Политехникалык колледжинин  директору  Турусбекова Нурайым Курманбековна куттуктап,  жакшы каалоо-тилектерди айтуу менен бирге жаңы жылдын шаңы менен төмөндөгүдөй номинациялар боюнча дипломдорду, Ардак грамоталарды, акчалай сыйлыктарды жана жаңы жылдык белектерди тапшырды.

   Колледжди өнүктүрүүгө кошкон зор салымы,  үзүрлүү эмгеги үчүн колледждин жогорку даражадагы сыйлыгы ТБКМТ НКББПнын жетекчиси Р.К.Калдарбаевага берилди. 

   Ак ниеттүү эмгектери, жогорку кесипкөйлүктөрү жана компетенттүүлүктөрү, өз билимин кеңейтүүгө даярдыктары, педагогикалык ишмердүүлүккө чыгармачылык жана инновациялык мамилеси, колледждин өнүгүшүнө чыгармачыл салым кошкондуктары үчүн өндүрүштүк окутуу боюнча директордун орун басары А.Э.Алыбаева, АТТТО НКББПнын жетекчиси Э.А.Чакаев, кадрлар боюнча испектор Ж.Д.Дуйшоналиева колледждин Ардак грамотасы менен сыйланышты.

   Ал эми «Жылдын мыкты кызматкери-2024» номинациясына эмгекке дилгирлиги, эмгекчилдиги,  университеттин жана колледждин коомдук иштерине активдүү катышкандыгы үчүн Ш.М.Арунов, «Жылдын мыкты окутуучусу-2024» номинациясына ак ниетүү эмгектенгендиктери, эмгекчилдиктери, чыгармачыл, ишке позитивдүү мамиле кылгандары, университеттин жана колледждин коомдук иштерине активдүү катышкандыктары үчүн студенттердин көзү менен жогорку баага татыктуу болушкан колледждин окутуучулары Т.М.Аспердиев, Н.Д.Мырзабаева, Э.А.Койчуманов ээ болушту.

   Ошондой эле студенттер арасында да мыктылар аныкталды:

• «Жылдын мыкты студенти – 2024» - А.Токсанбаева (тайпасы КМТШИ9-2-22).
• «Жылдын мыкты старостасы – 2024» - У.Сагынова (тайпасы ТОР9-1-22).
• «Жылдын мыкты тайпасы – 2024» - ТОСВТ9-3-20 (бөлүм башчы Ж.Н.Нуржанова).
• «Жылдын мыкты активисти –2024» - А.Ранатова (тайпасы ТОСВТ9-2-23).
• «Жылдын мыкты координатору–2024» - А.Турдубаева (тайпасы КМТШИ9-3-23).

    Колледжде жаңы жылдык маанай жараттуу, студенттер арасында баарлашууну, кызыкчылыктарды, чыгармачылык ой жүгүртүүнү өнүктүрүүгө көмөктөшүү, өз өнөрлөрүн жана таланттарын көрсөтүүгө мүмкүнчүлүк берүү максатында, жаңы жылдык сынактар: курстар арасында  «Эң мыкты фотозона», тайпалар арасында кабинеттерди «Жаңы жылдык жасалгалоо» номинациялары  уюштурулду.

   Эң мыкты фотозона» номинациясында 3-курстун студенттерине директордун атынан 2000 сом, ал эми «Жаңы жылдык жасалгалоо» номинациясында ГРАН-ПРИнин жеңүүчүлөрү ТОРАТ9-2-24 тайпасына 5000 сом акчалай сыйлыктары жана дипломдор берилди.

    Мындан сырткары, 1,2,3-орунду алгандарга дипломдор, ыраазычылык каттар жана жаңы жылдык белектер ыйгарылды.

• 1-даражадагы диплом - «Жаңы жылдык жасалгалоо» номинациясында – МТШИ9-2-24 тайпасы.
• 2-даражадагы диплом - «Жаңы жылдык жасалгалоо» номинациясында – ТОСВТ9-4-24 тайпасы.
• 3-даражадагы диплом - «Жаңы жылдык жасалгалоо» номинациясында – КМТШИ9-3-24 тайпасы.
• Ыраазчылык кат - «Жаңы жылдык жасалгалоо» номинациясында – ЭС11-1-24 тайпасы.
• Ыраазчылык кат - «Жаңы жылдык жасалгалоо» номинациясында – ТОСВТ9-1-24 тайпасы.
• Ыраазчылык кат - «Жаңы жылдык жасалгалоо» номинациясында – КМТШИ9-1-24 тайпасы.
• Ыраазчылык кат - «Мыкты фотозона» номинациясында – 2-курстун студенттери.

     Студенттик өз алдынча башкаруу кеңешинин мүчөлөрү: З.Нурбековага, Л.Назарова, М.Наркозуевага, Б.Сагынбековго, А.Улановго, Г.Кыргызбаевага, Б.Байызовго, А.Асановго, Ж.Кочкорбековага, А.Темирбековага университеттин жана колледждин коомдук иштерине активдүү катышкандыктары үчүн ыраазчылык каттар жана жаңы жылдык белектер тапшырылды.  

Жогорудагы сыйлык ээлерин чын дилибизден куттуктайбыз!

Жалпы колледждин кызматкерлерине жана  билим алып жаткан студенттерине жаңы жылдык жаркын маанай каалайбыз!

    Кыргыз Республикасынын Президенти С.Н. Жапаровдун 2022-жылдын 22-майдагы №157 «Улуттук нарк жөнүндө» Жарлыгына жана Кыргыз Республикасынын Билим берүү жана илим министрлигин 2024-жылдын 10-сентябрынын №1404/1 Мамлекеттик тилдин үч айлыгын жарыялоо жөнүндөгү буйругуна ылайык, И.Раззаков атындагы КМТУнун Политехникалык колледжинде үч айды камтыган “Кыргыз тили фестивалы-2024” жыл сайын өткөрүлөт. Аталган фестивалдын алкагында 2024-жылдын 16-декабрында 1-курстун студенттери арасында китеп окуу сынагы жыйынтыкталды.

   Иш-чаранын негизги максаты — студенттердин адабий өнүгүүсүнө өбөлгө түзүп, алардын кыргыз тилинде эркин сүйлөөсүнө, руханий жактан баюусуна, ой-жүгүртүүсүн кеңейтүүгө жардам берүү.   Китеп окуу сынагы — бул билим берүү тармагында мамлекеттик тилди өнүктүрүүгө багытталган маанилүү иш-чаралардын бири болуп, аңгемелердин философиялык тереңдигин жана социалдык маанисин түшүнүүгө, алардын ичинен өзгөчө чыгармаларга болгон кызыгууну арттырууга жана улуттук баалуулуктарды өстүрүүгө багытталган.

   Сынакта студенттерге коомчулуктун катмарларын сүрөттөгөн, таалим тарбиялык мааниси терең, адамдын ички дүйнөсүндөгү өзгөрүүлөрдү чагылдырган, белгилүү жазуучу, публицист, илимпоз, калемгер Бейшенбай Усубалиевдин «Он», «Жүрөк сууга агып баратат», «Баштар», «Ак жака», «Чымчыктар сайрайт» аңгемелери бир ай мурун 1-курстун студенттерине (363 студент) окууга сунушталган.

    Сынактын жүрүшүндө студенттер өзү тандаган аңгемелерден көркөм окуп, сүрөт аркылуу көз-караштарын айтып беришти, чыгармадан үзүндү көрсөтүп, окутуучуларга, студенттерге, өзгөчө авторго жаркыраган таасир калтырышты. Алар аңгемелердин маанисин талдап, чыгарманын авторунун идеясын түшүнүүгө аракет кылышты жана иш-чарага катышкан, аталган аңгемелердин автору, филология илимдеринин доктору, профессор, Эл аралык Айтматов академиясынын академиги, Кыргыз Республикасынын Жазуучулар союзунун мүчөсү Бейшенбай Шенкеевич Усубалиевге суроолорун берип, кызыктуу маек курушту.

   Калыстар тобу жеңүүчүлөрдү аныктоодо кыйынга турду, көпкө созулган талкуудан кийин, өзгөчө жигердүү катышкан   КМТШИ9-1-24, КМТШИ9-2-24, КМТШИ9-3-24, ЭС9-1-24, ОПУТ9-1-24, ЭССС9-1-24, ТОРАТ9-1-24 топторуна ыраазычылык билдиришти.

     Студенттер  жогоруда аталган чыгармалардын өзгөчөлүктөрүн түшүнүү жана талдоо аркылуу студенттер алардын мазмунун тереңирээк баалап, адабий дүйнөгө болгон кызыгуусун арттырат жана адамгерчиликтин баалуулуктарын өркүндөтүшөт  деп ишенебиз.

                Иш-чарага катышып, студенттерге дем күч, шык берген, ардактуу агайыбыз Бейшенбай Шенкеевичтин талантына, эмгектерине таазим этип, чыгармачылык эргүүлөрдү, ийгиликтерди каалайбыз! Улуттук адабиятыбыздын өнүгүшүнө чоң салым кошуп, чыгармачылык жолундагы жогорку жетишкендиктери жана терең акыл-ою студенттер үчүн чоң үлгү болуп калат.

Ошондой эле студенттерге багыт берип, даярдаган, эмгеги зор окутуучуларыбыз Ч.Айтматов атындагы Тил жана адабият институтунун азыркы кыргыз тили бөлүмүнүн башчысы, филология илимдеринин кандидаты Д.А.Исраиловага жана ушул эле институттун илимий кызматкери Н.Д.Мырзабаевага терең ыраазычылык билдиребиз! Бул иш-чаранын уюштурулуусу жана анын ийгиликтүү өтүшү — окутуучулардын чыгармачыл эмгегинин жана жогорку жоопкерчиликтүүлүгүнүн натыйжасы.

   Кыргыз Республикасынын Президенти С.Н. Жапаровдун 2022-жылдын 22-майдагы № 157 «Улуттук нарк жөнүндө» Жарлыгынын жана 2021-2025-жылдары мамлекеттик тилди өнүктүрүү жана тил саясатын өркүндөтүү программасынын алкагында, И.Раззаков атындагы КМТУнун  С. Жусуев атындагы Мамлекеттик тил борбору тарабынан уюштурулган «Айтматов ааламы» жана «Алыкул Осмоновдун лирикасы» аталышындагы адабий иш-чарага №1 жатакананын студенттери (КМТУнун Политехникалык колледжинин студенттери) катышып, өнөрлөрүн көрсөтүштү.

   Иш-чарада Алыкул Осмоновдун лирикасынан көркөм окуган студенттер: Азаматов Абдурашид, Акунова Элина, Жоошбекова Гүларида жана Дилдебаев Сыргабек акчалай сыйлыктарга ээ болушту. Ошондой эле, Ниязов Нурболот, Жетимишбаев Абдужалил, Абдижапаров Аскат, Муктарбеков Байыш залкар жазуучу Чыңгыз Айтматовдун «Эрте келген турналар» чыгармасынан үзүндү көрсөтүү менен кыргыз адабиятынын терең дүйнөсүн ачышты.

   Адабият - улуттун руханий байлыгы, ал кыргыз элинин тарыхы, маданияты жана келечеги.

Бардык жигердүү катышкан студенттерге ийгилик каалайбыз!

Улуттук адабиятыбызды ар дайым өркүндөтүп, алга жылдырууга салым кошуп жүрө бериңиздер!

   2024-жылдын 6-декабрында И.Раззаков атындагы КМТУнун Политехникалык колледжинде «Зордук-зомбулукка каршы 16 күн» эл аралык кампаниясына арналган сессия өткөрдү. Бул кампания 2024-жылдын 25-ноябрынан 10-декабрына чейинки мезгилди камтып,  айымдарга жана кыздарга карата зомбулук көйгөйү боюнча коомчулуктун маалымдуулугун жогорулатуу, ошондой эле анын алдын алуу жана жоюу үчүн шарттарды түзүү максатын көздөйт.

Иш-чаранын жүрүшүндө төмөнкүдөй маанилүү маселелер талкууланды:

- айымдардын жана кыздардын укуктарын коргоо боюнча Кыргыз Республикасынын мыйзамдары;

- зордук-зомбулуктун ар кандай түрлөрү: физикалык, эмоционалдык жана сексуалдык;

- зордук-зомбулукка каршы күрөшүүдө билим берүүнүн жана коомчулуктун ролу;

- зордук-зомбулуктан жабыркагандардын жардам алуу жолдору;

- аялдардын укуктарын жана жабырлануучуларды коргоо ыкмаларын чыңдоодо билим берүүнүн жана социалдык колдоонун ролу ж.б.

     Сессияда студенттерге сыйлоо, теңчилик жана өз ара жардамдашуу маданиятын өнүктүрүүгө багытталган маалымат материалдарын берүү менен лекциялар, викториналар, талкуулар болду.

     Өзгөчө белгилей кетүүчү нерсе, бул иш-чарага колледждин студенттери активдүү катышып, маанилүү социалдык маселени чечүүгө болгон кызыгуусун көрсөтүшүп, студенттерибиздин аң-сезими бир топ жогорулады.

    Зордук-зомбулукка каршы 16 күн өнөктүгү дүйнѳдѳгү зомбулукка каршы күрөшүүдѳгү социалдык секторлордун күч-аракеттерин бириктирүүнүн маанилүүлүгүн көрсөтүү жана келечекте аны алдын алуу менен бирге ар бир адам, өзгөчө студенттер бул күрөштө өзүнүн ролун түшүнүшү үчүн өткөрүлүүдө.

    Колледждеги «Кыздарга жана айымдарга карата зомбулукка каршы 16 күн» сессиясы иш-аракет үчүн гана эмес, ошондой эле дүйнөнү аялдар жана кыздар үчүн коопсуз жерге кантип айландыруу жөнүндө ойлонууга уникалдуу мүмкүнчүлүк берет. Ар бир кадам: зордук-зомбулуктун курмандыгын колдоо, укуктук жана социалдык чаралар жөнүндө маалымат таратуу, же агартуу иш-чараларына катышуу, коопсуз коомду түзүү үчүн маанилүү экендигин студенттерге түшүндүрѳт.

 Эң негизгиси аялдар менен кыздар зордук-зомбулуксуз коопсуздукта, сый-урматта жашай ала турган дүйнөнү түзүү биздин колубузда экенин эстен чыгарбоо керек.

 Сессиянын аягында биздин студенттер эң маанилүү ураандар менен чыгышты:

#Сен таза болсоң, мен таза болсом, коом да таза болот!

# Кодулоо эмес, жардамга колунду сун!

# Зордук-зомбулукка жол ЖОК -  Эркиндикке жана урматтоого гана жол ачык!

#Сиздин күчүңүз боорукердикте - агрессияда эмес!

#  Оорунун куралы эмес, тынчтыктын үнү бол - Адамзат үчүн зордук-зомбулукка жол жок!

Кыргыз Республикасынын Билим берүүнү өнүктүрүү ассоциациясынын аткаруучу директору Баширова  Масума Ильясовнага “Айымдарга жана кыздарга карата зомбулукка каршы 16 күндүк активдүү акция” сессиясын уюштуруп, өткөргөндүгү үчүн терең ыраазычылык билдиребиз!

    2024-жылдын ноябрында И. Раззаков атындагы КМТУнун Политехникалык колледжинин окуу корпусунда “BUSINESS DAY” студенттик жарманкеси старт алды! Жарманке салтанаттуу түрдө И.Раззаков атындагы КМТУнун ректору Чыныбаев Мирлан Койчубековичдин жана жеңил өнөр жай тармагына зор салым кошкон кадырлуу коноктордун лента кесүү аземи менен башталды.

    “BUSINESS DAY” студенттик жарманкесинде “Тигүү буюмдарын конструкциялоо, моделдештирүү жана технологиясы” адистигинин 1-3-курстардын студенттери “Калдыктардан киреше” долбоорунун негизинде тигүү цехтерден чыккан калдыктардан жасалган кол өнөрчүлүк буюмдарын: терезе пардолор, чач жасалгасы үчүн аксессуарлар, косметика салгычтар, кийимдер, баштыктар, жаздыктар, төшөктөр, оюнчуктар, гүлдөр ж.б. түрдүү буюмдарды сунушташты.     “BUSINESS DAY” студенттик жарманкесинин башкы максаты - студенттерди практика жүзүндө даярдоо жаатында мүмкүнчүлүктөрдү кеңейтүү, өз алдынча киреше табууга үйрөтүү, тажрыйба топтоо менен жаңы перспективаларды ачуу жана кесипкөйлүүлүгүн жогорулатуу.    

      Аталган жарманкенин майрамдык бөлүгүн «Студенттик жөрөлгө» күнүнүн салтанаттуу аземи коштоду. Салттуу түрдө 1-курстун студенттеринин ант берүүсү, желек тапшыруусу, укук тартиби отрядынын анты,  шаңдуу көңүл көтөргөн ыр-бийлер, флешмоб ж.б. музыкалык номерлерди жана негизгиси сынак китепчелерди, студенттик билеттерди тапшыруу аземин камтыды. 1-курстагы студенттер үчүн бул азем алардын студенттик турмушуна расмий кирүүнүн жана жаңы билим алуунун, кесиптик чөйрөгө кадам таштоонун маанисин туюнтту.

     Мындан тышкары колледжде жаңы окуу-өндүрүштүк-тигүү устаканаларынын жана  мультимедиялык компьютердик классынын ачылышы болду.

    Бул окуу-өндүрүштүк-тигүү устаканаларына учурдун талабына ылайык заманбап 31 даана жарымавтовматтык жана 2 даана автоматтык тигүү машиналары коюлду. Устаканаларды пайдалануунун мындан аркы пландарында – сабактардын алкагында практикалык жана лабораториялык сабактарга, курсттук иштерге, дипломдук долбоорлорго даярдануу үчүн студенттерге өз алдынча иштөөгө кеңири мүмкүнчүлүк  түзүп берүү.

     Ал эми жаңы мультимедиялык компьютердик класска 30 даана акыркы үлгүдөгү заманбап, күчтүү компьютерлер коюлуп,  студенттердин маалыматтык технологиялык билимин жана көндүмдөрүн өркүндөтүүгө, окутуучулардын сабак өтүү ыкмаларын кеңейтүүгө өбөлгө болот. Класстын ачылышында колледждин бүтүрүүчүлөрү, азыркы учурда окуу мастерлер Н.Бейшеналиева жана С.Яншанло графикалык планшеттерди компьютерлерге туташтырып, Corel Drow программасында планшеттин жардамы менен жасаган графикалык иштерин, эскиздерин көрсөтүп беришти. Ошондой эле планшеттин конструктор-модельерлер үчүн техникалык татаал чиймелерди түзүүдө өзгөчө маанилүү болгон ар бир сызыкты, ар бир форманы көзөмөлдөөгө болорун, түзөтүүлөрдү кыска мөөнөттө киргизүүнү камсыз кыларын, компьютерлерге жана программаларга өткөрүп берүү ыңгайлуулугун белгилеп өтүштү.

     Бул жаңы мүмкүнчүлүктөр окуу жайдын кесиптик даярдыктагы жогорку деңгээлин жана инновациялык мамилесин көрсөтсө,  “BUSINESS DAY” студенттик жарманкеси мындан ары да өз ишин улантып, мыкты жетишкендиктерге жетет деп ишенебиз!

    Ошондой эле жарманкеге катышкан бардык катышуучуларга жана өзгөчө жеңил өнөр жай тармагына зор салым кошкон кадырлуу конокторго Кыргыз Республикасынын “Легпром” ассоциациясынын президенти Асанов Сапарбек Жекшебаевичке, Кыргыз Республикасынын билим берүүнү өнүктүрүү ассоциациясынын аткаруучу директору Баширова Масума Ильясовнага, “УЛУТ Текстиль” ЖЧКнын директору Алымкулов Азамат Таалайбековичке, “AZIAR” тигүү фабрикасынын директору Жаналиева Гульзат Сатаровнага, “А-эвентс” ЖЧКнын директору Алыбаева Канайым Абласовнга, «DILBAR» мода үйүнүн дизайнери Баусанова Гаухар Тулепбергеновнага, «DILBAR» мода үйүнүн менеджери Молдогазиева Аида Кылычбековнага жарманкеге катышып, көркүн ачып бергениңиздер үчүн терең ыраазычылык билдиребиз!

   Мамлекеттик тил күнүнүн 35 жылдыгына жана Алыкул Осмоновдун 100 жылдыгына утурлай, 3 айды камтыган Кыргыз тили фестивалынын алкагында 25-сентябрь, 8-октябрь күндөрү И.Раззаков атындагы КМТУнун Политехникалык колледжинин 1-курсунун 400дөй студенти окутуучулардын, координаторлордун коштоосу менен Шаршен Термечиков атындагы Чүй облусттук музыкалык драма жана сатира театрында Медетбек Сейталиевдин улуу акын Алыкул Осмоновдун тагдырын баяндаган “...жолугушчу жолдор бар...” чыгармасынын негизинде коюлган спектаклге барышты.

     2024-жылдын 10-сентябрында Франциянын Лион шаарында WorldSkillsInternationalэл аралык жумушчу кесиптердин чемпионаттынын расмий ачылыш аземи болуп, 12500 көрүүчү катышты жана улуттардын парады көрсөтүлдү. Чемпионат 15-сентябрга чейин өткөрүлдү. Кыргызстан 2023-жылы WorldSkills International уюмуна 86-өлкө болуп кирди жана чемпионатка Кыргызстандан биринчи жолу WorldSkills Kyrgyzstan жумушчу кесиптердин улуттук чемпионатынын “Ширетүүчүлүк, ашпозчулук жана мода технологиясы” боюнча жеңүүчүлөрү катышышты.

     WorldSkills – бул эл аралык коммерциялык эмес ассоциация, анын максаты жумушчу кесиптерди жайылтуу, кесиптик даярдоонун жана квалификациянын статусун жана стандарттарын жогорулатуу.

    Аталган World Skills International эл аралык чемпионаттында И.Раззаков атындагы КМТУнун Политехникалык колледжинин окутуучусу Аманова Нурзада Суйуналиевна мода технологиясы боюнча улуттук эксперт болуп, дүйнө жүзүндөгү конструктор-модельерлердин катарын толуктады. “Мода технологиялары” компетенциясы боюнча дүйнөнүн 26 өлкөсүнөн катышкан катышуучуларды төрт модулдун негизинде баалашты: моделдөө, эскиз, лекалдарды даярдоо жана үлгүлөрдү тигүү.

  Ар бир эксперт - кесиптик компетенцияларды баалоо боюнча ишти жүзөгө ашыруу үчүн жетиштүү кесиптик квалификацияга (белгилүү бир чөйрөдөгү билимге жана тажрыйбага) ээ болгон адис жана World Skills боюнча чеберчиликтин, кесиптин кайсы бир тармагы болбосун тажрыйбасы мол, кесиптик конкурска катышуучу өлкөнүн атынан барган компетентүү инсан.

   Ошол инсандардын катарында, колледждин алдыңкы окутуучусу Н.С.Аманованын көп кырдуу, таланттуу, өз ишин мыкты билген чыныгы кесипкөй инсан, жеңил өнөр жайын өнүктүрүүгө кошкон салымы, ар тараптуу сабактары, лекциялары, практикалык иштери жана жетишкендиктери талашсыз деп айтууга болот, эң негизгиси анын "мода технологиясы" компетенциясындагы World Skills International эл аралык мелдешиндеги негизги ролун баса белгилегибиз келет. Эмгек жолунда көптөгөн студенттерге өзгөчө кыздарга кесиптик багыт, шык берип,  эмгек рыногунда суроо-талапка ээ болгон атаандаштыкка жөндөмдүү конструктор-модельерлерин даярдап чыгарды.

    Окутуучулук иш тажрыйбасы, эмгекчилдиги, жоопкерчилиги, ишмердүүлүккө чыгармачылык менен мамиле кылуусу, токтоп калбоого болгон каалоосу кесиптик чөйрөдө өзүнүн ишин ишке ашырууга мүмкүндүк берип, учурда эл аралык мелдештин эксперти болгондугу колледж үчүн өзгөчө сыймык.

     2024-жылдын 4-октябрында Мугалимдер күнүнө карата И.Раззаков атындагы КМТУнун (Исанов кампусу) чоң жыйындар залында билим берүү кызматкерлерине арналган майрамдык салтанаттуу иш-чара уюштурулду.

   Аталган иш-чарада КМТУнун Политехникалык колледжинин окутуучулары Н.С.Аманова жана Ч.С.Абдылдаев Кыргыз Республикасынын Билим берүү жана илим министрлигинин көп жылдык үзүрлүү эмгеги, ийгиликтери, келечектин муундарын окутуп тарбиялоодогу жетишкендиктери жана билим берүү тармагына кошкон зор салымы үчүн  Ардак грамотасы  менен сыйланышты.

   Ошондой эле КМТУнун Политехникалык колледжинин окуу иштери боюнча директордун орун басары Ж.А.Оморова өсүп келе жаткан муундарга татыктуу билим жана тарбия берүүдөгү ак ниеттүү үзүрлүү эмгектери үчүн Биринчи Май администрациялык району боюнча Бишкек шаарынын Мэриясынын муниципалдык администрациясынын Ардак грамотасы  менен, ал эми РТТТО НКББПнын жетекчиси А.А.Оморова алкыш барагы менен сыйланышты.

Урматтуу биздин кесиптештер, сыйлык ээлери!

Сиздердин бул сыйлыктарыңыздар ар дайым мындан аркы ийгиликтерге стимул болуп, күчтүү жана амбициялуу адам экениңиздерди эскертип турсун! Сиздерге бекем ден соолук, жакындарыңыздын колдоосун, ишенимин жана жашоодо бакубатчылыктарды каалайбыз!

Мындан ары да ийгиликтериңиздер көбөйүп, кайталана берсин!

► 2024-жылдын 21-июнунда КМТУнун Политехникалык колледжинде И.Раззаков атындагы КМТУнун 70 жылдыгына арналган иш-чаралардын алкагында «Микроконтроллерлерди, электроника жана схемаларды программалоонун негиздери» негизги кесиптик билим берүү программаларында (OПОП) "Радиоэлектрондук техникаларды техникалык тейлөө жана оңдоо (тармактар боюнча)" (ТОР) жана "Эсептөө техникаларынын жана компьютердик тармактардын каражаттарын техникалык тейлөө" (ТОСВТ) багыттарына керектүү  жаңы лабораториянын ачылыш аземи болуп өттү.

►  Лабораторияда сунушталган жаңы окуу-лабораториялык стенддер логикалык ой-жүгүртүүнү жана эске сактоо элементтеринин иштөө принциптерин изилдөө жана санариптик схеманын негиздерин үйрөнүү боюнча көндүмдөрдү алуу үчүн арналган.  Стенддер «Схемотехника», «Микропроцессорлор жана микроконтроллерлор», «Электроника» жана башкалар сыяктуу бир катар дисциплиналарды изилдөө үчүн колдонулат.

►  Ачылышта «РТТТО» НКББПнын жетекчиси Оморова А.А. лабораторияда болгон негизги техникалык мүмкүнчүлүктөрдү жана технологияны көрсөттү: 

• заманбап электрондук схемаларды, тетиктерди, приборлордун жана системалардын прототиптерин иштеп чыгуу жана сыноо;
• «Arduino» ийкемдүү программалык-аппараттык интерфейсин колдонуу менен микроконтроллерлерди жана интерактивдүү объекттерди изилдөө;
• электроника жана робототехниканы өздөштүрүү, ошондой эле студенттик долбоордун идеяларын ишке ашыруу ж.б.

► Электроника – бул теориялык билимди гана эмес, аналогдук жана санариптик электроникага тиешелүү заманбап электрондук жабдуулар жана технологиялар менен иштөө боюнча алдыңкы практикалык көндүмдөрдү талап кылган тармак. Мындай лабораторияларга инвестициялар студенттерге алардын кесиптик ишмердигин ийгиликтүү баштоо үчүн зарыл болгон баа жеткис практикалык тажрыйбага ээ болууга мүмкүндүк берет.

► И.Раззаков атындагы КМТУнун ректору  Чыныбаев М.К. ѳз сөзүндө электроника адистерин даярдоо чоң материалдык-техникалык чыгымдарды гана талап кылбастан, бул тармакта бир гана КМТУда иштеген квалификациялуу кадрларды да талап кылаарын белгиледи. Мирлан Койчубекович биздин колледж республикадагы РТТТО НКББП боюнча орто кесиптик адистерди даярдаган жалгыз окуу жай экенин белгилеп, окуу жайдын орто кесиптик билимдеги адистерди даярдоодогу ийгилигине жогору баа берип, колледждин окутуучулар жамаатына ыраазычылык билдирди.

► Лабораториядагы илимий изилдөөлөрүбүз жана иштеп чыгууларыбыз жаңы технологияларды жана интеллектуалдык чечимдерди түзүүгө алып келет, алар биздин окуу-изилдөө базабызды бекемдеп гана тим болбостон, атаандаштыкка жөндөмдүү бүтүрүүчүлөрдү даярдоого жана бул тармакты өнүктүрүүгө чоң салым кошот деп ишенебиз.

Баарыңыздарды биздин жетишкендиктерибизге көз салып, келечектеги иш-чараларга катышууга чакырабыз!

    10-июнда Жеңил өнөр жай кызматкерлеринин күнү белгиленди. Жеңил өнөр жайы экономиканын бирден бир артыкчылыктуу тармактарынын бири болуп эсептелет.  Аталган тармак боюнча И.Раззаков атындагы КМТУнун Политехникалык колледжи дагы, көптөгөн ийгиликтүү, кесипкөй адистерди даярдап чыгарып келет. Бүгүнкү күндө аталган тармак боюнча колледжди жалпысынан 1000ге жакын студент бүтүрүштү, алар жеӊил өнөр жай жана жеке өндүрүштөр үчүн кийимдерди моделдештирүү, конструкциялоо, тигүү буюмдарын кайра иштетүү менен алектенишип, өлкөбүздүн экономикасынын өнүгүшүнө салым кошуп келе жатышат.

     Ал эми азыркы учурда колледжде билим алып жаткан студенттер жеӊил өнөр жай тармагы боюнча көптөгөн ар түрдүү сынактарга, фестивалдарга, көргөзмөлөргө, долбоорлорго, WorldSkills мелдештерине (регионалдык, улуттук, Евразиялык) катышып, алдыӊкы орундарга ээ болушууда. Албетте, мындай студенттердин ийгиликтүү болушуна түздөн-түз себеп болгон колледждин башчылыгы түзүп берген шарттарын, мүмкүнчүлүктөрүн жана окутуучулардын, насаатчылардын зор эмгектерин баалабай кое албайбыз.

    «Эмгек жерде калбайт» демекчи, колледждин директору, доцент, т.и.к. Турусбекова Нурайым Курманбековна Жеңил өнөр жай кызматкерлеринин күнүнө карата, текстиль жана тигүү өнөр жайын өнүктүрүүгө кошкон зор салымы үчүн Кыргыз Республикасынын жеңил өнөр жай ишканаларынын «Легпром» ассоциациясынын медалы жана ардак грамотасы менен сыйланды. Аталган сыйлыктар көп жылдык талыкпаган эмгектин натыйжасын, колледждин дагы бир маанилүү көрсөткүчүн баса белгилеп турат.

Урматтуу Нурайым Курманбековна! Сизди татыктуу сыйлыкка ээ болушуңуз менен куттуктайбыз! Мындан ары да татаал жана жооптуу ишиӊизде ийгиликтерди каалоо менен бирге, масштабдуу максаттарыӊыздын тезирээк ишке ашышын тилейбиз!

Ошондой эле жеӊил өнөр жай тармагы боюнча билим берген биздин кесипкөй кесиптештерибиз, окутуучуларыбыз: Нурзада Суйуналиевнаны, Рахат Карыйбековнаны, Асел Суюмбаевнаны, Анар Аскарбековнаны, Алина Кенешовнаны жана Минура Исаковнаны  да кесиптик майрамы менен куттуктап, иштерине албан-албан ийгиликтерди каалайбыз!

Колледж сиздер менен ар дайым сыймыктанат!

    25-майда USAIDдин ишкердикти жана бизнес чөйрөсүн өнүктүрүү долбоорунун колдоосу жана “Айлин” фабрикасы менен биргеликте Текстилди өнүктүрүү борбору (ТӨБ) тарабынан “Fashion Hackathon 2024” долбоору уюштурулду.

    “Fashion Hackathon” – бул Кыргыз Республикасындагы биринчи жана уникалдуу долбоор. Анын негизги миссиясы жана милдети жаш кадрлардын беделин (имидж) көтөрүү жана даярдоо деңгээлин жогорулатуу, ошондой эле өлкөнүн текстиль жана тигүү тармагын өнүктүрүүгө салым кошкон таланттарды аныктоо.

  Бул долбоорго И.Раззаков атындагы КМТУнун Политехникалык колледжинин окутуучусу Аманова Нурзада Суйуналиевнанын жетекчилиги астында “Тигүү буюмдарын конструкциялоо, моделдештирүү жана технологиясы адистиктеринин” студенттери Асангожоева Бурулкан, Садиева Ясмин, Ренадов Аймир катышышты. Ар кайсы окуу жайлардан (университет, лицей, колледж) тандалып алынган 36 конкурсанттын (дизайнерлер, конструкторлор, технологдор) ичинен, ТӨБнүн эксперттери тарабынан 10 команда түзүлдү.

  Биздин колледждин студенттери төмөндөгүдөй жемиштүү жетишкендиктерге жетишишти:

•  Садиева Ясмин (түзүлгөн команданын курамында) 1-орун  + 1500$ өлчөмүндөгү акчалай сыйлык;
•  Ренадов Аймир (түзүлгөн команданын курамында) “Технологдордун мыкты командасы" номинациясында сертификат + 10000 сом өлчөмүндөгү акчалай сыйлык;
•  Асангожоева Бурулкан долбоорго активдүү катышкандыгы үчүн сертификат.

    Мындай долбоорлордун натыйжасы катышуучулар үчүн өзгөрүп турган заманбап коомдун социалдык-экономикалык шарттарында өздөрүн кесипкөй, чыгармачыл, атаандаштыкка жөндөмдүү адис катары сыноого, алган билимдерин, көндүмдөрүн жемиштерин татууга чоӊ мүмкүнчүлүк түзүп берди.

    Белгилей кетсек, 1-орундун жеӊүүчүлөрү тарабынан тигилген кийимди Jannat Regency мейманканасынын кызматкерлери киймекчи.

Бардык катышуучуларды жана өзгөчө биздин колледждин студенттерин, жетекчиси Нурзада Суйуналиевнаны бул жетишкендиктери менен куттуктайбыз! Мындар ары да көптөгөн ийгиликтерди багындыра бергиле демекчибиз.

Ал эми  “Fashion Hackathon 2024” долбоорунун уюштуруучларына тереӊ ыраазычылык билдиребиз!

► И.Раззаков атындагы КМТУнун Политехникалык колледжинин студенттери «Таза колледжи» акциясынын алкагында колледждин айланасында ишембилик өткөрүштү. Студенттик активисттер тарабынан уюштурулган ишембилик жаштардын демилгесинин жана жоопкерчилигинин жаркын үлгүсү болуп калды.

►  Белгилей кетчү нерсе, мындай демилгелер окуу жайда жайлуу,ыңгайлуу  шарттарды түзүүгө гана жардам бербестен, окуучуларга тазалыктын жана тартиптин баалуулугун үйрөтөт. Мындан тышкары ишембиликтер жаштардын коомдук активдүүлүгүн, жарандык аң-сезиминин өсүүсүнө салым кошот.

► Мындай иш-чаралар салтка айланып, үзгүлтүксүз өткөрүлүп турса деген ишеничтебиз. Бул колледж кампусун таза жана тыкан кармап гана тим болбостон, студенттерге жалпы баалуулуктардын жана идеялардын айланасында студенттик коомчулукту бириктирүүгө мүмкүндүк берет.

 2024-жылдын 30-апрелинде И.Раззаков атындагы КМТУнун Политехникалык колледжинде “БИЛИМ ДЕКАДАСЫ – 2024”  алкагында “КЕСИП ЧЕМПИОНАТЫ – 2024” аталыштагы студенттердин транспорт, электроника, жеңил өнөр жай жана электр энергетикасы, индустриалдык электр энергетикасы боюнча иштеринин жана долбоорлорунун бет ачары менен аяктады.

- Биздин студенттер өздөрүнүн жөндөмдүүлүктөрүн, чыгармачылык жана инновациялык идеяларын көрсөтүштү, бул келечектеги техниктер үчүн ѳтѳ маанилүү.

- Студенттер көргөзмөнүн конокторун өздөрүнүн долбоорлорунун натыйжалары жана долбоордук иш-чараларда колдонулган куралдар менен тааныштырышты. Эскерте кетсек, окуу жыл ичинде «КЕСИП ЧЕМПИОНАТЫ-2024» алкагында студенттер насаатчыларынын жетекчилигинин астында командаларда өздөрүнүн долбоордук идеяларын ишке ашыруунун үстүндө иштеп, тандалган тармактын учурдагы көйгөйлөрүнүн жана мүмкүнчүлүктөрүнүн өзгөчөлүктөрүнө сүңгүп киришти.

Студенттер колледжде түзүлгѳн калыстар тобунун  жана  коомчулуктун астында өздөрүнүн долбоорлорун  коргоп технологиялык өнүгүүлөрүн этап-этабы менен көрсөтүштү, алардын эң мыктылары финалдык баскычка өттү.

- Көргөзмөдө эң мыкты инновациялык долбоорлор көрсөтүлдү:

Студенттик долбоор "Калдыктарды кирешеге айлантуу". Авторлору:  ТБКМТ НКББПнын студенттери Алмазбекова Т.А., Мелисова А.А., Сапарбекова А.С., Нажиева А.Н. жана башкалар.

Жетекчиси:  И.Раззаков атындагы КМТУнун Политехникалык колледжинин директору Турусбекова Н.

"Шамал электр станциясы (ВЭС)" модели. Авторлору: ЭССС9-1-22 тайпасынын студенттери Дүйшөбеков Э.Т., Жунушалиев К.Н., Чекиров С.Н., Макеев Б.А., Мокушев Б.Р., Күмүшбеков М.Б.

Жетекчилери: И.Раззаков атындагы КМТУнун «Электр энергетика»  кафедрасынын доценти.   Калматов У.А., колледждин окутуучусу Абдиева А.Б.

«Чакан ГЭСтин» макети. Автору: ЭССС9-1-21 тайпасынын студенти Кубанычбеков Д.М.   

 Жетекчилери: И.Раззаков атындагы КМТУнун «Электр энергетика» кафедрасынын доценти.   Калматов У.А., колледждин окутуучусу Абдиева А.Б.

"Күн электр станциясы" модели.

Авторлору: ЭССС9-1-22 тайпасынын студенттери Касымов Б.Д., Шарапов А.М.

Жетекчилери: И.Раззаков атындагы КМТУнун «Электр энергетика» кафедрасынын доценти.   Калматов У.А., колледждин окутуучусу Абдиева А.Б.

« Honda Fit 1.3 үлгүсүндѳгү автоунаанын мотору»

Авторлору: ТОРАТ 9-1-22 тайпасынын студенттери Акылбеков С.А., Басалаев А.Д., Гончаров М.М., Курочкин Д.А., Фазылов Д.А., Чепенко Д.С.                

Жетекчилери: колледж мугалимдери Чакаев Э.А., Дүйшөбеков А.Т.,   И.Раззаков атындагы КМТУнун «Транспорт жана робототехника»кафедранын окутуучусу. Бопушев Р.Т.

«Пневматикалык прессти колдонуу менен пластмассадан брусчаткаларды жасоо боюнча экодолбоор» модели.                                                 

Авторлору: ТОСВТ 9-1-22 тайпасынын студенттери Сериков Алибек, Сериков Алихан, Омаралиев Р.О. Жетекчиси: колледж мугалими Алибаева Г.К.

"Алыстан үн башкаруусу бар акылдуу үй" макети. Авторлору: ТОСВТ 9-2-22 тайпасынын студенттери: Хасадов А.Е. Кострубов Н.С., Автандилов М.Ж. Жетекчиси: колледж мугалими Алибаева Г.К.

"Видео байкоо системасы" макети                                       

Авторлору: ТОР9-1-21 жана ТОР9-2-21 тайпаларынын студенттери  Алиев У.М., Уезбаев К.М., Керимбаев А.Т.. Жетекчиси: РПО РМТР ААКнын биринчи категориядагы инженери Аспердиев Т.М.

Көргөзмөнүн өзгөчөлүгү «Калдыктан кирешеге» долбоорунун жыйынтыгы боюнча уюштурулган кичи жарманке болду, анда студенттер Бишкек шаарындагы тигүү ишканаларынын калдыктарынан өз колдору менен жасаган буюмдарын көрсөтүү менен эле чектелбестен киреше да ала алышты.

И.Раззаков атындагы КМТУнун ректору Чыныбаев Мирлан Койчубекович студенттик долбоорлордун жетекчилерине ыраазычылык билдирип, колледждин студенттерине мындан аркы ийгиликтерди, жаңы жетишкендиктерди, келечектүү идеяларды, жаркын ачылыштарды каалап, сунушталган жыйынтыктар бардык студенттер үчүн мындан да чоң уникалдуу долбоорлорду жаратууга шыктануу болот деген ишенимин билдирди!

   И.Раззаков атындагы Политехникалык колледжинин студенттик өз алдынча башкаруу кеңешинин мүчөлөрүнө жана группа башчылары - активист студенттерге Социалдык фонддун кызматкерлери окууларды өткөрүштү.

   2023-жылдын 28-сентябрында “Эмгек баатыры” даражасынын ээси, акын, котормочу Түмөнбай Байзаковдун 100 жылдыгына карата Кыргызстан эл аралык университетинин илимий-өндүрүштүк комплексинде “Т.Байзаков – этнос, тил, адабият, маданият, тарых, философия жана ааламдашуу” аттуу республикалык илимий-практикалык конференциясы болуп өттү. Аталган конференцияга И.Раззаков атындагы КМТУнун Политехникалык колледжинин окутуучусу Н.Д.Мырзабаеванын жетекчилиги астында КМТШИ9-1-23 тобунун студенти Бусурманкул кызы Гулназ катышып, «Байзаковдун ырларындагы тил жөнүндө толгонуу» темасында доклад окуду. Жыйынтыгында Бусурманкул кызы Гулназга конференцияга жигердүү катышкандыгы үчүн тастыктама ыйгарылды.

   Заманбап дүйнө бизге көптөгөн альтернативдүү маалымат булактарын сунуш кылганына карабастан, китептер дагы эле алардын эң мыктысы болуп эсептелет. Учурдагы дүйнө жүзүндө болуп жаткан көйгөйлөрдү ар кандай чыгармалар аркылуу элге жеткирип жаткан акын-жазуучулардын эмгектерин баалабай кое албайбыз. И.Раззаков атындагы Политехникалык колледжи дагы өзүнүн студенттеринин рухий маданияттын өркүндөтүү максатында ар түрдүү иш-чараларды уюштуруп келет. Анын бири үч айды камтыган, мамлекеттик тилди өнүктүрүүгө багытталган Кыргыз тили фестивалы.

   Бул жылы да Кыргыз тили фестивалынын алкагында кыргыз тилинде китеп окуу конкурсу уюштурулду. «Көп окусаӊ, көптү билесиӊ» дегендей эле бул конкурстун максаты – жаштардын образдуу ой жүгүртүүсүн, көркөм табитин өстүрүү, адабиятты түшүнүү деңгээлин көтөрүү, кыргыз тилинде сүйлөө активдүүлүгүн жогорулаттуу.

   Бул конкурска  коомчулуктун катмарларына багытталган, азыркы көйгөйлөрдү чагылдырган, таалим тарбиялык мааниси тереӊ ар кандай тематикадагы аңгемелердин ичинен акын-жазуучу, журналист Айбек Абдылдаевдин “От кечкен отуз күн” аңгемеси тандалган.

   Конкурс эки этаптан туруп, 1-этабына жалпы  9-класстын базасындагы 1-курстун 300дөй студент катышты. Алардын ичинде ар  түрдүү улуттагы жана орус классты бүткөн орус тилдүү студенттер да бар. Биринчи этабы аӊгемеден алынган 10 суроого тест аркылуу жооп берүү болгон.  Ал эми 2-этабы ошол чыгарманын мазмунун, маӊызын сүрөт аркылуу, көркөм окуу, сценка аркылуу мамлекеттик тилде билдирүү эле.

   Конкурстун 2-этабы 10-ноябрь күнү КМТУнун Политехникалык колледжинде өткөрүлүп, иш-чарага чыгарманын автору, Би-Би-Синин кыргыз редакциясынын журналисти А.Абдылдаев, И.Раззаков атындагы КМТУнун Өнүгүү жана инвестицияларды тартуу боюнча проректору Ж.Д.Сыдыков, И.Раззаков атындагы КМТУнун Политехникалык колледжинин директору Н.К.Турусбекова, Жазаларды аткаруу кызматынын капитаны, мамлекеттик тил боюнча адиси, тарбия бөлүмүнүн башчысы Т.С.Эргешов, Ч.Айтматов атындагы Тил жана адабият институтунун Азыркы кыргыз тили бөлүмүнүн башчысы, филология илимдеринин кандидаты Д.А.Исраилова, ушул эле институттун илимий кызматкери Н.Д.Мырзабаева, И.Раззаков атындагы КМТУнун Политехникалык колледждин кыргыз тили жана адабияты сабагынын окутуучулары Ж.К.кыдырмаева, К.Р.Калкабаева катышышты.

   Иш-чаранын жүрүшүндө 2-этапка өтүшкөн студенттер аӊгемени окуган таасирлерин, элестеттүүлөрүн, образдарын сүрөттөр аркылуу айтып беришип, катышуучуларды, өзгөчө авторду таасирлентип, шык беришти. Автор техникалык багыттагы колледж болсо дагы, студенттердин таланттын, чыгармачылыгын, фантазияларынын күчтүү экендигин баалап өттү. Андан тышкары авторго студенттер тарабынан кызыктуу суроолор берилип, автордун аталган аӊгемеден тышкары да, студенттердин көӊүлүн бурган башка кызыктуу чыгармалары талкууланып, “Түндөр” аттуу ыр жыйныгынан ырлары дагы көркөм окулду.

     Конкурстун аягында төмөндөгүдөй жеӊүүчүлөр аталып, активдүү катышкандарга, жеӊүүчүлөргө дипломдор жана автордун кол тамгасы менен китептер белекке берилди:

• 1-орун КМТШИ9-3-23 тобу;
• 1-орун КМТШИ9-2-23 тобунун студенти Наралиева Айгерим;
• 2-орун ТОР9-1-23 тобунун студенти Пазылов Мирсайит;
• 2-орун КМТШИ9-2-23 тобунун студенттери Кадырбаева Камила, Мансурова Береке;
• 3-орун ТОРАТ9-2-23 тобунун студенти Бусов Дмитрий;
• 3-орун КМТШИ9-1-23 тобунун студенти Абдиталипова Алтынай.

   Ошентип, бул сынактын жыйынтыгы менен студентерди кыргыз тилиндеги китептерди окууга чакыруу менен бирге, эне тилибизди байытууга, тынымсыз өсүп-өнүгүүгө бирден бир салым кошо алабыз. Ал эми конкурска тандалган, турмуштук тажрыйбалардан улам жаралган “От кечкен отуз күн” аӊгемеси колледждин студенттерине оӊ таасирин тийгизип, китеп окуунун башаты болот деп ишенебиз.

Китеп акылдын булагы!

      Мамлекетке чын дили менен кызмат кылган, эли-журту үчүн таза, талыкпай эмгектенген улуу инсан Исхак Раззаковдун курман болгондугуна 2024-жылы 19-мартта 45 жыл толду. Улуу инсандын эмгектерин эскерүү максатында И.Раззаков атындагы КМТУнун Политехникалык колледжи төмөнкү иш-чараларды аткарды: студенттерге Раззаковдун өмүр жолун, өлкөнү өнүктүрүү жылдарындагы маанилүү учурларын баяндаган Алим Токторовдун «Раззаков кино» тасмасы көрсөтүлдү; куратордук сааттар өткөрүлдү; университеттин алдындагы эстелигине университет менен чогу гүлчамбар коюлду; 1-курстун жалпы 300дөн ашык студенти март, апрель айларында Раззаковдун үй-музейи менен таанышып келишти.
      Өткөрүлгөн иш-чараларда залкар инсандын өрнөктүү өмүрүн, ак эмгегин келечек муунга үлгү катары жеткирүү зор мааниге ээ экендиги белгиленди. Жылдар өтөт, муундар алмашат, бирок Исхак Раззаков көптөгөн адамдардын жүрөгүндө жашайт. Анын өмүр жолу суктанууга жана сыймыктанууга татыктуу.

   2023-жылдын 30-мартында И.Раззаков атындагы Кыргыз мамлекеттик техникалык университетинде “Заманбап илим: актуалдуу маселелер, жетишкендиктер жана инновациялар” деген темада жаш окумуштуулардын, аспиранттардын жана студенттердин 65-Эл аралык тармактык илимий-техникалык конференциясы болуп өттү. Конференцияга биздин колледждин окутуучусу Тентимишева Асель Кармышевнанын жетекчилиги алдында “Эсептөө техникаларынын жана компьютердик тармактардын каражаттарын техникалык тейлөө” адистигинин студенттери катышты.

   Биздин студенттер «Электроника жана телекоммуникациялык системалар» секциясына бөлүндү. Студенттик конференциянын жүрүшүндө эң мыктылары аныкталып, анда биздин студенттер колледжде алган мыкты билимдери менен олуттуу жыйынтыктарды көрсөтүштү. Конференциянын жыйынтыгында төмөнкүдөй иштер өзгөчө белгиленди:

• «Электроника жана телекоммуникация системалары» секциясында ТОСВТ9-2-20 тобунун студенттери Суютбеков Айтенир жана Турдуматов Альберт «Бөлмө метеостанциясы» темасында иштөө менен 1-орунду алышты.

• «Электроника жана телекоммуникациялык системалар» секциясында TOСВT9-1-21 тобунун студенттери Шакиров Жанболот жана Казыбеков Кайрат «Автоматттык кормушка» темасы менен 2-орунду багындырышты.

Урматтуу студенттер, сиздерди татыктуу жеңишиңиздер менен чын жүрөктөн куттуктайбыз.

Окууда мындан аркы ийгиликтерди каалайбыз!

   2023-жылдын 30-мартында И.Раззаков атындагы Кыргыз мамлекеттик техникалык университетинин чоң жыйындар залында видеосабактарды колдонуу менен электрондук окуу-методикалык комплексти түзүү боюнча семинар болуп өттү. Спикер – «Механика жана өнөр жай инженериясы» кафедрасынын окутуучусу Душенова Марина Анарбековна болду.

     Семинарга Политехникалык колледждин окутуучулары катышып, семинардын темасы боюнча кызыктырган суроолорун бере алышты.

  Декаданын бешинчи жумалыгы табигый так илимдерине арналды – булар математика, физика, астрономия жана информатика. Билим декадасынын алкагында дубал гезиттердин, плакаттардын, буклеттердин жана макеттердин көргөзмөлөрү, ошондой эле «Информатика илим катары», «Компьютердин зыяндуу таасири» деген темада презентация сынактары, «Кроссворддор» оюну, «Компьютер – зыянбы же пайдабы?» деген темада дебат болуп өттү. 

  Колледждин окутуучулары төрт предметти (математика, физика, астрономия жана информатика) айкалыштырган ачык сабак катары өткөрүшүп, анда студенттер колледжде окуп жүргөндө үйрөнгөн өнөрлөрүн жана чыгармачылык иштерин тартуулашты. Студенттер ачык сабакта предметтерди үйрөнүүдөгү өздөрүнүн креативдүүлүгүн жана маалымдуулугун көрсөтүштү.

    2023-жылдын 17-мартында «Костанай облусунун билим берүү башкармалыгы» ББ, «Костанай политехникалык жогорку колледжи» жана Костанай облусунун акимиатынын билим берүү башкармалыгынын колдоосу жана демилгеси менен Динмухамед Кунаевдин 110 жылдыгына арналган «Ийгиликке жол – 2023: Билим. Илим. Кесип» студенттик илимий - практикалык конференциясы болуп өттү. Бул конференцияда биздин колледждин студенттери төмөнкү багыттар боюнча илимий докладдарын көрсөтүштү: Электроэнергетика, IT-технология, тамак-аш өнөр жайы жана автотранспорт.

   Студенттик илимий-практикалык конференциянын жыйынтыгы менен мыктылар аныкталып, алардын ичинен биздин студенттер чыгармачылыгы, маалыматтуулугу менен айырмаланып, олуттуу натыйжаларды жана колледжде алган мыкты билимдерин көрсөтүштү. Конференциянын жыйынтыгында төмөнкүдөй иштер өзгөчө белгиленди: • 1-орун – «Жогорку технологиялар STEM: практикалык чечимдер» секциясында ТОСВТ9-2-21 тобунун студенттери Талайбек уулу Биназир, Акназаров Назар «Киберкоопсуздук» темасындагы иши үчүн, жетекчи: Тентимишева Асель Кармышевна. • 3-орун «Жогорку технологиялар STEM: практикалык чечимдер» секциясында – ТОСВТ9-1-21 тобунун студенти Оболбекова Алтынай «Мүмкүнчүлүгү чектелген адамдар үчүн жабдууларды аралыктан башкаруу» темасындагы иши үчүн, жетекчи: Тентимишева Асель Кармышевна.

Биздинколледждинстуденттеринтатыктуужеңиштеримененчынжүрөктөнкуттуктайбыз, аларгамынданаркыийгиликтердижанажаңыжетишкендиктердикаалайбыз!

Сиздердин жеңиш - биздин сыймык!

  “Тил – элдин жаны” деп акылмандарыбыз айткандай, “Билим Декадасынын” алгачкы эки жумалыгы “Эл аралык эне тил күнүнө” арналып, кыргыз, орус, англис тилдерин бекемдөө жана өнүктүрүү боюнча иш-чаралар уюштурулду. Декаданын алкагында орус тили жана адабияты боюнча дубал гезиттердин, плакаттардын, буклеттердин жана «Орус тили — улуттар аралык байланыштын тили» деген темада сүрөттөрдүн көргөзмөсү болуп өттү.

     Ошондой эле 15-февраль күнү «Мекен жана тил жөнүндө поэтикалык саптар» деген темада орус адабияты боюнча көркөм окуу сынагы өткөрүлүп, студенттер өз таланттарын көрсөтүшүп, классикалык адабиятка болгон сүйүүсүн көрсөтүштү. Сынакка 9-класстын базасында 1-курстун бардык группаларынын студенттери катышып, сынактын негизинде калыстар тобунун чечими менен төмөнкү орундар берилди:

- 1-орун – КМТШИ9-1-22 тобунун студенти Туралиева Уулжан, Михаил Дудиндин «Песня русскому языку» ыры менен;.

- 2-орун – ТОСВТ9-1-22 жана ТОРАТ9-1-22 топторунун студенттери Керимов Адилет жана Акылбеков Султан-Ахмед, Расул Гамзатовдун «О Родине» жана Сергей Есениндин «Гой ты, Русь моя родная» ырлары менен.

- 3-орун – Сыдыков Султан (гр. ОПУТ9-1-22), Эралиев Акбар (гр. ТОСВТ9-2-22) жана Полукаров Давид (гр. ЭС9-1-22) Сергей Есениндин «Спит ковыль…», Александр Сергеевич Пушкиндин «К Чаадаеву …» жана Татьяна Егорованын «Русский язык» ырлары менен.

     Мындан тышкары КМШТИнин адистигинин топторунун студенттери орус элдик ырлары, бийлери менен чакан концерт уюштурушту. Иш-чаранын соңунда студенттерге окууда пайдалуу чакан белектер ыйгарылды. Англис тили боюнча 2023-жылдын 13-февралында «Welcome to the World of English Language» («Англис тили дүйнөсүнө кош келиңиз») деген темада дубал гезиттин бет ачары болуп өттү, анда студенттер маданият, тил, атактуу инсандар жана өлкөнүн улуу өкүлдөрү жөнүндө иллюстрациялар түрүндө маалыматтар менен бөлүшүштү. Белгилей кетсек, олимпиадалык тестирлөө кыргыз тили, орус тили жана адабияты, англис тилдери боюнча предметтик олимпиадалар 2023-жылдын 14-февралында башталып, 18-мартка чейин уланат.

  “Билим декадасы - 2023” төртүнчү жумалыгы, адамзаттын тарыхы жана анын коомдогу орду – бул тарых, адам жана коом, Манас таануу жана ПОПД сабактарына арналды. Декаданын алкагында колледждин студенттери жана окутуучулары тарабынан «Кыргызстандын тарыхы», «Дүйнөлүк тарых», «Кесиптик ишмердүүлүктү укуктук камсыздоо», «Адам жана коом», «Манас таануу» дисциплиналары боюнча дубал гезиттер жасалды.

    Ошондой эле окутуучулар жана колледждин администрациясы үчүн «Мамлекеттин символдору жана атрибуттары тарыхтын булагы» аттуу кызыктуу жана чыгармачыл оюн-сынак өткөрүлдү, Студенттерге Кыргызстандын Конституциясы жана валюталары тууралуу маалыматтык видеороликтер жана «Манасчы» тасмасы көрсөтүлдү. Эң негизгиси студенттер окутуучулардын жетекчилиги астында Т.Абдумомунов атындагы Кыргыз улуттук академиялык драма театрында болушуп, «Манастын уулу Семетей» спектаклинде алар кыргыз элинин улуу эпикалык үчилтигинин жаралуу тарыхынын атмосферасына сүңгүп киришти.

    “БИЛИМ ДЕКАДАСЫ – 2023” үчүнчү жумалыгы бизди курчап турган дүйнө жана анда болуп жаткан процесстердин өз ара байланышы – география, химия жана биология тууралуу сабактарга арналды. Декаданын алкагында дубал гезиттердин көргөзмөсү, студенттердин чыгармачылык иштери, «Таштандыдан киреше», «Керексиз нерселер жаңы ыкмада» деген ураандын алдында кол өнөрчүлүк көргөзмөсү, «Колледжди гүл менен кооздоо» экологиялык акциясы жана башкалар өткөрүлдү. «Дүйнөнүн өлкөлөрү» деген викторина жана «Химиялык заттарды жана кайра түзүүнү изилдөөнүн илимий ыкмалары» деген темада презентация сынагы өткөрүлдү. Ошондой эле, студенттер бир эле убакта олимпиадага катышышып, тандоо турдун жыйынтыгы боюнча мыктылар аныкталды.

    8-март  - Аялдардын эл аралык күнү, ал адамзаттын ажайып бир теңин даңктоо менен бирге, аялдардын саясий, экономикалык, социалдык жана билим берүү тармагындагы жетишкендиктерин даңазалайт.
   8-март майрамына карата И.Раззаков атындагы КМТУнун Политехникалык колледжинин окутуучусу Бердибаева Таалай Ыктыбаевна жаштарды окутууга, өнүктүрүүгө жана тарбиялоого кошкон зор салымы, колледжде жана университетте жигердүү иштегендиги үчүн КМТУнун Ардак грамотасы менен сыйланды.

Урматтуу, Таалай Ыктыбаевна, сизди татыктуу сыйлыкка ээ болушуңуз менен чын жүрөктөн куттуктайбыз, бул сиздин жогорку инсандык жана кесиптик сапаттарыңызды түздөн-түз ырастоосу. Сизге мындан аркы ийгиликтерди, алдыга койгон чоң максаттарды тез арада ишке ашырууну каалайбыз!

 2023-жылдын 25-февралында И.Раззаков атындагы КМТУнун Политехникалык колледжинин жыйындар залында Кыргыз Республикасынын Министрлер Кабинетинин 2022-жылдын 16-декабрындагы №687 “Кыргыз Республикасынын Салык кодексинин 107-беренесинин талаптарын ишке ашыруу боюнча чаралар жөнүндө” токтомунун негизинде Колледждин кызматкерлери менен Биринчи Май районунун салык кызматынын ага инспектору Топчуев Рустам Закировичтин ортосунда «Жеке жактар үчүн бирдиктүү салык декларациясын толтуруу тартиби (ЕНД)”  темасында жолугушуу болду. 
    Колледждин кызматкерлери бирдиктүү салык декларациясын толтуруу, жол-жобосу жана эрежелери боюнча кызыктырган суроолорун берип, аларга жооп ала алышты.

   2023-жылдын 21-февралында И.Раззаков атындагы КМТУнун жыйындар залында “Инженерия – XXI кылымдын илими” деген темада конференция болуп өттү.  Конференцияга И.Раззаков атындагы КМТУнун Политехникалык колледжинин окутуучулары Тентишишева Асель Кармышовна жана Нуржанова Жаркын Нуржановнанын жетекчилиги алдында ТОСВТ9-1-21 группасынын студенттери катышты. 
Куттуктоо сөздөрүнөн кийин студенттер докладдарын коргоо үчүн төмөнкү секцияларга бөлүнүштү: 
     1-секция: Саламаттык сактоодогу биомедициналык инженерия жана IT:
     - Оболбекова Алтынай, баяндаманын темасы: “Мүмкүнчүлүгү чектелген адамдар үчүн аралыктан башкаруу техникасын иштеп чыгуу”. 
     2-секция: Инновациялык технологиялар жана билим берүү тармагында:
   - Нурмухаммед Сабыркулов, Даниел Сабатаров, Улукбек Уланов баяндаманын темасы: “«Китеп дүкөнү» веб-сайтынын сервердик бөлүгүн иштеп чыгуу”.
   - Жеңишбеков Атабек Замирбекович баяндаманын темасы: “«Дарыгер» веб-сайтын иштеп чыгуу”.
     Конференциянын жыйынтыгында окутуучуларга жана студенттерге сертификаттар тапшырылды.   

Сертификат алган окутуучуларды жана студенттерди чын жүрөктөн куттуктайбыз жана мындан аркы ийгиликтерди, жаңы ачылыштарды каалайбыз!

    Билим Декадасынын экинчи жумалыгы да кызыктуу болду. Декаданын алкагында 2023-жылдын 21-февралында “Эл аралык эне тил күнүнө” карата кыргыз тили жана адабияты сабагынын окутуучусу Мунара Конушбаева “Ызгаардагы ыр саптар” аттуу көркөм окуу сынагын уюштурду, студенттер белгилүү жазуучулардын чыгармаларынан ырларды даярдашып, алардын маанисин, мазмунун көркөмдөп айтып беришти. Сынактын жыйынтыгында калыстар тобунун мүчөлөрү төмөнкү студенттерге чакан белектерди тапшырышты:

   - 1-орун “Эне жүрѳгү” аттуу ыры менен ЭС9-2-22 группасынын студенти Бактыбеков Самат;

    - 2-орун “Сүйүү” ырларынан үзүндү жана “Эне тилин унуткандар” ыры менен ТОСВТ9-1-22 жана КМТШИ9-3-22 топторунун студенттери Абдималиков Бьидал жана Нажиева Аймээрим;

  - 3-орун “Эне тилин унуткандар”, “Кыргыз тоолору” ырлары менен ТОСВТ9-1-22, ТОСВТ9-2-22 топторунун студенттери Темирканов Ниеткабыл, Аликов Нурбол.

      Ошондой эле Декаданын алкагында кыргыз тилиндеги “Эне тилди барктайлы”, “Эне тилде сүйлөйлү” темасында дубал гезиттеринин көргөзмөлөрү болуп өттү. 18-февраль күнү англис тили окутуучулары тарабынан «Song in English» аттуу чакан концерт уюштурулуп, студенттер англис тилинде белгилүү ырларды аткарышып, «Золушка» жана «Красная шапочка» жомокторунан үзүндү коюшту. Белгилей кетчү нерсе, колледждин кызматкерлери үчүн да англис тилинин деңгээлин билүү боюнча креативдүү оюн тапшырмалар өткөрүлдү жана ага кызматкерлер кубаныч менен активдүү катышышты. Бардык иш-чаралардын жыйынтыгында катышуучуларга жана студенттерге таттуу белектер берилди.

     Жогорудагы иш-чаралардан тышкары орус тилинин окутуучулары тарабынан 20-февралда орус тили жана анын таза түрүндө сакталышы тууралуу үйрөтүүчү видеотасмалар сынагынын бет ачары болду. Анда студенттер өз алдынча чакан видеотасмаларды тартышты. Жыйынтыгында мыкты видеороликтер аныкталып:

- 1-орун ТОСВТ9-1-22 жана ТОСВТ9-2-22 топторунун орус тили жөнүндө жамааттык түрдө тартылган видеороликке берилди;

- 2-орун ТОР9-1-22 жана ТОР9-2-22 торторуна ыйгарылса;

- 3-орунду ЭС9-1-22, ЭС9-2-22, КМТШИ9-1-21 топтору алышты.

Студенттердин бардык иштерин биздин Instagram @college.kstu баракчабыздан көрүүгө болот.

    Энергетиктер күнү! Энергетиктер күнү – бүт өмүрүн өлкөнүн энергетикалык комплексин түзүүгө жана сактоого арнаган адамдардын майрамы, алар үчүн «жылуулук» жана «жарык» деген сөздөр бүтүндөй бир доор. Энергетиктердин күнүнө карата “Кыргызстандын Улуттук электр тармактары” тарабынан И.Раззаков атындагы КМТУнун Политехникалык колледжинин төмөнкү окутуучулары: Табалдиева Бактыгуль Жылдызбековна, Бигазиева Калмира Жорупбековна, Дюшеева Чолпон Кубанычбековна үзүрлүү жана ак ниет эмгеги, ошондой эле жогорку көрсөткүчтөрү үчүн Ардак грамота менен сыйланышты.

 Кымбаттуу биздин энергетиктер! Сиздерди кесиптик майрамыңыздар менен куттуктайбыз! Сиздерге чың ден соолук, бактылуу узак жашоо каалайбыз! Жан дүйнөңүздүн, жүрөгүңүздүн энергиясы түгөнбөсүн, эмгегиңиздер ар дайым жогору баалансын! Үй-бүлөңүздөрдө сүйүү, урмат гүлдөп турсун! Ар дайым бакубатчылык жана башыңызда ачык асман болсун!

Ар дайым ЖАРЫК болсун!!!

    И.Раззаков атындагы КМТУнун Политехникалык колледжи Мамлекеттик тилди билим берүү тармагында өнүктүрүүгө, тил маданиятынын деңгээлин жогорулатууга, студенттерди эне тилинде ар тараптуу өнүгүүсүнө өзгөчө көңүл бурат. Ошондуктан 3 айды камтыган кыргыз тили фестивалы жыл сайын өткөрүлөт. Ушул фестивалдын алкагында колледжде 1-курстун студенттери арасында китеп окуу сынагы уюштурулду. Китеп окуу окурмандардын ички дүйнөсүн, руханий маданиятын байытып, сөз байлыгын өстүрүп,  акылмандуулукка жетелейт эмеспи.

     Коомчулуктун катмарларына багытталган, таалим тарбиялык мааниси бар, ар кандай тематикадагы аңгемелердин ичинен белгилүү жазуучу, публицист, илимпоз, калемгер эжекебиз Топчугул Шайдуллаеванын “Намазшам гүлү” аңгемеси бир ай мурун студенттерге берилген. Сынактын жыйынтыгы 2022-жылдын 15-декабрында колледждин жыйындар залында өткөрүлүп, жеңүүчүлөр аныкталды. Иш-чарага “Намазшам гүлү” аңгемесинин автору, Кыргыз Республикасынын Жазуучулар союзунун мүчөсү Топчугул Шайдуллаева да катышты.

    Сынактын жүрүшүндө тандалган чыгарма боюнча студенттер аңгемеден көркөм окушуп, сүрөт аркылуу көз-караштарын айтып беришип, чыгармадан үзүндү көрсөтүшүп калыстар тобуна, өзгөчө авторго жаркыраган таасир калтырышты. Жеңүүчүлөрдү аныктоодо калыстар тобуна кыйынга турду. Көпкө созулган талкуудан кийин төмөндөгүдөй жыйынтыктар чыгарылып, жеңүүчүлөргө дипломдор тапшырылды:

1-орун КМТШИ9-1-22 тобунун студенти Маданбеков Ислам;

2-орун ТОСВТ9-2-22  тобунун студенти Аликов Нурбол;

2-орун ТОР9-1-22 тобунун студенти Сагынова Уулкелсин;

3-орун ТОСВТ9-2-22 тобунун студенти  Мирланов Арлен;

3-орун ТОСВТ9-1-22 тобунун студенти Алмазбекова Нурайым.

 “Студенттердин көркөм чыгармага болгон мамилеси, түшүнгүсү келген аракети, таасирленүүлөрү мени абдан толкундатты, кубантты. Окутуучулар көркөм чыгармаларды ушинтип ар тараптан талдатып окутуу менен студенттерге мамлекеттик тилди тереңдетип үйрөтүп жатасыңар. Аларга адептик, ыйман-ынсаптык бийик тарбияны да берип атасыңар!”- деген ой-пикирлери менен  автор facebook баракчасынан бөлүштү.

Китеп окуу сынагына активдүү катышкан бардык студенттерди жана жеңүүчүлөрдү куттуктайбыз!

   Студенттик кез – адамдын инсандык өнүгүүсүнө, илим-билимге умтулуусуна, коомдук жана турмуштук көз караштарынын калыптануусуна жол ачкан эң жоопкерчиликтүү, аң-сезимдүүлүктү талап кылган, ошондой эле жаштык менен сулуулук коштолгон ажайып курак эмеспи.

    2022-жылдын 22-декабрында И. Раззаков атындагы КМТУнун чоң жыйындар залында И. Раззаков атындагы КМТУнун Политехникалык колледжинин 1-курсунун студенттерине арналган “Студенттик күн - 2022” кечеси өткөрүлдү. Салтанаттуу кечеде И.Раззаков атындагы КМТУнун ректору Чыныбаев Мирлан Койчубекович жана колледждин директору Турусбекова Нурайым Курманбековна студенттерди бүгүнкү майрамы менен куттуктап, окууларына ийгиликтерди каалап, студенттердин кесиптик окуу жайды тандоосу -  алардын өз келечегине кенен жол салуусу экендигин сыймыктануу менен белгилеп өтүштү.

    Бул иш-чара студенттер тарабынан даярдалган концерттик программа жана кызыктуу оюн-тамашалар менен коштолду. Колледждин бүтүрүүчүлөрү да 1-курстун студенттерин кызуу куттуктап кетишти. Алардын арасында А.Изибаева атындагы Кыргыз мамлекеттик цирктин артисти  К.Токтосунов кесиптеши менен кеченин көркүнө көрк кошуп, өнөрлөрүн тартуулады.

Көптү үмүттөндүргөн келечек ээлерине алдыдагы илим-билим жолунда, жашоо жолунда албан ийгиликтерди, жаркын жаратмандыктарды каалайбыз!

    Студенттердин Кыргыз Республикасынын ЖКнин депутаты менен жолугушуусу 2022-жылдын 23-ноябрында И.Раззаков атындагы КМТУнун Политехникалык колледжинин студенттеринин Кыргыз Республикасынын Жогорку Кеңешинин депутаты Абиров Жаныбек Болотбекович менен жолугушуусу болуп өттү. Жолугушуу ЭС9-1-21 группасынын куратору Ч.Т.Керимовдун демилгеси менен жана мамлекеттик тил боюнча директордун орун басары Ж.К.Кыдырмаеванын жетекчилиги астында уюштурулду.                Жолугушууда студенттер электр энергиясы, билим берүү тармагы, саясий мамилелер, спортту өнүктүрүү, таштандыларды чогултуу жана кайра иштетүү көйгөйлөрү, жол кире акысын кымбаттатуу боюнча талаш пикирлер, чек ара коопсуздугу ж.б. кызыктуу суроолорду беришти. Ошондой эле, алар дагы депутаттардын сессиясына катышып, болуп жаткан процессти өз көздөрү менен көрүштү. Маектешүү биздин студенттер үчүн абдан кызыктуу, мазмундуу жана маанилүү болду. Алар депутаттан чоӊ түрткү жана пайдалуу кеңештерди алышты.

Өз кезегинде Жаныбек Болотбековичке бизге бөлгөн убактысы жана кызыктуу маеги үчүн ыраазычылык билдиребиз!

      Учурда социалдык терс көрүнүш – терроризм жана экстремизм жөнүндө көбүрөөк угуп жатабыз. Жалпысынан кылмыштуулуктун статистикалык аз үлүшүнө карабастан, террордук актылар көп сандаган бейкүнөө адамдардын өмүрүн алып, бир эле учурда бүтүндөй бир өлкөнүн же алтургай дүйнөнүн тургундарына коркуу сезим жаратып, мамлекеттик бийликке шек келтирип, укук коргоо системасынын беделин түшүрүп, миңдеген адамдарды жабыркатып жатат.

      Ошол себептен И.Раззаков атындагы КМТУнун Политехникалык колледжинин №1 жатаканасынын 60 дай студенттерине бүтүндөй өлкөбүздү курчап турган орчундуу тема болгон  “Терроризм, экстремизм, аны менен күрөшүүнүн жолдору жана улуттар аралык чыр-чатактын алдын алуу” темасындагы лекция өткөрүлдү! Лекцияны Бишкек шаарынын Ички иштер башкы башкармалыгынын ОИИБнин милициянын капитандары Ю.А.Абдуманнапов жана Б. Олжобай кызы окушуп,  андан соң ИИББ ОИИБнин кызматкерлери тарабынан тартылган фото жана видео тасмаларды көрсөтүштү.

        Лекцияда биздин студенттер террористтер тарабынан жасалган террордук акттар, терроризм менен экстремизмдин түрлөрү, алардын себептерин талдоо, алдын алуу, популярдуу Whatsapp мессенджеринде керексиз SMS жөнөтүү жана ал эмне менен коштолоору жөнүндө пайдалуу маалыматтарды алышты.

   Лекциядан кийин Бишкек шаарынын Биринчи май РИИБдин КККнын БИИнин милициянын майору Э.Д.Арсыматов, капитан М.Адилов жана ага лейтенант М.Акылбеков студенттерге уурулук жана анын жазасы,  аракечтик, энергетикалык ссусундуктардын зыяндуулугу, наркомания, чылым чегүү ж.б. жөнүндө маалыматтарды беришип, студенттерди бири-бирин сыйлоого, ынтымактуулукка, жаман адаттардан алыс болууга чакырышышты.

Бишкек шаарынын Ички иштер башкы башкармалыгынын ОИИБнин милициянын капитандары Ю.А.Абдуманнаповго, Б. Олжобай кызына жана Бишкек шаарынын Биринчи май РИИБдин КККнын БИИнин милициянын майору Э.Д.Арсыматовго, капитан М.Адиловго жана ага лейтенант М.Акылбековго убактыларын бөлүп, биздин студенттерибиз менен баарлашкандыгы үчүн ыраазычылык билдиребиз!

  “Кыргыз Республикасынын автомобиль транспортунун жана жол чарбасынын кызматкерлеринин күнү” кесиптик майрамына карата ак ниет эмгеги, өндүрүштөгү жетишкендиктери жана транспорт жана жол тармагын өнүктүрүүгө кошкон салымы үчүн И.Раззаков атындагы КМТУнун Политехникалык колледжинин “Автомобиль транспортун техникалык тейлөө жана оңдоо” адистигинин окутуучусу Чакаев Эрмек Абакирович Кыргыз Республикасынын транспорт жана коммуникациялар министрлигинин ардак грамотасы менен сыйланды.

       Чакаев Эрмек Абакировичти алган сыйлыгы менен жалпы колледждин кызматкерлери куттуктайбыз! Бул сиздин жогорку жеке сапаттарыңыздын түздөн-түз ырастоосу, мындан аркы ийгиликтүү жашоо жолун, алдыга койгон пландарыңыздын, масштабдуу максаттарыңыздын тез арада ишке ашуусун каалайбыз!

   2022-жылдын 12-ноябрында КМТУнун чоң жыйындар залында И.Раззаков атындагы КМТУнун Политехникалык колледжинин студенттери: М.Амиров, М.Абдыралиева, С.Тынчтыкова, Э.Исаков, Х.Мауленкулова, Н.Саткымбаева, Н.Сабыркулов И.Раззаков атындагы КМТУнун студенттик дебаттык клубунун жана «Евразия мууну» коомдук фондунун колдоосу менен Кыргызстандын колледждеринин студенттери арасында өткөрүлгөн «Социалдык тармактар – коммуникациянын же маалыматтык согуштун куралы» деген темада дебаттык турнирге катышышты.        Турнирде төмөнкү студенттер байгелерге ээ болушту: Амиров Марат – 1-орун + “3В MEDIA” мектебинин курсунан өтүү үчүн белек сертификаты, Абдыралиева Медина - 3-орун, ошондой эле КМТУнун Политехникалык колледжинин командасы грамота менен сыйланышты.

Сиздерди жеңишиңиздер менен чын жүрөктөн куттуктайбыз жана мындан ары да улантышыӊарды каалайбыз!

Биздин сыймык - силерсиӊер!

    “Ата-бабаларды эскерүү күнүнө” карата И.Раззаков атындагы КМТУнун Политехникалык колледжинин 1-курсунун (9-кл. жана 11-кл. базаларында) студенттери айрым окутуучулар, кураторлор жана координаторлор менен биргеликте “Кыргыз тили фестивалы-2022” алкагында 1,2,3-ноябрь күндөрү “Ата-Бейит” улуттук тарыхый-мемориалдык комплексине экскурсияга барып, ыйык жайдагы тарыхый окуяларды чагылдырган эстеликтер, музейлер, репрессиянын курмандыктары, тарыхтын ар түрдүү этаптарында мамлекеттүүлүк идеясын көтөргөн жана аны турмушка ашырган элдин эрдиктери менен таанышып келишти.

      Колледждеги билим алуучуларга мындай сабак-экскурсияларды уюштуруунун башкы максаты, “Ата-Бейитти” түбөлүк жай кылган ата-бабаларыбызды арбактарын эскерүү жана алардын тарыхта калтырган эбегейиз эмгегине таазим кылуу, Кыргызстандын эркиндиги жана көз карандысыздыгы үчүн жанын берген улуттун уул-кыздары тууралуу эс тутумду түбөлүккө калтыруу менен бирге зыярат жасап туруу ар бирибиздин ыйык парзыбыз экенин туюндуруу.

   Мамлекеттик тилди өнүктүрүүгө багытталган колледждин окуу планына ылайык жалпы билим берүү цикли боюнча  жыл сайын  15-сентябрдан баштап, 23-декабрга чейин КМТУнун Политехникалык колледжинде “Кыргыз тили фестивалы” ийгиликтүү өткөрүлөт.

   Фестивалдын алкагында 2022-жылдын 26-сентябрында Мамлекеттик тил күнүнөкарата колледжде «Эл дөөлөтү – эне тилинде» аттуу интеллектуалдык оюн сынагы, кино жумалыгы өткөрүлдү. Бул иш-чарага колледждин 1-курсунун студенттери катышты.

   Бул сынакта: алгач эле студенттерге “Колледждеги кыргыз тилинин бүгүнкүсү, эртеңкиси кандай?, Эмне кылуу керек?” деген темада студенттерге долбоор түзүү берилди. Ар бир катышуучу өздөрүнүн долбоорлорун презентация түрүндө тааныштырышып, жактап беришти жана  төмөнкү сунуштарды сунушташты: кыргыз тилинде, кыргызча кооздолгон, көркөмдөлгөн атайын “КЫРГЫЗ ЗОНАСЫН” ачуу; кыргыз тили сабагынын сааттарын көбөйтүү; колледждин бардык кабаттарында кыргыздын учкул сөздөрүн илүү; колледждин биринчи кабатында чоң экран коюп, кыргыз элинин нукура сөздөрүнүн маанилеринин чечмеленишин көрсөтүү; англис тилин кыргызча өтүү, түшүндүрүү; сөз байлыкты көбөйтүү үчүн, студенттер күнүнө 5-10дон сөз жаттоо; ар бир сабак сайын кызыктуу тесттерди берүү; кыргыз тили сабагын гимн менен баштоо; күнүнө 5-10 барак кыргызча китептерди окуу; колледжде кыргыз тилинде курстарды ачуу; кыргыз тили сабагын бир гана колледжде эмес, табият койнунда да өткөрүү ж.б.

   Сынактын кийинки тапшырмаларында кыргыздардын улуттук баалууктары камтылган  тесттик тапшырмалар, ар кандай сүрөттөр аркылуу жашырылган макал-лакаптар, эс тутумду жакшыртуу, тилди жатыктыруу максатында түрдүү жанылмачтар берилип, студенттер кызыгуу менен жооп беришти.

   Жыйынтыгында 1-орунду КМТШИ9-3-22 тобунун студенти Жумабекова Диана; 2-орунду КМТШИ9-2-22 тобунун студенти Мурзалиева Раяна, 3-орунду ОПУТ9-1-22 тобунун студенти Сыдыков Султан жана ЭССС9-1-22 тобунун студенти Шарапов Артык алышты.

  Ал эми кино жумалыгында “Манас” кинотеатрында” жалпы 1,2-курстардын студенттерине  “Манастын уулу Семетей” тасмасы көрсөтүлүп, студенттердин кызыгуусун арттырды.

  Бул иш чаралардын негизги максаты – кыргыз тилин кеңири жайылтуу, өркүндөтүү жана кыргыз элинин улуттук баалуулуктарын, дөөлөт-мурастарын, санжыра-тарыхын, адеп-ахлагын, салт-санаасын, нарк-насилин, дүйнө таанымын таанытуу менен өсүп келе жаткан жаш өспүрүмдөрдүн атуулдук сезимдерин курчутуу, мекенин сүйүүгө негиз берүү болуп саналат.

   Бир чөлкөмдө – Борбордук Азияда коӊшу жашагандыгыбызга, динибиздин бир экендигине, тарыхый тамырлаш, Жамааттык коопсуздук жөнүндө келишим уюму баш болгон күч альянстарына мүчө өлкөлөрдөн экендигибизге карабастан, Тажикстан Республикасы үстүбүздөгү жылдын 14-сентябрында мекенибизге – Баткенге, Чоӊ-Алайга куралдуу кол салды. Беш күндүк айыгышкан куралдуу агрессиянын кесепетинен эр азаматтарыбызды, мекендештерибизди жоготуп, бүлгүнгө, эбегейсиз зыянга учурадык. Ошол эле учурда мүмкүн болушунча катылган жоону тороп, ага да тийиштүү зыян келтирип, чек араны бузуп келип, басып алуусуна жол берилген жок. 140 миӊге жакын мекендешибиз жер которууга туура келип, 62 жараныбыздан айрылып калдык.

   Кагылышуунун биринчи күнүндө эле Кыргызстандын, дүйнөнүн булуӊ-бурчунан гуманитардык жардам берилип, мамлекеттик мекемелер, уюмдардын кызматкерлери кол суна баштады. Алардын сап башында И.Раззаков атындагы КМТУнун Политехникалык колледжинин профессордук-окутуучулар жамааты туруп, 50 миӊ сом өлчөмүндө бир күндүк эмгек акысын которушту. Муну менен катар студенттер четте калбастан, 10 миӊ сом өлчөмүндө чогултуп беришти.

   Ошондой эле окутуучулар жамаатынын демилгеси менен эвакуацияланган мекендештерибизге кийим-кече, идиш-аяк, жуучу каражаттары ж.б. керектүү буюмдар алынып, даректүү жардам берилди.

    Кыргызстан элдеринин бир жакадан баш, бир жеӊден кол чыгарган биримдиги аркасында, тамчыдан көл куралып, тышкы жоого тийиштүү сокку берилди.

Басып алуудан алыспыз, бир укум дагы жерибизди бербейбиз!

 2022-жылдын 8-сентябрынан 12-сентябрына чейин Мордовиянын борбору Саранск шаарында Worldskills Евразия чемпионаты болуп өттү. Иш-чара 14 өлкөнүн кесиптик окуу жайларынын 16 жаштан 25 жашка чейинки студенттери арасында Worldskills Russia 10-юбилейлик “Жаш профессионалдар” Улуттук чемпионатынын алкагында өткөрүлдү. Ачылыш аземинин өзгөчөлүгү катышуучу өлкөлөрдүн желектеринин парады болуп, анда Кыргызстандын желеги да желбиреди. «Билим-Стандарт» көз карандысыз аккредитациялык агенттигинин сунушу менен, Орозбекова Акылай окутуучу Аманова Нурзаданын жетекчилиги алдында И.Раззаков атындагы КМТУнун Политехникалык колледжин ийгиликтүү тааныштырды. Worldskills сынагында «Мода технологиясы» компетенциясы боюнча Орозбекова Акылай 2-орунду ээледи. Сынактын тапшырмасы ирети менен аткарылган бир нече модулдардан турду. Ар бир аяктаган модуль Worldskills стандарттарынын спецификациясына ылайык өзүнчө бааланды. Евразия Чемпионатынын бардык катышуучулары мелдештин жыйынтыгы боюнча практикалык көндүмдөрдүн деңгээлин тастыктаган адистештирилген документ – скиллс-паспорт алышты.               

     Евразия чемпионатынын сынактык аянтына 14 өлкөдөн атаандаштар катышып, 27 негизги жана 1 презентациялык компетенциялары боюнча өз чеберчиликтерин көрсөтүштү. Кыргызстан Евразия мейкиндигинде финалга чыккан алдыңкы 9 өлкөнүн катарына кирди. Конкурстук бөлүктөн тышкары, бул масштабдуу эл аралык иш-чаранын алкагында Worldskills сынагынын эксперттеринин практикага багытталган окуу программалары өткөрүлдү. Онлайн режиминде КМТУнун Политехникалык колледжинин окутуучулары жана окуу чеберлери кесиптик жана методикалык билим берүү боюнча квалификациясын жогорулатууга мүмкүнчүлүк алышты. Дистанттык форматта окутуунун жана баа берүүнүн жаңы формалары, билим жана технологиялар менен алмашуу боюнча билимге ээ болушту, ал эми кээ бирлери эл аралык жана өндүрүштүк стандарттарды эске алуу менен көз карандысыз баалоо жана сынактарды уюштуруу жагынан билимдерин жаңыртышты; бул жаңы багыттын негизги факторлору болуп калаары талашсыз, ошондой эле студенттердин да, окутуучулардын да инсандык жана кесиптик жактан өсүшүнө жана ошого жараша колледждеги билим берүүнүн сапатын жогорулатууга кошумча профессионалдык компетенцияларга ээ болушту. Төрт күнгө созулган сынактын жүрүшүндө И.Раззаков атындагы КМТУнун жана КМТУнун Политехникалык колледжинин атаандаштыкка жөндөмдүү адистерди даярдоодо бардык мүмкүнчүлүктөрүн көрсөтүүгө мүмкүн болду. Аталган иш-чараларга катышуудан алган тажрыйба жаңы билим берүү жана кесиптик чөйрөнү, жаңы өндүрүш маданиятын ийгиликтүү калыптандырууга, билим берүү программаларын реалдуу өндүрүш менен интеграциялоого мүмкүндүк берди. Мунун баары жогорку квалификациялуу жана атаандаштыкка жөндөмдүү адистерди даярдоого багытталды.

Worldskills сынагына бизден катышкан катышуучуларына жашоодо ар дайым жеңүүчү болушун, эч качан өзүнөн күмөн санабай, ар дайым алдыга умтулуусун гана каалайбыз!