25.03.2025 Тегерек стол "Техносфералык коопсуздук" багытындагы кадрларды даярдоонун актуалдуу маселелери жана келечеги.

2025-жылдын 25-мартында Кыргыз мамлекеттик техникалык университетинин техносфералык коопсуздук кафедрасында “Техносфералык коопсуздук багытындагы кадрларды даярдоонун актуалдуу маселелери жана келечеги” аталышындагы тегерек стол болуп өттү.

Иш-чаранын максаты — техносфералык коопсуздук багытындагы адистерди даярдоонун сапатын жогорулатуу, окутуу программаларын өнүктүрүү жана заманбап талаптарга ылайык келтирүү болду.

Тегерек столго билим берүү жана мамлекеттик органдардын өкүлдөрү, илимий институттардын жетекчилери, ошондой эле кафедранын профессордук-окутуучулар курамы жана студенттер катышышты.

Катышуучулардын арасында төмөнкүлөр болду:
    •    Калыбек Дыканаалиев — окуу башкармалыгынын башчысы;
    •    Жыргал Сыдыкбеков — эл аралык байланыштар боюнча проректор;
    •    Руслан Акпарлиев — “Энергетика” институтунун директору;
    •    Канат Чыныбаев — Кыргыз Республикасынын Президентинин Аппаратынын мониторинг, талдоо жана коопсуздук бөлүмүнүн инспектору.

Тегерек столдун жүрүшүндө окуу пландары жана дисциплиналарды өркүндөтүү, өнөр жай жана экологиялык коопсуздук жаатындагы жаңы технологияларды окутууга киргизүү, ошондой эле кадрларды даярдоодо практикалык көндүмдөрдү күчөтүү маселелери талкууланды.

Иш-чарага катышкан техносфералык коопсуздук кафедрасынын студенттери адистиктин өнүгүү багыттары боюнча өз ойлорун айтып, эксперттер менен активдүү талкуу жүргүзүштү.

Тегерек стол жыйынтыгында билим берүү процессине жаңы ыкмаларды киргизүү жана мамлекеттик органдар менен тыгыз кызматташтыкты өнүктүрүү боюнча сунуштар иштелип чыкты.

Бул иш-чара кафедранын илимий жана практикалык ишмердүүлүгүн чыңдоого, студенттерди кесиптик чөйрөгө даярдоону жакшыртууга маанилүү салым кошту.