2023-ж. 13-14-февраль күндөрү Венгриянын Будапешт шаарында кыргыз жана венгр университеттеринин ректорлорунун биринчи форуму болуп өттү. Форум Кыргыз Республикасынын Президенти С.Н.Жапаровдун Венгрияга болгон расмий иш сапарынын алкагында өттү.
Форумдун биринчи күнүндө маданий программа менен Этнография музейинде КРнын биринчи айымы Айгүл Жапарованын жана Венгрия өкмөтүнүн расмий өкүлдөрүнүн катышуусунда сүрөт жана китеп көргөзмөсү ачылды. Ошол эле күнү Обуда университети (Obuda Univeritity) менен тааныштыруу иш сапары болуп өттү. Анда делегация мүчөлөрү робототехника лабораториясы жана Илимий-инновациялар борбору менен таанышты.
2017-ж. КМТУ менен Джона фон Нойманн Обуда университетинин информатика кафедрасынын ортосунда өз ара түшүнүшүү меморандумуна кол коюлуп, «Телематика» жана «Геодезия жана геоинформатика» кафедралары менен биргелешкен долбоорлор ишке ашырылган. Жолугушууга геоинформатика институтунун директору Dr. Pődör Andrea жана ал кызматташууну улантууга өзгөчө кызыкдар экенин билдиришти.
Иш сапарында Будапешт Метрополитен университетине (Budapest Metropolitan University) таанышуу сапары да уюштурулду. Ал жерде билим берүү жана илим тармагындагы кыргыз-венгер кызматташтыгын талкуулаган тегерек стол өттү.
Форумдун экинчи күнү Этвош Лоран (Eötvös Loránd University) университетинде уланды. Венгриянын жана Кыргыз Республикасынын билим берүү жана илим министрлери сөз сүйлөштү. Этвош Лоран университетинде Кыргыз борборунун (бурч) ачылышы болду.
Кыргыз жана Венгриянын ЖОЖ ректорлорунун форумунун пленардык бөлүгүндө КМТУнун ректору Чыныбаев Мирлан Койчубекович “Кыргыз Республикасы менен Венгриянын илим жана билим берүү тармагындагы кызматташуу мүмкүнчүлүктөрү” аттуу баяндама жасады.
Кыргыз Республикасы менен Венгриянын жогорку окуу жайларынын ортосунда меморандумдарга жана келишимдерге кол коюлду. КМТУнун ректору Чыныбаев М.К. Янош Кодолани (Kodolanyi Janos University) университети (мейманкана, экономика, IT жана AI), Токай университети (шарап багыты) жана Обуда университети (энергетика, IT, транспорт, робототехника, жеңил өнөр-жай, курулуш жана архитектура) менен саякаттоо меморандумдарына кол коюшту.
КМТУнун ректору Чыныбаев М.К. ошондой эле Ньиредьхаза университетинин (University of Nyíregyháza) ректору проф. Георг Цазо менен жолукту. Аталган колдонмо илимдер университети информатика, машина куруу, кесипкөй учкуч, айыл-чарба инженериясы, искусство (BA), англис тили жана америкалык изилдөөлөр боюнча бакалаврларды даярдайт. Ошондой эле КМТУнун Эл аралык логистика жогорку мектеби (ЭЛЖМ) ийгиликтүү кызматташып жаткан Мишкольц (University Miskolc), университетинин өкүлдөрү менен жолугушуу болду.