Жыйындын темасы: "Кафедра - Өндүрүш - келечек, өз ара аракеттенүү жана кызматташтык" деп аталат. Бул жыйын кафедра менен өндүрүш ишканаларынын жана илимий мекемелердин тыгыз кызматташтыгынын маанисин талкуулоого арналган. Жыйындын жүрүшүндө катышуучулар теориялык билимдерди практикалык жөндөмдөр менен интеграциялоо мүмкүнчүлүктөрүн, окуу процесси менен өнөр жайдын чыныгы муктаждыктарынын ортосундагы байланыштарды күчөтүүнү карашты. Биргелешкен долбоорлорду ишке ашырууда чогу кызматташууга өзгөчө көңүл бурулду, бул адистердин квалификациясын жогорулатууга жана өндүрүш жана илим чөйрөсүндө инновациялык технологияларды өнүктүрүүгө багытталган.
Тегерек столдо КР УИА Сейсмология институту, "Кыргызгеология" мамлекеттик ишканасынын Геофизика башкармалыгы жана "Геокап" геологиялык изилдөө компаниясы менен өттү. Жыйындын жүрүшүндө катышуучулар кафедранын кен казуу тармагына адистерди даярдоодогу ролун талкуулашты. Негизги көңүл кафедранын аталган ишканалар менен биргелешкен иш-аракеттерин жогорку сапаттагы адистерди даярдоо жана туруктуу жумуш ордуна жайгаштыруу үчүн тыгызыраак кызматташуу керектүүлүгүн баса белгилнеди.
Жыйынтыгында катышуучулар резолюция кабыл алып, анда билим берүү мекемелери менен өндүрүш ишканаларынын ортосундагы байланыштарды бекемдөө зарылдыгы айтылды. Документте студенттер үчүн биргелешкен стажировка жана практика программаларын түзүү жана кен казуу тармагынын чыныгы муктаждыктарына багытталган курстарды иштеп чыгуу зарылдыгы белгиленди. Катышуучулар ошондой эле адистердин квалификациясын жогорулатуу жана тажрыйба алмашуу максатында мезгил-мезгили менен жыйындарды жана семинарларды өткөрүүнүн маанилүүлүгүн белгилешти. Резолюцияда ошондой эле илимий изилдөөлөр жана инновациялык технологияларды киргизүү боюнча кийинки кызматташтыкка басым жасалып, бул тармактын атаандаштыкка жөндөмдүүлүгүн арттырып, жумушка орноштуруу мүмкүнчүлүгүн камсыз кылат.
